Matiu 4:10 - mzwDBL

¹⁰ Anee Yeesu kɔro ŋɔ, “Le n jwɛɛh kaa, Bɔnsam! Korowii Tɔn baɡlɔ ŋɔ, ‘Dɛɛ duu N Naa Korowii dɛɛ tomɛ o ɡbo.’ ”

Matiu 4:10 Iomraidhean Croise

1 Webena 21:1

Bɔnsam dɛ nyin Israel tena na wa, dɛ ɡel Kooro Devid dɔ liire kɛŋɔ a chɛ kɛ ó kure Israel tena.

Job Tɔn 1:12

Anee Korowii ŋɔ Bɔnsam be ŋɔ, “A wer, komɛlbwa waa dɔa la lɔ he nɔn ta, kɛ o te ɡbabir te, bɛ nɔn kpɔ leɡo.” Asɛ Bɔnsam le Korowii be dɛ kaa.

Job Tɔn 1:6

Awola bɛl, nyundua toroma la Korowii be, dɛ Bɔnsam ɡe ja bɛl.

Job Tɔn 2:1

Awola bɛl ɡe ja, nyundua toroma la baa cheme Korowii sie, dɛ Bɔnsam ɡe ja bɛl.

Yela 109:6

N Naa Korowii, le nɛnchɔɡe waa bol n dɔm waa dɛ́ pao bole, ɡel o dɔm ɡbaɡba che o nɛ.

Kaala 23:25

Dɛ hɛɛ teŋɔ dɛɛ tomɛ men Korowii haa dɛ tom mɛ nɔɔ yaa, mɛɛ swee heyaa andɛɛɡaa he kondikwa ne he neerare dɛ weela bwa ta.

Aesaya 30:22

Haa he voɡa haa kpɔ suuɡapoŋ ne suuɡaswɛm ɛ a bwara, laanee kpɔ ɛ wobɛlbwa kpa, dɛ́ kpɔa ka ta kɛŋɔ yakwara aa wola were ken, dɛ́ ŋɔ a be ŋɔ, “Hé le ya sie.”

Matiu 16:23

Belaa Yeesu laa o te berɛ dɛ kɔr Pita ŋɔ, “Le n jwɛh, Bɔnsam! He dɛ neɡ mɛ ń ɛ wechɔɡa, dɛkalkɛ haa anɔ la Korowii aa dɛ nyin la lii, nemenɛ nɛra tetoowa.”

Amanesoma Mak Aa Chwera Tɔn 1:13

bela kpɔɡ bini olchɔɡa aa lole, asɛ o do bela tɔpera fifraanaarɛ. Dɛ Bɔnsam dɛ ba o be bela dɛ baa daahno dɛɛ na kɛŋɔ o fe charɛ nyoa. Dɛ nyundua toroma ɡe dɛ ba o be dɛ baa chao.

Amanesoma Luk Aa Chwera Tɔn 10:18

Belaa Yeesu chaŋ ba ŋɔ, “He pɔ Bɔnsam nɛ. N nao kɛŋɔ waa le nyundua ba le harɛ kerabeŋkpoŋ kɛŋɔ bwaala aa nyɛɡla ken.

Amanesoma Luk Aa Chwera Tɔn 11:18

Anomanta, dɛ Bɔnsam kora bini pero baa yo aa, o kora la aa won ɛ kora. Heyaa ŋɔa ŋɔ Bɛlsebulee tɛ mɛ kpeɡri n won kwaa aa dɛ ir nɛra nɛɛ doŋa.

Amanesoma Luk Aa Chwera Tɔn 13:16

Haah nɔ, Abraham naa on. Bene fi dɛ anuatoroo la Bɔnsam aa soɡe o nɛɛ dɛ chɔɡo, aah aa were kɛ bá doŋi Bɔnsam la le o nɛɛ Ona Tɔpere dɛ́ lɛo ta aa?”

Amanesoma Luk Aa Chwera Tɔn 22:3

Belaa Bɔnsam ba so Judas baa dɛ yerɔ Eskareɔt la nɛ. Dɛ o ɛ Yeesu habɔteŋra fi dɛ banɛ la bɛl.

Amanesoma Luk Aa Chwera Tɔn 22:31

Yeesu berɔ ŋɔ, “Seemɔn, no! Bɔnsam soŋe Korowii ŋwɛnɛ dɛ́ daah heyaa na, kɛŋɔ haah yon palɛ mea dɛ laa a haahra kpɔ a ta la ken.

