Matiu 10:3 - mzwDBL

³ Felep ne Batolomeo, ne Tɔmas ne Matiu o fa aa dɛ lɛ toɔ la, ne Jems waa ɛ Alfeɔs bie la dɛ Tadeɔs,

Matiu 10:3 Iomraidhean Croise

Matiu 18:17

Dɛ he ne nɛra la laŋɔ o ŋɔ waa sɛh ja aa, kpɔ ka bil he bala bwa he ne ba aa dɛ cheme la sie. Dɛ o ŋɔ waa ba ɡe bee no aa, ɡel o waa tɛo kɛ nɛn waa wola Korowii tomɛ kɛɛ wechɔɡ-ɛɛ.

Matiu 27:56

Ba bini banee Mɛɛre waa le Maɡdala la, ne Jems ne Josef nya Mɛɛre, dɛ Sebedii bii la nya.

Matiu 9:9

Yeesu aa le bela dɛ valɛ dɛɛ kaa la, o kaa na baa bɛl waa dɛ lɛ toɔ baa yerɔ Matiu, dɛ o soɡe o toma ta dɛɛ lɛ toɔ. Anee Yeesu ŋɔ o be ŋɔ, “Ba teŋɛ n nɛ.” Asɛ Matiu ir dɛ teŋɛ o nɛ.

Amanesoma Mak Aa Chwera Tɔn 15:40

Dɛ haahna bane ɡe cheɡɛ bojaŋ dɛɛ nyiŋi. Ba bini banee Mɛɛre waa le Maɡdala la, ne Jems Bechala ne Josis nya Mɛɛre, ne Salome.

Amanesoma Mak Aa Chwera Tɔn 2:14

Waa vala baa kaa la, o na baa bɛl waa soɡe o toma ta dɛɛ lɛ toɔ, baa yerɔ Lewi, o mɛɛ ɡe sɔne Alfeɔs. Anee Yeesu ŋɔ o be ŋɔ, “Ba teŋɛ n nɛ.” Asɛ o ir dɛ teŋɛ o nɛ.

Amanesoma Mak Aa Chwera Tɔn 3:18

ne Andriu ne Felep ne Batolomeo, ne Matiu ne Tɔmas ne Alfeɔs bie Jems, ne Tadeɔs, ne Seemɔn Sɛlɔt,

Amanesoma Luk Aa Chwera Tɔn 18:10

“Awola bɛl, nɛra banɛ bane la Korowii Dea dɛ kaa soŋe Korowii. Dɛ bɛl ɛ Farisii te asɛ bɛl ɡe ɛ nɛnchɔɡa baa dɛ lɛ toɔ la bɛl.

Amanesoma Luk Aa Chwera Tɔn 18:11

Belaa Farisii te la ir che dɛ soŋe Korowii o nyu bini ŋɔ, ‘Korowii, n dɛ jaame kɛŋɔ maa wola doe kɛ n bala baa dɛ bɔ apoo, baa wola kasinteŋ bol, dɛɛ bɔ jwamane nɔ. N dɛ jaame kɛŋɔ maa wola doe kɛŋɔ banchɔɡe nɔ waa dɛ lɛ toɔ nɔ.

Amanesoma Luk Aa Chwera Tɔn 18:13

Toɔ lɛɛ la te cheɡɛ bojaŋ, o ta sie hae dɛ nyiŋi nyundua kwara, kɛ dɛ kpɔ nɔɔra dawɛ nyu dɛ ŋɔ, ‘Oo, N Naa Korowii, wechɔɡ-ɛɛree men. Na n sum dɛ́ kpɔ n wechɔɡa kɛ mɛ.’ ”

Amanesoma Luk Aa Chwera Tɔn 19:2

Dɛ toɔ lɛɛra nomoa bɛl lɔ bwɛɛ la ta dɛ ɛ suuɡate baa yerɔ Sakeos.

Amanesoma Luk Aa Chwera Tɔn 5:27

Anɔ habɔɔ la, Yeesu valɔ baa kaa dɛ na nomɛl waa soɡe o toma ta dɛɛ lɛ toɔ. Dɛ o sɔne Lewi. Yeesu aa nao la, o ŋɔ o be ŋɔ, “Ir ba teŋɛ n nɛ.”

Amanesoma Jɔn Aa Chwera Tɔn 1:48

Belaa Nataaneɛl bɔɔro ŋɔ, “Ɛrɛɛ he ɛ jem mɛ nɔ?” Asɛ Yeesu chaŋo ŋɔ, “Haa lɔ fiɡ la mun la, n nae mɔɔ Felep ka yerɛ la.”

