Matiu 2:11 - mzwDBL

¹¹ Ba jo dem bela, dɛ ka na bie la ne o nya Mɛɛre. Ba kaa ɡuŋi bie la, dɛ duuru dɛ pur ba bone, dɛ kpɔ suuɡaswɛm ne daawiile ane a sɔɔh aa soma baa yera fraŋkensɛns ne korobo tɛ bie la.

Matiu 2:11 Iomraidhean Croise

Mumpar 43:11

Ba mɛɛ ɡe ŋɔ, “Dɛ ɡɛɛ tenaa, hé kpɔ ya harɛ nɔ ta kwaa kɛŋɔ, noo tama ne tooh tama ne konsɔɔhsoma, ne korobo ne daa nɔna aa dɔ pɛla do he pure bini ka tɛ nomoa la.

1 Koranar 10:10

O kpɔ suuɡaswɛm a tɔɡre aa ɡwaa kilore kaɡboŋa anaarɛ, ne konsɔɔhsoma aa wara pirim, dɛ bwedɛɛɡa a yoɡ aa kpeɡa tɛ Kooro Solomɔn. Seeba kooro waa ɛ haah konsɔɔhsoma waa kpɔa ka tɛ Kooro Solomɔn kan aa doa la, nomɛlbwa ta a dɔŋa ne balɛ ɡɛ bwa.

1 Koranar 10:2

Seeba kooro la kpɔ nɛra baa dɛ tomɔ dɛ warɛ ja o nɛ, ne nyoɡmare aa cheɡɛ konsɔɔhsoma ne suuɡaswɛm kohona, ne bwedɛɛɡa a yoɡ aa kpeɡa kohona, dɛ la Kooro Solomɔn be. Waa laŋa o ne o ka cheme la, o bɔɔ Kooro Solomɔn waa aa lɔ o nyu bini bwa.

Yela 2:12

Hé kpɔ he te tɛ Korowii bie la, ásɛ o baah bɛ di dɛ́ chɔɡ heya. O baah won dii saŋ bɛlbwa. Nɛra baa chwaa kaa marɔ la bwa, ba na som.

Yela 45:8

He laala sɔɔh tɔ konsɔɔhsoma bwa soo siwi, ba kpɔ bala nyena kwaa he kooderemi, yelɡoola kpɔ janjela lɔ yela, dɛɛ lɛ he sie.

Yela 72:10

Taases harɛ koranar, ne nɛra baa soɡe mpo nyoa bojaŋa ɛɛ kpɔ ba harɛre kwaa ba tɛo. Seeba ne Seba koranar ɡee kpɔ koŋkɛɛlaa ba tɛo.

Yela 72:15

N Naa Korowii tɛ kooro mkpajaŋ! Gel nɛra le Seeba harɛ ta dɛ́ kpɔ suuɡaswɛm ba tɛo. Gel nɛra sweero andɛɛɡa saŋ bɛlbwa, dɛ́ soŋe dɛɛ tɛo tɔpere bɛlbwa ɡe.

Yela 95:6

Hé ba ya ɡuŋu dɛ́ tomɔ, yá ɡuŋi Korowii waa ta yaa la sie!

Kaala 30:23

“Kpɔ konsɔɔhsoma aa wera kohona nɔ, korobo nee a tɔɡre aa ɛ kilo anumɛl, ne dapɛɡa a sɔɔh aa soma baa dɛ yera sinamɔn a tɔɡre aa ɛ kilo atoro, dɛ daa bɛl o sɔɔh aa soma o ɡe tɔɡre aa ɛ kilo atoro,

Kaala 30:34

Korowii berɔ ŋɔ Mosis be ŋɔ, “Kpɔ konsɔɔhsoma aa ɛ daawiile ane baa dɛ yera rɛsem ne onicha ne ɡalbanum, dɛ fraŋkensɛns tenten á bwa ɛ kɛrɛdɛ,

Yelsom 3:6

Bɔkwaa le pua hɛŋle ɡbo harɛ ta, dɛ le chuu dɛɛ kaa nyundua a sɔɔh do som, kɛŋɔ daawiile ne korobo bonadiire aa dɛ yoɡa nɔɔ?

Aesaya 60:6

Baa ba nyoɡmare nee kohona, dɛ́ ba perɛ harɛ nɔ bwa. Midian ne Efa harɛre taa aa ba lee. Seeba tena ɛɛ ba suuɡaswɛm ne daawiile nee, dɛɛ kpɛɛ men Korowii.

Lewi Dea Tena 6:15

Sɔfo la bɛl ɛ men baa nama a kper kɛrɛdɛ noo ja a ta nɔndel, dɛ́ kpɔ daawiile a sɔɔh aa soma dawɛ mea saraha kwaa la bwa ta, dɛ́ fuah saraha kon la ta, á baɡle kɛŋɔ a bwa ɛ n kwa a sɔɔh ɛɛ do men Korowii som.

