Matiu 11:5 - mzwDBL

⁵ Hé ŋɔ o be ŋɔ nyoŋa dɛ na bɔr, boobie ɛɛ valɛ, asɛ nɛra weechɔɡa aa chɔɡ ba bwadabii la ɡe bwara kwaa. Hé ŋɔ o be ŋɔ amumure dɛ no wa, lala ir seo ta, asɛ nyaara ɡe dɔ Amanesoma la dɛɛ no.

Matiu 11:5 Iomraidhean Croise

2 Koranar 5:14

Anomanta, Naaman iro dɛ ka jo Jɔɔdan Moo la bini, dɛ sɔ kera anuanɛ ɡɛ Korowii keame la aa ŋɔ o be la, asɛ o bwara berɛ kwaa dɛ do wer kɛrɛdɛ kɛŋɔ bechala bwara ken.

2 Koranar 5:7

Israel kooro aa cha tɔn la nyoa dɛ kure la, o kɛɛ o batakaare a baɡle kɛ o liire chɔɡɔ, dɛ ŋɔ, “Na Siiria kooro aa dɛ nyin n ne waa ɡɛ! Korowiirii men n dɔ mkpa ne seo kpeɡri, he ŋɔ n chah baa nɔ naa? A ɛ kasinteŋ kɛŋɔ o dɛ nyin mɛ naɡra!”

Yela 146:8

dɛ ɡel nyoŋa berɛ dɛɛ na. O lawɛ nɛra baa chola dɛɛ ir, o dɛ nyin nɛra ba wa aa toɡra wa.

Yela 22:26

Nyaara ɛɛ di kwaa vaɡɛ ɡɛ baa dɛ nyin, nɛra baa dɛ tomɛ Korowii ɛɛ kpɛɛroo. Kórowii ɡel bá dɔ silɛɛ saŋ bɛlbwa dɛɛ la!

Kaala 4:11

Belaa Korowii ŋɔ o be ŋɔ, “Umee tɛ nɛn nyoa o kpɔ dɛɛ bol waɔ? Kɛɛ umee dɛɛ ɛ nɛn amumu ne deŋneɡbeŋa te, kɛɛ nɛn waa dɛ na ne onɔ la waa wola na nɔ? Men Korowii laa aa?

Aesaya 29:18

Gɛ saŋ la, amumure ɛɛ noo kɛŋɔ baa dɛ kure tɔn, ásɛ nyoŋa baa soɡe biro ta la won dɛɛ na.

Aesaya 29:19

Nɛŋɡwɛɡra sie ɛɛ berɔɔ lɛ Korowii waa ta ja, nyaara hɛɡre Israel Nɛŋɡoroŋ la wa.

Aesaya 43:8

Korowii ŋɔ, “Hé kpɔ nɛra baa dɔ sibie kɛ baa wola na, ne nɛra baa dɔ deŋna kɛ baa wola waa no la ba.

Aesaya 66:2

N ɡbaɡba laa ta ɡɛ kwaa nɔ bwa kɛɛ?” Korowiirii bola. Korowii berɔ ŋɔ, “Nɛra baa pwɛr ba te, dɛ sɛh ba liire chara laanee mɛɛ nyin kohona. Banee dɛɛ ɔm mɛ dɛɛ no n wa.

Sekaria 11:7

Anomanta, men Sekaria nyiŋi peera baa lea cheɡ dɛ́ ka kpoora la nɛ, dɛ teɡa kaa dibɔr, anɔ la baa dɛ fiiɡa la fanfa. Asɛ dɛ kpɔ daŋɡbale anɛ, dɛ pa bɛl sɔn ‘Sum Nae’, asɛ bɛl ɡe ‘Nyopɛo’, dɛ nyiŋi peera la nɛ.

Matiu 10:8

Hé chah weela tena, dɛ́ chum nɛra baa serewa. Hé chah weela bwa aa dɛ chɔɡ nɛn bwadabi, dɛ́ doŋi kwaa a yon dɛɛ ir nɛra nɛɛ la le ba nɛ. N kpɔ kpeɡri nɔ kɛ heyaa pɛɛpɛɛ. Hé ɡe kpɔ chaah ba pɛɛpɛɛ.

Matiu 11:4

Anee Yeesu ŋɔ, “Hé berɛ kaa, dɛ́ ka ŋɔ Jɔn be waa haa baa na dɛ no la.

Matiu 12:13

Anee o ŋɔ baa la o nɔn aa sewa la be ŋɔ, “Tɛr he nɔn.” Asɛ baa la tɛr o nɔnsewe la, dɛ o berɔ do kpeɡri ɡɛ o fa aa doa wubwa la, dɛ do kɛ o nɔn la waa wola sewɛ la.

Matiu 21:14

Ba kpɔ nyoŋa ne boobie ba o be Korowii Dea bela, asɛ o chaah ba, nyoŋa la ɛɛ na, boobie la ɡe won vala.