Amanesoma Jɔn Aa Chwera Tɔn 11:16

Belaa Tɔmas baa dɛ yerɔ Didimas la ŋɔ o bala Yeesu habɔteŋra la be ŋɔ, “Hé ɡel ya pu nomoa ásɛ ya ne o bwa kaa, dɛ seo kwaraa yaa, yá ne ó sewɛ.”

Amanesoma Jɔn Aa Chwera Tɔn 14:22

Belaa Judas pɛɛro ŋɔ, “N Dɔɔ, ɛrɛɛ hɛɛ ba he te kpɔe baɡle ya ɡbosoo, asɛ dɛ ɡel nɛra baa dɔ harɛ nɔ ta ɡbo liire nɔɔ?”

Amanesoma Jɔn Aa Chwera Tɔn 14:5

Anee Tɔmas pɛɛro ŋɔ, “N Dɔɔ, aah yaa wola bela haa dɛ kaa jemɛ nɔ, ɛrɛɛ yaa ba wona jemɛ ŋwɛnɛ dɛ́ ba he be bela ɔ?”

Amanesoma Jɔn Aa Chwera Tɔn 14:9

Asɛ Yeesu chaŋe ŋɔ, “N ne haa lole le saŋ la bwa nɔ, amɔ he ta wone jem mɛ mɔɔ naa, Felep? Nomɛlbwa waa na mɛ la, dɛ n Mɛɛɛ o na la. Ɛrɛɛ he berɛ ŋɔ ń baɡle heyaa n Mɛɛ la nɔɔ?

Amanesoma Jɔn Aa Chwera Tɔn 21:2

Dɛ o habɔteŋra Seemɔn Pita ne Tɔmas baa dɛ yerɔ Kpar la, ne Nataaneɛl waa le Keena waa lɔ Galilia harɛ ta, ne Sebedii bii, dɛ ba bini banɛ pɛo so.

We-ɛɛla 1:13

Dɛ ba dɔ dea abrɔsane bɛl doa Jerusalam. Ba la Jerusalam dɛ ka jo o bini. Ba nɛra baa jo dea la bini laanee, Pita ne Jɔn, ne Jems ne Andriu, ne Felep ne Tɔmas, ne Batolomeo ne Matiu, ne Alfeɔs bie Jems, ne Seemɔn Sɛlɔt, dɛ Jems bie Judas.

We-ɛɛla 12:17

Anee Pita kpɔ nɔn ɛɡ ba ŋɔ bá bwa tɔ nyoa, asɛ dɛ baɡle ɡɛ Korowii aa leo o dea doe la ta bwa. O ŋɔ ba be ŋɔ bá ŋɔ Jems ne ba bala la kar la be, dɛ le kaa bobɛl.

We-ɛɛla 15:13

Baa bol waa tonɛ la, Jems ɡe bol waa ŋɔ, “Yabala, hé no n be!

We-ɛɛla 21:18

Tɔ aa pera la, Pɔɔl kpɔ yaa la Jems be, dɛ asɔre tena nomonome la bwa lɔ bela.

Galaasia 1:19

N ta Yeesu toroma la bɛlbwa nae bela ka ja Pita nɛ. Jems waa ɛ ya Dɔɔ la nime la ɡee n berɛ na ja Pita nɛ.

Galaasia 2:9

Jems ne Pita dɛ Jɔn nomɛlbwa aa dɛ yer ba asɔre tena nomonome la, ba ɡbabir sɛoh kɛŋɔ Korowiirii kpɔ ɡɛ toma nɔ do n nɔn ta, dɛ cha mɛ a ta. Anomanta, ba do nɔɔra n nɔn ta, dɛ baɡle kɛŋɔ nɛmbeŋkpoŋii ya bwa Korowii toma nɔ bini. Ya nyoa pɛo, asɛ ba sɛh kɛŋɔ n ne Banabas ɛɛ bol Yeesu waa dɛɛ baɡle nɛra baa wola Juu tena ɛɛ, ásɛ ba ɡee baɡle Juu tena.

Jems 1:1

Men Jems maa ɛ Korowii ne ya Dɔɔ Yeesu Kristo bonɔɔ laanee chwerɛ tɔn nɔ dɛɛ tɛ he Israel deene fi dɛ anɛ tena haa lɔ bobɛlbwa la. N dɛ na heya.

Tɔn Jud Aa Chwera 1:1

Tɔn nɔ le men Jud maa ɛ Yeesu Kristo bonɔɔ dɛ ɛ Jems nime la be. N chwerɔ dɛɛ tɛ he nɛra N Naa Korowii waa bera ɛ ya Mɛɛ la aa dɛ nyin heya, dɛ le heyaa tɛ o te, asɛ Yeesu Kristo ɡee nyin heyaa la.