Matiu 17:4 - mzwDBL

⁴ Anee Pita ŋɔ Yeesu be ŋɔ, “N Dɔɔ, a wer taeh kɛ yaa lɔ bonɔ nɔ! Dɛ he dɛ nyin aa, mɛɛ do kukure atoroo cheɡ bonɔ, ásɛ he kpɔ bɛl, Mosis kpɔ bɛl, ásɛ Elaeja ɡe kpɔ bɛl.”

Matiu 17:4 Iomraidhean Croise

Yela 16:11

Hɛɛ baɡ mɛ mkpa ŋwɛnɛɛ. N lɔ he sie naa, n sie dɛ lɛ, n bwara ɡe ɛɛ sɔɔh mɛ saŋ bɛlbwa.

Yela 4:6

Nɛra warɔ dɛɛ soŋe ŋɔ, “Umee dɛ́ won ɡel yá dɔ wedɛɛɡa ɔ?” N Naa Korowii, na ya sum.

Aesaya 33:17

Hɛɛ na kooro ne o wer ne kan waa doa, ne o harɛpaɡ waa chɔa dɛ kaa bojaŋ.

Sekaria 9:17

Na ɡɛ harɛ la aa dɛ ba wer doe dɛ́ dɔ pɛla! Kondikwaa ne sen aa lɔ harɛ la ta la ɛɛ ɡeloo bonɔɔna ne toli kpeɡ, dɛ́ dɔ bokpeɡa.

Matiu 17:3

O habɔteŋra batoro la berɛ ŋɔ ba nyiŋi, dɛ Mosis ne Elaeja ja Yeesu nɛɛ baa bol wa.

Amanesoma Luk Aa Chwera Tɔn 9:33

Nɛra banɛ la aa le Yeesu be dɛɛ kaa la, Pita ŋɔ o be ŋɔ, “N Dɔɔ, a wer kɛŋɔ yaa lɔ bonɔ nɔ. Gel ya do kukure atoro, ásɛ he kpɔ bɛl, Mosis kpɔ bɛl, ásɛ Elaeja ɡe kpɔ bɛl.” Dɛ waa jemɛ waa waa dɛ bol.

Amanesoma Jɔn Aa Chwera Tɔn 17:24

N Mɛɛ, henee kpɔ ba tɛ mɛ. N dɛ nyin kɛ ba ja n nɛɛ bela maa lole, ásɛ dɛ won na n jirima haa kpɔa tɛ mɛ. He tɔ sie nyin mɛ mɔɔ dɛ ta harɛ, a waa he tɛ mɛ jirima la.

Amanesoma Jɔn Aa Chwera Tɔn 7:2

Gɛ saŋ la dɛ a ka tama Juu tena Kukure Tɔpejen ba yon dɛɛ do kukure dɛɛ so a bini tɔpera anuatoro la telo bá di.

Felepae 1:23

N chinchaŋo. N dɛ nyin kɛ n sewɛ dɛ́ ka so Yeesu Kristo be. A bɔ kohona kɛ maa soɡe bonɔ.

1 Jɔn 3:2

Yabala, taraken ya ɛ Korowii bii. Yaa jemɛ kɛrɛdɛ ɡɛ yaa dɛ ba doe. Kɛ ya jemɔ kɛŋɔ awola Yeesu Kristo aa forɛ le nɛra nao la, ɡɛ waa doa la, ɡɛɛ ya ɡe ɛɛ ba doe, dɛkalkɛ yaa nao dɛ́ na ɡɛ waa doa.

Wepila 21:23

A ta hiaih kɛŋɔ wee ne korobie chaah bela. Korowii jirima dɛ chaah bela, asɛ Pebie la ɡe ɛ kandea bela.