Matiu 21:5 - mzwDBL

⁵ “Ŋɔ Saayɔn tena be ŋɔ bá nyiŋi na! Ba kooro dɛ ba ba be! O pwɛre. O soɡe keeɡo bie ta, keeɡo bale taa o so.”

Matiu 21:5 Iomraidhean Croise

Mumpar 49:10

Koodaŋɡbala aa o nɔn ta lee ba, mmarare doe ɡe aa o habɔɔ le, ásɛ harɛre nɛra kpɔ koŋkɛɛla baa tɛo, dɛ́ ba ɡuŋi o sie dɛɛ duuru.

2 Samoɛl 16:2

Asɛ Kooro Devid bɔɔ Siba ŋɔ, “Bɔkwaa hɛɛ la ka ɛ anɔ bwa ne nɔ?” Ate, o chaŋe ŋɔ, “N naa kooro, keeɡore nɔ ɛ hen n naa kooro ne he haahna, ne bii bwa kwa, ásɛ baa so a ta. Paanoo la ne daa nɔna nɔ ɡe ɛ kwaa baala nɔ aa di, asɛ sen la ɡe, banɔ la baa ka ɡwɛɡre pua hɛŋle ɡbo harɛ ta la nyɔ dɛ́ do kpeɡri.”

1 Koranar 1:33

o ŋɔ ba be ŋɔ, “Hé kpɔ n koodem nomonome, dɛ n bie Solomɔn so n keeɡo la ta ja kaa Gehɔn bule ta.

1 Koranar 10:26

Kooro Solomɔn dɔ kwaa aa do kɛ torɔɡore kaɡboŋ lafraanaarɛ ba kpɔ dɛɛ la laa. O dɔ jaɡre ɡe kaɡboŋa fi dɛ anɛ. O kpɔ ane ka do bwɛjena ane ta, ane ɡe do o be Jerusalam.

Yela 9:14

ásɛ n che Jerusalam tena bwa sie, dɛ́ bol ba be waa bwa haa ɛa. Mɛɛ hɛɡroo, lɛɛ haa lɛɛ mɛ la wa.

Aesaya 12:6

Saayɔn tena, hé hɛɡre dɛ́ ɡo yela kohona. Israel Nɛŋɡoroŋ la kan kohona! O ne o nɛra so.”

Aesaya 40:9

Jerusalam tena, he teeh kaa bwejena dor, dɛ́ ka bol amanesoma la! Hé bola takpeɡ ne, he bɛ ɔmɛ, hé ŋɔ Juda harɛ bwɛɛre nɛra be ŋɔ, “Korowii haa dɛ tomɔ la dɛ ba.”

Aesaya 62:11

Korowii bol waa nɛra baa lɔ harɛ jaɡa bwa be ŋɔ, “Saayɔn tena, he na ɡɛ he Lɛɛ aa dɛ ba! O kpoŋe o kembɔr, o ne nɛra waa lɛɛ ba dɛɛ ba.”

Ɛsekeɛl 34:24

Men Korowiirii dɛ́ ɛ Korowii baa tom mɛ, ásɛ kooro waa do kɛ n bonɔɔ Kooro Devid ɛ ba kooro. Men Korowiirii bola.

Ɛsekeɛl 37:24

Kooro waa do kɛ n bonɔɔ Kooro Devid la, onee dɛ́ ɛ ba kooro, dɛ́ do kɛ peteɡre beŋkpoŋ dɛɛ nyiŋi ba nɛ. Baa teŋɛ me Mmarare ne waa maa kpɔa tɛɛ ba taa kasinteŋ ne.

Hosia 1:7

Kɛ Juda harɛ ta tena te, mɛɛ nyin baa, mɛɛ lɛɛ baa. Dɔmkwaa aa do kɛ to ne hɛma, ne tokobie dɛ jaɡre nɛra aa kpɔa dɛɛ la laa ne laa mɛɛ ba kpɔe lɛɛ ba. Men Korowii baa dɛ tom mɛ la kpeɡri nee mɛɛ ba ba lɛɛ.”

Maeka 5:2

Korowii ŋɔ, “Juda harɛ bwɛjeɡa Bɛtlɛham, Juda harɛ bwɛɛre bini bwɛsala laa hen, dɛkalkɛŋɔ he taa kooro ɛɛ ba lee, dɛ́ nyiŋi n nɛra Israel tena nɛ.”

Nɛra Kura 24:19

Kooro la ɛɛ le Israel tena binii dɛ́ ba kpoo nɛra baa ka bwɛjen la ta bwa.”

Matiu 11:29

Gɛ baa kpɔ daa dawɛ nae anɛ nɛ a pɛ dɛɛ ɛ toma la, hé ɡel n ne he pɛ ɛ ɡɛ, ásɛ he hweli le n be, dɛkalkɛ n pwɛre, maa mbarafo ɡe ɛ. He ɛ ɡɛ naa, haa koeh ba.

Matiu 2:2

dɛ ba bɔɔ bela tena ŋɔ, “Leperaa Juu tena kooro baa lolɔ taraken la dɔɔ? Ya na wewee bɛl wee leebɔr ya bwɛɛ o baɡle kɛŋɔ ba lolɔ. Anee ya ba dɛ́ ba duuru.”

Matiu 2:6

‘Juda harɛ bwɛjeɡa Bɛtlɛham, Juda harɛ bwɛɛre bini bwɛsala laa hen, dɛkalkɛŋɔ he taa kooro ɛɛ ba lee, dɛ́ nyiŋi n nɛra Israel tena nɛ.’ ”

Matiu 21:6

Asɛ o habɔteŋra la la, dɛ ka ɛ ɡɛ waa tom ba la.

Amanesoma Luk Aa Chwera Tɔn 24:27

Asɛ Yeesu baɡ ba o bwara waa aa lɔ Korowii Tɔn la bwa bini. O pa mun le anɔ la aa lɔ Mosis Tɔne la bini dɛ baɡle kaa anɔ la aa lɔ Korowii keamere kwaa la ta.

Amanesoma Jɔn Aa Chwera Tɔn 1:49

Anee Nataaneɛl ŋɔ, “Nomoa, Korowii Biee hen. Henee Israel tena Kooro la.”

2 Kɔrent 10:1

Men Pɔɔl, n dɛ soŋe heya. Ba ŋɔ n lɔ he be naa, n pwɛre, kɛ n le he be te naa, n waa kpeɡri. N dɛ soŋe heyaa kɛŋɔ hé nyiŋi ɡɛ Yeesu Kristo aa pwɛra o tea do som la,

Mmarare 17:16

Kooro la bɛ jaɡre kohona nyin, o bɛ ɡel nɛra la Ijipt harɛ ta dɛ́ ka yawɛ jaɡre, dɛkalkɛŋɔ Korowii haa dɛ tomɔ nɔ ŋɔ o nɛra bɛ berɛ la Ijipt harɛ ta kpa.

Sitɔɔla 12:14

O dɔ bibaala fifraanaarɛ dɛ naanar fifraatoro, baa so keeɡore fifraanuanɛ ta. Bene anuatoroo o ɛ Israel tena sitɔɔ.

Sitɔɔla 5:10

Hé no, he banɔ la haa soɡe keeɡopoŋa ta, dɛ so kwaa baa paa dawɛ a ta, ne he banɔ la haa dɛ valɛ nakpale ta.