Matiu 24:3 - mzwDBL

³ Yeesu teehnɔ ka so Ɔlevere Bwejen la doa. Belaa o habɔteŋra la ɡbo ka puu bela, dɛ ba bɔɔro ŋɔ, “Chaɡle yaa ɡɛ saŋ ɡɛ waa nɔ bwa aa dɛ́ ba chiɡa, ne waa aa dɛ ba bala dɛ chaɡle kɛŋɔ he bala saŋ la ne waa bwa jaɡa saŋ la telo.”

Matiu 24:3 Iomraidhean Croise

Matiu 13:36

Yeesu aa le nɛnlaa la baah la, o kaa jo dea, asɛ o habɔteŋra la ba o be dɛ ba ŋɔ o be ŋɔ, “Chaɡle yaa kpɔɡchɔɡa baa la dɔm la aa kaa merɛ koo mea la ta la mun.”

Matiu 13:49

Gɛɛ waa bwa jaɡa saŋ ɛɛ ba doe. Nyundua toroma ɛɛ bao dɛ́ ba chale nɛnchɔɡa le nɛndɛɛɡa bini,

Matiu 15:12

Anee o habɔteŋra la ba o be dɛ ba ŋɔ, “He jemɔ kɛŋɔ he waa nɔ haa bola nɔ jo Farisii tena nɔ bini kenɛ?”

Matiu 16:27

Men Nɛn Bie nɔ ɛɛ kpɔ n Mɛɛ jirima laanee, n ne n nyundua toroma le nyundua ba, dɛ́ ba bɔ nomɛlbwa kem ɡɛ o toma aa doa.

Matiu 16:28

Kasinteŋ, a ɡɛ saŋ Men Nɛn Bie aa ba di kora la, he bini bane ɛɛ so lee, dɛ́ na mɛ.”

Matiu 17:19

Anee Yeesu habɔteŋra la la o be bokɛre, dɛ ka pɛɛro ŋɔ, “Ɛrɛ waa ya te ta wone doŋi kwaa la le bie la nɛɛ nɔɔ?”

Matiu 21:1

Yeesu ne o habɔteŋra la aa dɛ tel Jerusalam la, ba baa le Bɛtfej waa lɔ Ɔlevere Bwejen la bɔr. Belaa Yeesu tomɛ o habɔteŋra la bini banɛ,

Matiu 24:27

dɛkalkɛ Men Nɛn Bie bala ɛɛ ɛo kɛŋɔ bwaala yon nyɛɡle le wee leebɔr kaa wee cholibɔr la. Gɛɛ maa wola n balaa kpɔ sɔh nomɛlbwa.

Matiu 24:30

A taa hɛɛ ba waane nyundua nae a chaɡle Men Nɛn Bie la kpeɡri, ásɛ harɛ nɔ ta nɛra bwa na dɛ́ wi, ásɛ dɛ na kɛŋɔ Men Nɛn Bie la aa le nyundua baama bini dɛɛ ba kpeɡri ne jirima tenten ne.

Matiu 24:37

Men Nɛn Bie bala ɛɛ piɡri nɛraa kɛ Nowa saŋ nesuuli la aa baa piɡri nɛra la.

Matiu 24:39

Kɛ ba ta wone jemɛ waa aa dɛ ba bala ka tel ɡɛ saŋ nee la aa sua dɛ ba kpɔ ba bwa kaa. Gɛɛ Men Nɛn Bie la bala la ɛɛ ba nɛra piɡra.

Matiu 24:43

Hɛ́ɛ no. Dɛ dem te fe jemɛ ɡɛ saŋ ŋwɛɛ aa ba ŋwɛo waa, o fe aa domii chɔ dɛ́ ɡel o ba jo dem dɛ́ ŋwɛo.

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Amanesoma Luk Aa Chwera Tɔn 21:7

Anee ba bɔɔro ŋɔ, “Nomoa, saŋ besoo aa ba chiɡa ɔ? Bɔkwaa dɛɛ ba baɡla kɛ ɡɛ waa nɔ dɛ́ ba chiɡa ɔ?”

We-ɛɛla 1:7

Belaa Yeesu ŋɔ, “N Mɛɛ nɔn taa wobɛlbwa ne a tɔpere bwa do. He ta kpeɡri dɔe kɛŋɔ he jemɛ tɔpere la waane aa dɛ ba chiɡa.

Hibru 9:26

Dɛ bena bɛlbwaa wɛɛ jo bela dɛ kpɔ o te ɛ saraha aa, bena bɛlbwaa o fe ɛɛ ba wahala nae dɛ kpoŋe le harɛ mumpar ba le fini. Kɛ kerabeŋkpoŋ ɡboo o ba harɛ nɔ ta tɔpere tama waa kaa nɔ ta, dɛ ba kpɔ o te ɛ saraha dɛɛ laa nɛra wechɔɡa kpɔ, waa wola ɡɛɛ ɛ kpa.