Amanesoma Luk Aa Chwera Tɔn 4:8

Anee Yeesu ŋɔ o be ŋɔ, “Korowii Tɔn baɡlɔ ŋɔ, ‘Dɛɛ duu N Naa Korowii dɛɛ tomɛ o ɡbo.’ ”

Amanesoma Jɔn Aa Chwera Tɔn 13:27

Waa tɛr nɔn dɛ lɛ paanoo la, Bɔnsam den ba so o nɛ. Asɛ Yeesu ŋɔ o be ŋɔ, “Ir ka ɛ waa haa dɛ ba ɛɛ la warane.”

We-ɛɛla 26:18

Hen dɛ́ ka pili ba sie, ásɛ ba le biro ta dɛ́ ba bochaah ta bela nii aa lole, dɛ́ le Bɔnsam nɔn ta dɛ́ ba Korowii be, ásɛ o kpɔ ba wechɔɡa kɛ ba, ásɛ ba ba ja nɛra baa yarada mɛ n sɔ ba doŋa bwa ta ba ɛ n bii la nɛ.’

We-ɛɛla 5:3

Belaa Pita bɔɔro ŋɔ, “Ananias, ɛrɛɛ he ɡel Bɔnsam won neɡre dɛ ɡel he ba neɡre Korowii Domadɛɛɡe la, dɛ kwaa he suuɡa la pera sɔh nɔɔ?

1 Kɔrent 5:5

hé kpɔ naate bwadabii do Bɔnsam nɔn ta ó chɔɡo, ásɛ awola tɔpere ya Dɔɔ aa ba la, ó ɡe ba lɛ o doma te.

1 Kɔrent 7:5

Anomanta, bɛlbwa bɛ o te kpɔ sɔh o dɔŋ chɔe be pera, atane kɛŋɔ he bwa sɛoh kɛŋɔ he dɛ nyin kɛ hé kpɔ bambibeŋkpoŋ soŋe Korowii tɔpere bɛl tama mɔɔ. Gɛ te wer. Kɛ dɛ he ɛ ɡɛ tonaa, hé berɛ pɛ ja. Dɛ he ta pɛɛ yaa, haa wola won lawɛ he te la, Bɔnsam ɛɛ ɡeloo hé ɛ wechɔɡa.

2 Kɔrent 11:14

A ta nyokpowaa ɛɛ, dɛkalkɛ Bɔnsam ɡbabir won o te beɡra dɛ do kɛ Korowii nyundua torome tenten ken.

2 Kɔrent 12:7

Korowii aa nyin kɛ n kpɔ wejena maa naa chaahna ta la dɛɛ maŋkura n te. Anomanta, o ɡelɔ Bɔnsam kpɔ waane do n nɛɛ aa ha mɛ, dɛɛ tɔɡ mɛ kɛŋɔ sɔɔh, n bɛ won dɛɛ ɛ mbarafo.

2 Kɔrent 2:11

ásɛ Bɔnsam bɛ ŋwɛnɛ ba dɔ dɛ́ chɔɡ ya wa, dɛkalkɛŋɔ ya jemɛ o ŋwɛnɛre waa kpɔa dɛɛ neɡre nɛn.

Mmarare 10:20

Hɛ́ɛ duu Korowii haa dɛ tomɔ nɔ, hé tomɔ. Hé kpɔ he te pɛlo, o ɡbo sɔn taa chɛ kɛŋɔ hɛ́ɛ ŋwɛɛ.

Jems 4:7

Anomanta, hé kpɔ he te tɛ Korowii ásɛ dɛ no o be. Hé yo Bɔnsam. Wɛɛ chwao le he be.

Josua 24:14

Asɛ Josua berɛ ŋɔ Israel tena be ŋɔ, “Hɛ́ɛ ɔmɛ Korowii dɛɛ tomɔ kasinteŋ ne. Hé pa he naawa voɡa baa toma Yufretis Moo la baŋ le ne Ijipt harɛ ta la ta, ásɛ dɛ tomɛ Korowii ɡbo.

1 Pita 5:9

Anomanta, hé che kiŋkiŋ he yarada ta. He bɛ Bɔnsam ŋwɛnɛ tɛ. Hé jemɛ kɛ he bala baa dɛ yarada Yeesu bobɛlbwa la dɛ na a ɡɛ waa nɔ haa dɛ na nɔ dɔŋa.

1 Samoɛl 7:3

Asɛ Samoɛl ŋɔ Israel tena be ŋɔ, “Dɛ hɛɛ berɔɔ ba Korowii be dɛɛ nyinu he bambile bwa ne, dɛ́ laa he te kpɔ voɡa toma ne voɡhaahna Astɔrɛt nɛ, dɛ́ kpɔ he te tɛo dɛɛ tomɛ o ɡbo aa, wɛɛ lɛ heyaa le Filisti tena kpeɡri baa dɛ di he nɛɛ la taa.”