Matiu 2:13 - mzwDBL

¹³ Baa le bela dɛ kaa la, Korowii nyundua torome bɛl ba Josef be deera ta dɛ ba ŋɔ o be ŋɔ, “Kooro Hɛrɔd dɛ ba ɡela nɛra ɡaaɡe bie la bɔr dɛ́ kpoo. Anomanta, ir dɛ́ kpɔ bie la ne o nya bwa chwa kaa Ijipt harɛ ka so bela, ka tel ɡɛ saŋ maa berɛ ba ŋɔ hé le bela mɔɔ he le.”

Matiu 2:13 Iomraidhean Croise

We-ɛɛla 12:11

Belaa Pita ta na waa aa ɛo la, dɛ ŋɔ, “Namee n ta jemɛ kɛ N Naa Korowiirii ɡela o nyundua torome nɔ ba lɛɛ mɛ le Kooro Hɛrɔd nɔn ta, dɛ lee mɛ waa Juu tena bwa fe aa dɛ lii kɛ mɛɛ nao la ta.”

We-ɛɛla 10:7

Nyundua torome la aa bol waa tonɛ la, o kaalɔ, asɛ Kɔnɛɛleɔs yerɛ o bonɔɔna banɛ ne sooja bɛl waa dɛ tomɛ Korowii kohona dɛɛ teŋɛ o Kɔnɛɛleɔs nɛɛ saŋ bɛlbwa la,

We-ɛɛla 5:19

Awola jwaana la, Korowii nyundua torome bɛl baa ya dea la ɡbera, dɛ le Yeesu toroma la ne buse, dɛ ŋɔ ba be ŋɔ,

Matiu 2:12

Baa dɛ ba kaala la, Korowii cheɡɛ deera ta dɛ ja ba ŋɔ ba bɛ Hɛrɔd be la kpa, asɛ ba berɛ che ŋwɛnɛfale ta kaa ba bwɛ.

Matiu 1:20

Gɛ waa nɔ aa lɔ Josef liire bini la, belaa Korowii nyundua torome bɛl ba o be deera ta dɛ ba ŋɔ, “Devid naa Josef, dɛɛ berɛ ɔma kɛŋɔ hɛɛ mo Mɛɛree. Korowii Domadɛɛɡee ɡela o kpoŋe tea la.

Kaala 1:22

Ate, Ijipt kooro la ŋɔ nɛra bwa be ŋɔ, “Bibaa bɛlbwa Hibru te haah naa lolɔ la, hé lɛo dɛ́ kpɔɔ ka ta Nael Moo ta. Kɛ dɛ bihaahnee te naa, hé ɡel ó do le.”

Matiu 2:16

Kooro la aa baa jemɛ kɛŋɔ wejerema la neɡro la, o bwaawee iro taeh. Dɛ o fa ta sie dɛ na kɛ ɡɛ saŋ wejerema la aa ŋɔa ba na wewee bɛl la, aa dɔ bene anɛɛ. Anomanta, o do nɛra ŋɔ bá ɡaaɡe dɛ́ kpoo bibaala ba taa ɛ bechasɔɔhne ka tel banɔ la baa di bene anɛ, dɛ do Bɛtlɛham ne o bwɛɛre aa baro cheme la bwa ta.

Job Tɔn 33:15

Deera ne wepila ta jwaana, ɡɛ saŋ nɛn aa chɔ dom kwaraa o kalaŋ ta la,

Job Tɔn 33:17

dɛ́ berɛ ba liire le wechɔɡa ɛɛ ta, dɛ́ le ba ne mbarafo ta,

Josua 4:18

Ate, sɔfore baa cheɡɛ Korowii Ne Nɛwɛnyina Fɔo Daka la le ba che baŋ. Baa lea ba che moo la nyoa la, buɡ la ta, dɛ nee o fa aa teŋa la berɔ su dɛɛ palɛ kɛ wubwa la.

Wepila 12:14

Anee ba tɛ haah la kee kena anɛ o kpɔ dɛ ir kaa pua hɛŋle ɡbo harɛ, bela baa ɛa tɛo dɛ nyiŋu bene atoro ne fah la, ásɛ kontuuɡi damanta la bɛ won ɛo wobɛlbwa.

