Matiu 11:1 - mzwDBL

¹ Yeesu aa bol waa nɔ baɡle o habɔteŋra fi dɛ banɛ la tonɛ la, o le bela dɛ kaa bwɛɛre aa bɛne bela la ta, dɛ kaa bol Korowii Waa dɛɛ baɡ ba.

Matiu 11:1 Iomraidhean Croise

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Matiu 4:23

Yeesu ɡaaɡe Galilia harɛ ta bobɛlbwa, dɛ jo cheremi deene bini, dɛɛ chaɡle nɛra Korowii Kora la Amanesoma wa, dɛɛ chah nɛra baa dɛ we weela bwa soo siwi.

Matiu 7:28

Yeesu aa bol waa la tonɛ la, o webaɡla la ɛ nɛnlaa la nyokpoa,

Matiu 9:35

Yeesu ɡaaɡe bwɛjena ne anjeɡre bwa ta, dɛ bol Korowii Kora Amanesoma baɡ ba ba cheremi deene, dɛ chah nɛra baa we weela te bɛlbwa soo siwi.

Amanesoma Mak Aa Chwera Tɔn 6:12

Belaa ba ɡe le dɛ ka bol waa la ŋɔ nɛ́ra charɛ ba liire dɛ́ le wechɔɡa ta.

Amanesoma Luk Aa Chwera Tɔn 23:5

Dɛ nɛra la nyoa ta kpeɡri, ba bol ane dɛɛ dawɛ Yeesu ŋɔ, “O kpɔ o webaɡla dɛɛ chɔɡ nɛra liire Juu tena harɛ bwa ta taraken. Galilia harɛ taa o pa mun, dɛ kpɔ ba le bonɔ!”

Amanesoma Luk Aa Chwera Tɔn 8:1

Aa ɛ tama la, Yeesu jo bwɛjena ne bwɛjeɡre ta dɛɛ bol Amanesoma la kɛ Korowii Kora la dii telo. Dɛ o habɔteŋra fi dɛ banɛ la,

Amanesoma Jɔn Aa Chwera Tɔn 15:10

He dɛ teŋɛ waa maa kpɔa tɛ heyaa la ta naa, haa he tenee laa kpɔ n nyina maa dɛ nyin heyaa la ta, kɛŋɔ maa teŋɛ waa n Mɛɛ aa kpɔa tɛ mɛ la ta maa wola n te laa kpɔ o nyina ta la.

Amanesoma Jɔn Aa Chwera Tɔn 15:14

He dɛ teŋɛ n waa maa kpɔa tɛ heyaa la ta te naa, amɔ dɛ n daamanaree heya.

We-ɛɛla 1:2

ka tel awola Korowii aa kpɔɔ kaa nyundua la. O cheɡɛ Korowii Domadɛɛɡe la kpeɡri ta dɛ baɡle baala la waa kpɔ ba ŋɔ bá ɛ o toroma la waa baa dɛ ba ɛɛ la, asɛ Korowii kpɔɔ kaa nyundua.

We-ɛɛla 10:38

He jemɛ ɡɛ Korowii aa kpɔ o Domadɛɛɡe ne o kpeɡri tɛ Yeesu waa le Nasarɛt la wa. Dɛ Korowii teŋɛ Yeesu nɛ, asɛ o valɛ dɛɛ ɛ wedɛɛɡa dɛɛ chah nɛra Bɔnsam aa lɔ ba bil la.

We-ɛɛla 10:42

Onee le yaa dɛ ja yaa ŋɔ yá bol o waa baɡle nɛra bwa, dɛ́ di danseɛ kɛŋɔ onee Korowii le ŋɔ ó ba di weera ne lala bwa wa.

1 Tesalonika 4:2

He jemɛ waa yaa cheɡɛ ya Dɔɔ Yeesu nɛɛ dɛ bol baɡle heyaa la.

2 Tesalonika 3:10

Waa yaa kpɔa tɛ heyaa ɡɛ saŋ ya fa aa lɔ he be bela laanee kɛŋɔ, nomɛlbwa waa ŋɔa waa tomaa ɛ la ta chɛ kɛŋɔ ó di kwa.

2 Tesalonika 3:6

Yabala, ya cheɡɛ ya Dɔɔ Yeesu Kristo sɔn ta dɛɛ ŋɔ he be ŋɔ, he bini bɛlbwa dɛ ɛ bɔhwaah o ta sɛɛh dɛɛ ɛ toma ɡɛ yaa baɡla la aa, hé ɡelo, he ne o bɛ pɛ.

1 Timoti 6:14

kɛ hé lawɛ waa nɔ bini kɛrɛdɛ dɛ́ ɡel a toɡre, ásɛ nɛra bɛ a wobɛlbwa dɔ bol dɛ́ ka tel ɡɛ saŋ ya Dɔɔ Yeesu Kristo aa berɛ ba ja.