Matiu 2:4 - mzwDBL

⁴ Anomanta, kooro la yerɛ Sɔfonomonome ne Tɔnjerema la bwa ba cheme o sie dɛ bɔɔ ba ŋɔ, “Leperaa baa ba Kristo la Korowii aa ŋɔa ŋɔ wɛɛ tomɔɔ ó ba lɛ yaa la lola ɔ?”

Matiu 2:4 Iomraidhean Croise

2 Webena 34:13

Dɛ Lewi dea tena bane ɡe chɔ tom-ɛɛra nyoa, dɛɛ nyiŋi tom-ɛɛra bwa soo siwi nɛ, ba tomare ta. Ba bini bane chwerɛ waa dɛɛ do tɔne bini, bane ɡe chwerɛ webena aa chiɡa dɛɛ bil, bane ɡe ɛɛ daah Korowii Dea doonyoone.

2 Webena 34:15

Asɛ sɔfo Hilkia ŋɔ karake Safan waa chwerɛ waa dɛɛ bil la be ŋɔ, “N na Korowii Mmara Tɔn waa nyoɡra la Korowii Dea.” Asɛ o kpɔ tɔn la tɛ Safan.

2 Webena 36:14

Anɔ la aa bera ja laanee kɛŋɔ, Juda harɛ nomonome ne sɔfore, dɛ bela tena teŋɛ harɛre aa bar ba cheme kii we-ɛɛla Korowii aa kia ta, dɛ kaa tomɛ voɡa. A che a ta, ba kpɔ doŋa kah Korowii Dea Korowii ɡbaɡba aa ɡela o do ɡoroŋ Jerusalam la.

Ɛsra 10:5

Ate, Ɛsra ir che dɛ ɡel sɔfo nomonome ne Lewi dea tena dɛ Israel tena bwa ŋwɛɛ kɛŋɔ baa ɛ ɡɛ Sɛkania aa bola laanee.

Ɛsra 7:6

A ɡɛ Ɛsra nɔ ɛ sɔfo dɛ le Babelɔn ba. Dɛ o ɛ chicha ɡe, dɛ jemɛ mmarare Korowii Israel tena aa dɛ tomɔ aa kpɔa tɛ Mosis la kɛrɛdɛ, dɛɛ baɡla. Komɛlbwa waa bɔɔ le koojen be la, o dɛ tɛo, dɛkalkɛ Korowii waa dɛ tomɔ la nɔn dawɛ o nɛ.

Nehemia 12:7

dɛ Sallu ne Amɔk ne Hilkia dɛ Jedaya. Banɔɔ sɔfore sitɔɔla ne banɔ la baa dɛ cha ba, Jesua bere saŋ.

Yela 2:2

Ba koranar kpɔ ba te, dɛ ir che dɛɛ vɔrɔwe Korowii ne o kooro waa leo la vɔrɔwa.

Jeremia 8:8

Ɛrɛɛ hɛɛ ba wona ŋɔ he jemɛ wa dɛ jemɛ me Mmarare la ɡeɔ? Nɛra baa dɛ chwerɛ Mmarare la bera, dɛ́ neɡre heya.

Malakae 2:7

A chɛ kɛ sɔfo bɛlbwa dɔ wejema kɛrɛdɛ le men Korowii be, dɛ́ kpɔ dɛɛ baɡle nɛra wa, ásɛ nɛra la ba be kaa hweli n waa la. Banee men Koranar Bwa Kooro tomɛ.

Matiu 13:52

Anee Yeesu berɛ ŋɔ, “Amɔ nomɛlbwa waa jemɛ Mosis Mmara la, dɛ berɛ ba hweli Korowii Kora nɔ waa la do kɛŋɔ nomɛl aa dɔ o dem, dɛ dɔ konfala ne kombena, dɛ won a bini bɛlbwa waa dɛ nyin kpɔe dɛ́ le bela waa dɛ cheɡ o kwa.”

Matiu 2:3

Kooro Hɛrɔd ne Jerusalam tena bwa aa no ɡɛ kooro nɔ waa la, ɔmee laɡ ba.

Matiu 2:5

Anee ba ŋɔ o be ŋɔ, “Baa lolɔɔ Bɛtlɛham waa lɔ Juda harɛ nɔ taa, dɛkalkɛŋɔ Korowii keame la baɡlɔ ŋɔ,

Matiu 21:15

Sɔfonomonome ne Tɔnjerema la aa na wejena waa dɛ ɛ la ne ɡɛ bechale la aa dɛ si ŋɔ, “Woowo! Devid Naa hen” la, ba baah di o nɛ.