Malakae 1:11

Harɛre nɛra ɛɛ duu mɛ kohonaa, le wee leebɔr ba kaa wee cholibɔr. Baa fuh daawiile a sɔɔh aa somaa, dɛ́ kpɔ saraha kwaa aa wera le harɛ bɛlbwa ta ba, dɛ́ kpɔ dɛɛ duu mɛ.

Nɛra Kura 7:14

ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu,

Nɛra Kura 7:86

Suuɡaswɛm loɡa baa do a dela daawiile baa dɛ fuah tɔɡre lɔ suuɡaswɛm fi, ɡɛ baa maɡa bil men Korowii Dea bela. Dɛ he lɔ ɡɛ loɡa la bwa tɔɡre pɛ aa, a lɔ suuɡaswɛm lafa fifraanɛ.

Matiu 1:18

Kenii Yeesu Kristo lola bini waa do. Josef ne Yeesu nya Mɛɛre nɛra sɛoh ŋɔ ó kpɔɔ mo. Baa wola chɔe mɔɔ la, dɛ Mɛɛre cheɡɛ Korowii Domadɛɛɡe kpeɡri ta dɛ kpoŋe tea.

Matiu 12:46

Yeesu nyoa ta aa lɔ waa ta o bol dɛɛ baɡle nɛra la la, o nya ne o nimanar ba bela dɛ ba che buse dɛɛ nyinu dɛ́ bol waa o be.

Matiu 14:33

Yeesu habɔteŋra baa lɔ ɡbera la bini la ɡuŋu dɛ ŋɔ, “Kasinteŋ, henee Korowii Bie la kpela.”

Matiu 2:10

Baa na wewee la la, ba sie lɛo kɛrɛdɛ.

Matiu 2:2

dɛ ba bɔɔ bela tena ŋɔ, “Leperaa Juu tena kooro baa lolɔ taraken la dɔɔ? Ya na wewee bɛl wee leebɔr ya bwɛɛ o baɡle kɛŋɔ ba lolɔ. Anee ya ba dɛ́ ba duuru.”

Amanesoma Luk Aa Chwera Tɔn 2:16

Ba chiɡ ŋwɛnɛ ta dɛ la bela warane, dɛ ka na Mɛɛre ne Josef, dɛ na bie la ɡe kɛ waa chɔ kon jaɡre aa dɛ di kwaa o bini la bini.

Amanesoma Luk Aa Chwera Tɔn 2:38

Buɡ la ta, Yeesu nya ne o mɛɛ aa lɔ Korowii Dea la, Hana ɡe jo bela dɛ ka che ba jwɛh, dɛ kpɔ jam ne kpɛɛra tɛ Korowii, dɛ bol Yeesu waa baɡle nɛra baa soɡa dɛɛ kpa Korowii kɛ ó ba lɛ Jerusalam tena ta la.

Amanesoma Jɔn Aa Chwera Tɔn 19:39

Nikodeemɔs waa la Yeesu be jwaana bɛl la, o ne Josefoo la Yeesu huɡribɔr bela. Nikodeemɔs la konsɔɔhsoma bwa soo siwi baa kpɔa dɛɛ fɔɡle ba lala ne bela. A kan dɛ do tɔɡre dɛ́ ɛ men baa kpɔa dɛɛ ɛ paanoo la baaɡe del.

Wepila 19:10

Belaa n ɡuŋi o sie, dɛ fee ŋɔ n duuru, asɛ o ŋɔ n be ŋɔ, “Bɛ ɡɛ ɛ. N ne hen ne he bala la baa lawɛ Yeesu waa bini la bwa ɛ o bonɔɔna. Korowiirii chɛ kɛ he duu. Yeesu waa waa baɡla laanee ɛ keamere la bwa wobol.”

Wepila 5:8

Waa lɛ tɔn la, hweera kwaa anaarɛ la ne nomonome fifraanɛ dɛ banaarɛ la, ɡuŋi Pebie la sie dɛɛ duuru. Bɛlbwa ne o janjela ne o suuɡaswɛm loɡ, asɛ daawiile baa dɛ fuah a sɔɔh do som la do ba loɡa la bini. Konsɔɔhsoma la cheɡɔ tɛ Korowii nɛra ba wa aa toɡra wesoŋa.

1 Samoɛl 10:27

Kɛ nɛnchɔɡa bane ɡe ŋɔ, “Ɛrɛɛ nɛn waa do ken ɡe ɛɛ ba wona lɛ yaa ɔ?” Ba haoh dɛɛ nyiŋi o nyubaah, ba ta on koŋkɛɛla bɛlbwa ba tɛɛ. Sɔɔl ɡe ta ba waa la kpɔe ɛ wobɛlbwa.