Matiu 3:11 - mzwDBL

¹¹ N te, nee n kpɔ dɛɛ sɔ heyaa Korowii nee dɛ chaɡle kɛ he charɛ he liire le wechɔɡa ta. Kɛ naate waa ba n habɔɔ la te, wɛɛ kpɔ Korowii Domadɛɛɡe ne niinii sɔ heya. O ɡwaa mɛ. Maa o napaa tee kwaraa dɔ.

Matiu 3:11 Iomraidhean Croise

Aesaya 4:4

Gɛ saŋ la, Korowii ɛɛ fee haahna la doŋaa ta, dɛ́ fee nɛra baa kpoo nɛra Jerusalam la doŋa ta. Wɛɛ che o kpeɡri taa dɛ́ tɛr ba deŋne, dɛ́ fee doŋa aa lɔ harɛ la bwa ta.

Aesaya 44:3

Mɛɛ ɡeloo nee chɔ harɛ waa hola ta, ásɛ nenabɔɔne chɔ dɛɛ palɛ. Mɛɛ ɡeloo n Doma ba so he bii nɛ, dɛ́ swee andɛɛɡa tɛ he naanar.

Sekaria 13:9

Bɔrbeŋkpoŋ nɛra nɔɔ mɛɛ ba kpɔe kpɔ nii ta kɛŋɔ baa kpɔ suuɡapoŋ ne suuɡaswɛm do nii ta dɛ laa a doŋa dɛɛ kpɔ a ta la. Baa yerɛ n sɔnee, ásɛ n ɡe sɛh ba be. Mɛɛ ŋɔɔ, ‘N nɛraa ban,’ ásɛ ba ŋɔ, ‘Korowii yaa dɛ tomɔɔ laanee la.’ ”

Matiu 3:6

Ba bol ba wechɔɡa chaɡlo waa, dɛ o sɔ ba Korowii nee moo la ta.

Amanesoma Mak Aa Chwera Tɔn 1:4

Gɛɛ a do Jɔn ir dɛ ba pua hɛŋle ɡbo harɛ la ta, dɛ ba bol Korowii Waa dɛɛ baɡle nɛra, dɛɛ ŋɔ bá charɛ ba liire dɛ́ le ba wechɔɡa ta, ásɛ Korowii kpɔ ba wechɔɡa kɛ ba, ásɛ o ɡe sɔ ba Korowii ne.

Amanesoma Luk Aa Chwera Tɔn 1:17

Wɛɛ dɔ Korowii Domadɛɛɡe ne kpeɡrii kɛŋɔ Korowii keame Elaeja ken, dɛ́ tɔ ya Dɔɔ sie, dɛ́ ɡel eehnanar ne ba bii nyoa pɛ, dɛ́ berɛ deŋnekpeɡ tena liire ba nɛra ba wa aa dɛ su Korowii siwi ŋwɛnɛ ta. Gɛɛ wɛɛ ba ɛɛ dɛ́ nyin nɛra cheɡ ya Dɔɔ, ásɛ o balaa, ba won lɛo dɛ́ tomɔ.”

Amanesoma Luk Aa Chwera Tɔn 3:16

Anomanta, Jɔn ŋɔ ba be ŋɔ, “Nee tenten nee mɛɛ sɔ heya. Kɛ nomɛl ta dɛ ba dɛ ɡwaa mɛ, maa wola o napaa teera kwaraa dɔ. O te, Korowii Domadɛɛɡe ne nii nee wɛɛ ba heyaa sɔe.

Amanesoma Luk Aa Chwera Tɔn 3:3

asɛ o ir dɛ bol Korowii Waa la bwɛɛre aa bar Jɔɔdan Moo la bwa ta, dɛɛ ŋɔ nómɛlbwa charɛ o liire dɛ́ le o wechɔɡa ta, ásɛ ba sɔɔ Korowii nee ásɛ Korowii kpɔ o wechɔɡa kɛo.

Amanesoma Jɔn Aa Chwera Tɔn 1:15

O waa Jɔn faa bol kohona dɛɛ ŋɔ, “Nɛn n fa aa dɛ bol o waa dɛ ŋɔ men tɔ sie o nɛɛ kɛ o ɡwaa mɛ, dɛkalkɛŋɔ o lole mɔɔ ba lol mɛ la, on la.”

Amanesoma Jɔn Aa Chwera Tɔn 1:30

O waa n faa bol ŋɔ, ‘Nomɛl lɔ n habɔɔ dɛɛ ba, dɛ ɡwaa mɛ, dɛkalkɛ o lole mɔɔ ba lol mɛ’ la.

We-ɛɛla 1:5

Nee nee Jɔn sɔ nɛra Korowii ne, kɛ aa tɔpere bɛlee di ásɛ Korowii kpɔ o Domadɛɛɡe la sɔ heya. Anomanta, hé so kpao.”

We-ɛɛla 19:4

Belaa o ŋɔ ba be ŋɔ, “Nɛra baa charɛ ba liire dɛ le ba wechɔɡa ta laanee Jɔn sɔ Korowii ne. Jɔn fa aa dɛ baɡle nɛra waa la, o ŋɔ ba be ŋɔ naate o taa lɔ sie dɛɛ ba bala la baa ba naa, bá yaradao dɛ́ kpɔ ba te tɛo. A ɡɛ saŋ la, Yeesu waa wɛɛ bol la.”

We-ɛɛla 8:36

Baa kpɔ ŋwɛnɛ la ta dɛɛ kaa la, ba kaa le nee bɛl ta, anee nomoa la ŋɔ Felep be ŋɔ, “Nee la. Den sɔ mɛ Korowii ne. Kɛ waane lole ja?”

We-ɛɛla 8:38

Belaa o ɡel o kon waa do kɛ torɔɡo la che, asɛ ba nɛra banɛ la bwa tu dɛ jo nee la ta, asɛ Felep sɔɔ Korowii ne.

1 Kɔrent 12:13

Juu tena o, Grik tena o, yoma o, nɛra baa dɔ ba te noo, Korowii kpɔ o Domadɛɛɡe la sɔ ya bwa ne, asɛ ya ɛ beŋkpoŋ. O tentenee o ɡel ya bwa dɔ dɛ nyɔ do ya bini.

Ɛfesos 3:8

N ɛ bechala o nɛra bwa bini n fe aa wola chɛɛ, kɛ menee o le ŋɔ ń bol o Amanesoma la baɡle nɛra baa wola Juu tena ɛɛ, ásɛ ba ɡe jemɛ wedɛɛɡa aa wola jaɡa dɔe dɛ le Yeesu Kristo waa bini.

Taetos 3:5

o lɛ yaa ta. Ya te wedɛɛɡa ɛɛ waa laa o lɛ yaa ta. Sunaa o sune ya nɛɛ dɛ lɛ yaa ta, dɛ sɔ yaa nee ya won do kɛ baa bera kwaa lolɛ yaa. O Domadɛɛɡe waa kpɔa tɛ yaa o kwaa yaa la nɛɛ ya che dɛ dɔ mkpafale la.

1 Pita 5:5

He bonɔɔna ɡe la, hɛ́ɛ tɛ he nomonome duure. Hé bwa pwɛr he te dɛɛ tɛ dɔŋa, dɛɛ cha dɔŋa, dɛkalkɛŋɔ Korowii Tɔn bolɔ ŋɔ, “Korowii ne mbarafo tena aa jo, kɛ o dɛ sune nɛra baa dɛ pwɛr ba te nɛɛ dɛɛ cha ba.”