Matiu 2:16 - mzwDBL

¹⁶ Kooro la aa baa jemɛ kɛŋɔ wejerema la neɡro la, o bwaawee iro taeh. Dɛ o fa ta sie dɛ na kɛ ɡɛ saŋ wejerema la aa ŋɔa ba na wewee bɛl la, aa dɔ bene anɛɛ. Anomanta, o do nɛra ŋɔ bá ɡaaɡe dɛ́ kpoo bibaala ba taa ɛ bechasɔɔhne ka tel banɔ la baa di bene anɛ, dɛ do Bɛtlɛham ne o bwɛɛre aa baro cheme la bwa ta.

Matiu 2:16 Iomraidhean Croise

Mumpar 39:14

o yerɛ bonɔɔna baa lɔ dem bela la dɛ ŋɔ, “Hé no waa nɔ. Hibru te nɔ n jaa aa kaa lawɛ ba dem bonɔ nɔ dɛ ɛ yaa sisawa. O baa jo n be dea ŋɔ o fee paɡ mɛ, asɛ n do lɔŋɔ kohona.

Mumpar 39:17

Belaa o bol waa la o be dɛ ŋɔ, “Hibru te bonɔɔ haa ba o ne dem bonɔ la ba n be dea dɛ ba ɛɛ mɛ chɔɡa wa.

Mumpar 49:7

Ba bandia ne ba nyubinikpeɡ nomanta, bá bwɛɛlɛ! Mɛɛ lɔ ba naanaree peɡre Israel harɛ bwa. Dɛ laɡ ba le ba nɛra bini.

2 Koranar 8:12

Anee Hasael ŋɔ, “N dɔɔ, ɛrɛɛ hɛɛ wi nɔɔ?” Elaesa ŋɔ, “N jemɛ wechɔɡa haa dɛ ba Israel tena ɛɛ. Hɛ́ɛ fuh ba bwɛjena baa ma danjwɛkpeɡa bara laanee. Dɛ́ kpoo ba bonɔɔna keri ne, dɛ́ tiɡri ba bechale nɛɛ do harɛ, dɛ́ ya ba tekpoŋra teene keri ne.”

Job Tɔn 12:4

N berɛ akwekwe nɛn n daamanar be, ba dɛ mam mɛ, kɛ n waa toɡrɔ, wechɔɡa bɛlbwa toole n nɛ, Korowii fa no n wesoŋa ka.

Sɛɡla 28:15

Nomonchɔɡe waa dɛ nyiŋi nɛŋɡwɛɡra la, o do kɛŋɔ nyujente kɛɛ sisire yon dɛɛ kɔɡre, dɛɛ nyin ola dɛ́ lawɛ la.

Sɛɡla 28:17

Nɛn waa dɛ kpoo nɛra la, o ɡbaɡba bɔɔ wɛɛ kwi, bɛ on kah.

Aesaya 26:21

Hé no! Korowii le o dobɔr nyundua dɛɛ ba, dɛ́ ba tɛr nɛra baa lɔ harɛ ta deŋne ba wechɔɡa wa. Harɛ ɛɛ le nɛra baa sɔah kpoo nɛra laanee tɛ, waa ban kpɔ sɔh kpa.

Aesaya 59:7

He ɡbaŋre wechɔɡa ɛɛ ne nɛn waa wola wechɔɡa ɛɛ kpoe ta. Wechɔɡa lɛ he liire bwa, dɛɛ chɔɡ kwaa bobɛlbwa haa dɛ la.

Daneɛl 3:13

Ate, Kooro Nebukadnesa baah di kohona, asɛ o ɡel ba ka yerɛ Sadrak ne Mesak dɛ Abɛdnɛɡo, dɛ ba ba ne o sie.

Hosia 10:14

he nɛra ɛɛ no laa ɡbɔɡaa, ásɛ he dekpeɡa bwa chɔɡ. Aa doo kɛŋɔ Kooro Salman aa kpɔ laa ba chɔɡ bwɛjen Bɛt Aabɛl, dɛ kpoo haahna ne ba bii bil la.

Nɛra Kura 22:29

Anee Balam chaŋe keeɡo la ŋɔ, “Haa ɡela n di sihiih la waa! Dɛ n dɔ kere aa, n fe kpoe buɡ nɔ ta.”

Nɛra Kura 24:10

Ate, Kooro Balak baah di Balam nɛ. O ume nɔɔra lɔ dɔŋa kohona dɛ ŋɔ o be ŋɔ, “N dɔma taahna waa n ka kpɔe ba, kɛ he berɔ swee ba andɛɛɡa kera atoro bwa.

Matiu 2:1

Gɛ saŋ baa lolɛ Yeesu Bɛtlɛham waa lɔ Juda harɛ ta la, dɛ kooro bɛl baa dɛ yerɔ Hɛrɔd di kora. Belaa wejerema bane baa jemɛ weweela waa le wee leebɔr harɛ bɛl ta dɛ ba Jerusalam,

Matiu 2:17

A ɡɛ waa nɔɔ ɡela Korowii keame Jeremia waa o fa aa bola la ɛ kasinteŋ.

Matiu 2:7

Belaa Kooro Hɛrɔd yerɛ wejerema la le bokɛre, dɛ bɔɔ ba ɡɛ saŋ ɡbaɡba wewee la aa lea.

Wepila 12:4

Asɛ o kpɔ o din ɡbaa weweela ta harɛ. Dɛ he bɔne a bini bɔre atoro naa, a bini beŋkpoŋii o ɡbaa. O baa che haah la waa dɛ ba lola la sie dɛɛ nyin kɛŋɔ dɛ o lolaa, ó kpɔ o bie la lile.

Wepila 17:6

N na haah la kɛ waa dɛɛra. Korowii nɛra ba wa aa toɡra dɛ teŋɛ Yeesu nɛɛ ba koh a waa kpoo ba la chalee o nyɔ dɛ dɛɛ. Maa nao la, n nyoa kpoo taeh.

Sitɔɔla 16:10

Delaela ŋɔ Samsen be ŋɔ, “Gɛnee men hɛɛ neɡ mɛ naa? Name te, chaɡ mɛ ɡɛ baa ɛ dɛ́ won vɔrɔwe.”