Matiu 5:3

“Nɛra baa kpɔ ba te dawɛ Korowii nɛɛ kɛ nyaara la, ba na som, dɛkalkɛ banee dɛɛ ba Korowii Kora la koobii ɛɛ.

Matiu 9:30

Asɛ ba bwa berɛ dɛɛ na. Anee Yeesu kah ba sibeɡra ne ŋɔ, “He bɛ waa nɔ taa baɡle nomɛlbwa.”

Amanesoma Mak Aa Chwera Tɔn 7:37

Belaa nɛra baa noa la nyoa kpo taeh, ba ŋɔ, “O ɛ wobɛlbwa kɛrɛdɛ, hale o ɡelɔ amumure ɛɛ no wa, dɛ won waa bola.”

Amanesoma Mak Aa Chwera Tɔn 9:25

Asɛ Yeesu aa baa na kɛŋɔ nɛra wuro dɛɛ ba ba tɔ ba nɛɛ la, o den kɔr kwaa aa dɛ ir bie la nɛɛ la ŋɔ, “He konchɔɡa haa dɛ ir bie nɔ nɛɛ waa wola waa no, waa berɛ won dɛɛ bol waa ɡe nɔ, n ŋɔ he be ŋɔ hé le o nɛ! He bɛ o nɛɛ ba so kpa bwa!”

Amanesoma Luk Aa Chwera Tɔn 4:18

“Korowii Domadɛɛɡe la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba Lɛɛ balɔ, dɛ́ ɡel nyoŋa sibie pili ba won dɛɛ na, dɛ́ lɛ nɛra baa dɛ ɛɛ ba hɔhɔrɔwa la le ba dɔma nɔn ta,

Amanesoma Jɔn Aa Chwera Tɔn 10:25

Anee o chaŋe ŋɔ, “N ŋɔ he be wubwa, kɛ haa men yarada. N we-ɛɛla bwa maa ɛa la, n Mɛɛ la kpeɡri nee mɛɛ ɛa asɛ aa di mɛ danseɛ.

Amanesoma Jɔn Aa Chwera Tɔn 10:38

Kɛ dɛ n dɛ ɛ o we-ɛɛla aa ɛ nyokpowaa te, dɛ haa men yarada kwaraa naa, hé yarada o nyokpowaa la te, ásɛ dɛ jemɛ kɛ n ne o ɛ beŋkpoŋ bɛlbwa aa wola won daɡre o te o dɔŋ nɛ.”

Amanesoma Jɔn Aa Chwera Tɔn 2:23

Yeesu ta aa lɔ Jerusalam dɛɛ di Galekaa Tɔpejen la, nɛra warɔ dɛ che o nyokpowaa waa ɛa ta, dɛ yaradao kɛŋɔ onee Kristo la Korowii aa baɡɛ nyoa ŋɔ wɛɛ tomɔɔ ó ba lɛ nɛwɛnyina la.

Amanesoma Jɔn Aa Chwera Tɔn 3:2

Awola bɛl jwaana, o ba Yeesu be dɛ ba ŋɔ o be ŋɔ, “Nomoa, nomɛlbwa jemɔ kɛŋɔ Korowiirii tomɛ ŋɔ hé ba baɡle nɛra wa, dɛkalkɛ dɛ Korowii ta nɛn habɔɔ cheɡaa, waa won ɛ nyokpowaa nɔ haa dɛ ɛ nɔ.”

Amanesoma Jɔn Aa Chwera Tɔn 5:36

Kɛ n dɔ danseɛ bɛl waa kpeɡa dɛ ɡwaa Jɔn danseɛ waa baa di tɛ mɛ la kwara. Anee kɛ toma n Mɛɛ Korowii aa kpɔa do n nɔn ta ŋɔ ń ɛ la. Anee dɛɛ baɡle kɛ onee tom mɛ.

Amanesoma Jɔn Aa Chwera Tɔn 9:7

Asɛ dɛ ŋɔ, “La tam la baa dɛ yerɔ Siloam la ta dɛ́ ka samɛ he sie.” Gɛ sɔn Siloam la munii kɛŋɔ “Ba tomɔ.” Waa laŋa dɛ ka samɛ o sie la tonɛ la, dɛ o dɛ na, dɛ berɛ ba buse.

We-ɛɛla 2:22

N bala Israel tena, hé no waa nɔ. Yeesu waa le Nasarɛt la fa ɛ nɛn bɛl Korowii aa ɡela o won dɛɛ ɛ nyokpowa, asɛ he na dɛ won jemɛ kɛŋɔ Korowii kpeɡri nee wɛɛ ɛ o toma kpela. A ɡɛ waa nɔ ta heyaa wehɔɔhra ɛɛ.

Jems 2:5

Yabala, hé no! Korowii we-ɛɛlaa kɛŋɔ ó le harɛ nɔ ta nyaara baa yaradao kɛrɛdɛ ásɛ ba yarada la ɛɛ ba kondɔɔh, ásɛ ba dɔ bɔr dɛ́ ja o Kora waa baɡɛ nyoa ŋɔ wɛɛ ɡeloo nɛra baa dɛ nyinu ja o ta la.