We-ɛɛla 16:36

Belaa o ŋɔ Pɔɔl be ŋɔ, “Rom nomonome tomɛ nɛra ŋɔ bá ba le he ne Silas dea. Anomanta, hé le, dɛ́ kaa. Kórowii ka do heya.”

We-ɛɛla 10:22

Asɛ ba ŋɔ, “Soojare nomoa Kɔnɛɛleɔs laanee tomɛ yaa. O ɛ nɛndɛɛɡe waa dɛ tomɛ Korowii, asɛ Juu tena bwa ɛɛ duuru. Nyundua torome bɛlee ŋɔ o be ŋɔ ó yerɛ ba o dem dɛ no waa haa dɛ ba o be bola.”

We-ɛɛla 7:19

Dɛ o dɛ neɡ ba dɛɛ ɛɛ ba nyubinikpeɡ, dɛɛ fiɡ ba, dɛ ɡel ba kpɔ ba bechasɔɔhne kaa ta baa serewe.

Matiu 10:23

Dɛ he la bwɛɛ bɛl ta baa ɛ heyaa hɔhɔrɔwa aa, hé chwa kaa bwɛfale ta. Kasinteŋ, haa won la Israel bwɛɛre nɔ bwa ta ka chiɡ mɔɔ Men Nɛn Bie ba.

Josua 3:17

Sɔfore baa cheɡɛ Korowii Ne Nɛwɛnyina Fɔo Daka la valɛ harɛpɛɛ ta, Jɔɔdan Moo nenabɔɔ la bini dɛ ka jaɡɛ che, asɛ nɛra la bwa sekwaraa kpɔ harɛpɛɛ la ta ba bɛɡ ba dɛ le o baŋ.

Wepila 12:6

Asɛ haah la ɡe chwa jo pua hɛŋle ɡbo harɛ, bela Korowii aa ɛ bɔr tɛo ŋɔ bá nyiŋu tɔpera kaɡboŋ lafraanɛ fifraanumɛl bwa la.

Josua 4:10

Sɔfore baa cheɡɛ Korowii Ne Nɛwɛnyina Fɔo Daka la cheɡɛ Jɔɔdan Moo nenabɔɔ la baah ta ka tel kɛŋɔ, waa Korowii aa do Josua ŋɔ ó ŋɔ Israel tena la be ŋɔ ba ɛ la aa tona, ɡɛ tenten Mosis aa bol Josua be la. Dɛ nɛra la ɛɡɛ Jɔɔdan Moo la le kaa warane.

Josua 3:13

Sɔfore baa cheɡɛ Korowii waa dɔ harɛ nɔ bwa Daka la jo moo la ta naa, Korowii ɛɛ ɡeloo ó ɡel pala dɛ́ teŋe.”

Wepila 12:4

Asɛ o kpɔ o din ɡbaa weweela ta harɛ. Dɛ he bɔne a bini bɔre atoro naa, a bini beŋkpoŋii o ɡbaa. O baa che haah la waa dɛ ba lola la sie dɛɛ nyin kɛŋɔ dɛ o lolaa, ó kpɔ o bie la lile.

Matiu 2:22

Waa noa kɛ Akelɔs chiɡ o mɛɛ naa ta dɛ ɛ kooro Juda harɛ ta la, dɛ o fe dɛ ɔmɛ kɛ ó kaa bela. Korowii berɔ jao deera ta ŋɔ o bɛ Juda harɛ la,

1 Koranar 3:5

Waa lɔ Gebeɔn bela la, Korowii ba o be jwaana deera ta dɛ ba ŋɔ o be ŋɔ, “Baɡle komɛlbwa haa dɛ nyin ásɛ n kpɔ tɛɛ.”

Matiu 2:14

Asɛ Josef ir harambaŋa, dɛ kpɔ bie la ne o nya bwa chwa dɛ kaa Ijipt harɛ,

We-ɛɛla 12:7

Kerabeŋkpoŋ dɛ Korowii nyundua torome cheɡɛ dea la bini, asɛ bela chaah. O baa lɔ Pita dɛ chumu, dɛ ŋɔ o be ŋɔ, “Ir warane!” Buɡ la taa, Pita nɔɔra jɔɡrɔre la foo le.

1 Koranar 11:17

Hadad ne o mɛɛ bonɔɔna baa ɛ Edom tena bane ɡboo wona dɔ bɔr chwa kaa Ijipt harɛ ta. Gɛ saŋ dɛ Hadad ɛ bechala.