Matiu 21:23

Yeesu berɔ la Korowii Dea, dɛ kaa chaɡle nɛra Korowii Wa. Asɛ Sɔfonomonome ne bwɛɛ la nomonome ba bɔɔro ŋɔ, “Umee tɛɛ ŋwɛnɛ ŋɔ hé ɛ ɡɛ waa nɔ haa dɛ ɛ nɔɔ? Umee tɛɛ kpeɡri kwaraa te nɔ?”

Matiu 26:3

Anee Sɔfonomonome ne bwɛɛ nomonome ka cheme Sɔfonomoa Kaefas dem,

Matiu 26:47

Yeesu nyoa ta aa lɔ waa ta wɛɛ bol la, dɛ Judas waa ɛ o habɔteŋra fi dɛ banɛ la bini bɛl la denɔ ba. Dɛ nɛnlaa tenten Sɔfonomonome ne bela nomonome aa tom ba kpoŋe keri ne ɡule ja Judas nɛɛ ba ba.

Matiu 27:1

Tɔɔ aa pera chɔmbibi la, Korowii Dea Sɔfonomonome bwa ne ba harɛ la nomonome chemo dɛ vɔrɔwe Yeesu kpoe vɔrɔwa,

Matiu 7:29

dɛkalkɛ a ta do kɛ ɡɛ Tɔnjerema la yon dɛɛ baɡle la. O te dɛ bol waa kɛ nɛn waa dɔ waa bwa kpeɡri ken.

Amanesoma Mak Aa Chwera Tɔn 8:31

Belaa Yeesu pa mun dɛɛ baɡle o habɔteŋra la kɛ a chɛ kɛ o Nɛn Bie la na wahala kohona waa bwa ta, ásɛ nomonome ne Sɔfonomonome ne Tɔnjerema vɛoh, ásɛ ba kpoo, ásɛ a tɔpetooro wee la, ó ir seo ta.

Amanesoma Luk Aa Chwera Tɔn 20:19

Dɛ Tɔnjerema la ne Sɔfonomonome la siwi swɛɛrɔ kɛŋɔ baa lawɔɔ buɡ la ta, dɛkalkɛŋɔ dɛ ba jemɔ ŋɔ banee o sɛɡle. Kɛ dɛ ba dɛ ɔmɛ nɛnlaa la.

Amanesoma Luk Aa Chwera Tɔn 23:10

Belaa Sɔfonomonome ne Tɔnjerema la bol waa takpeɡ ne dɛɛ dawɛ o nɛ.

Amanesoma Jɔn Aa Chwera Tɔn 18:3

Anomanta, Judas na Sɔfonomonome ne Farisii tena, asɛ ba tɛo soojare ne nɛra baa dɛ daah Korowii Dea la bane. Asɛ ba kpɔ kandere ne kapɛle ne dɔmkwa, asɛ Judas kpɔ ba la bodɛɛɡe baa du daa la baah bela.

Amanesoma Jɔn Aa Chwera Tɔn 3:10

Anee Yeesu ŋɔ, “Ɛrɛɛ he ɛ Juu tena nomonjen dɛɛ baɡle Korowii Wa, haa wola ɡɛ waa nɔ jemɛ nɔɔ?

Amanesoma Jɔn Aa Chwera Tɔn 7:32

Farisii tena la aa noa kɛŋɔ nɛnlaa la dɛ ŋwalɛ Yeesu waa dɔŋa be la, ba ne Sɔfonomonome la tomɛ nɛra baa dɛ daah Korowii Dea la ŋɔ bá ka lawɔ.

Amanesoma Jɔn Aa Chwera Tɔn 8:3

Asɛ Tɔnjerema ne Farisii tena lawɛ haah bɛl waa dɛ bɔ jwamane dɛ ba o ne Yeesu be, dɛ ɡel o ba che ba bwa baah ta.

We-ɛɛla 23:9

Ba nyɛɡa la nyoa baa do kpeɡri, asɛ Farisii tena Tɔnjerema la ir che dɛ ŋɔ, “Ya ta wechɔɡa bɛlbwa baa nɔ nɛɛ nae. Bɛl lole komɛl kɛɛ nyundua torome bɛlee bol waa o be!”

We-ɛɛla 4:5

Tɔ aa pera la, Juu tena nomonome, ne bwɛɛ nomonome, ne Tɔnjerema bwa cheme Jerusalam.

We-ɛɛla 6:12

Kenii a ɡɛ nɛra nɔ ɛ dɛ won berɛ ba bwɛɛ tena ne Juu tena nomonome ne Tɔnjerema la bwa liire, dɛ ɡel ba baah di Steeven nɛ. Asɛ ba lawɔ la ba nomonome baa dɛ bol waa dɛɛ pa bole sie.