Matiu 10:16 - mzwDBL

¹⁶ Yeesu berɔ ŋɔ, “Hɛ́ɛ no! N dɛ tomɛ heyaa kɛŋɔ peera hé ka koo he dɔma baa do kɛ ɡboli baah ta. Hé ɡel he sie pili hɛɛ do dɛɛɡɔ kɛ harɛkwa, ásɛ dɛ do pwɛre dɛ́ man kɛ borɔnomare.

Matiu 10:16 Iomraidhean Croise

Mumpar 3:1

Ola Korowii aa taa la bini la, dɛ harɛkon sie pilo ɡwaa a bwa. Harɛkon la baa pɛɛ haah la ŋɔ, “Kpelaa Korowii ŋɔ he bɛ daa nɔ bɛlbwa nɔn di naa?”

Mumpar 3:13

Belaa Korowii pɛɛ haah la ŋɔ, “Ɛrɛɛ he ɛ ɡɛ nɔɔ?” Anee o chaŋe ŋɔ, “Harɛkon laanee neɡ mɛ asɛ n di.”

Nehemia 4:13

Anomanta, men Nehemia, n kpɔ nɛra la bane so danjwɛɛ la habɔɔ bela waa wola nyundua kaalɛ. N kpɔ ba so denaa ta, ba kpoŋe ba keri ne lampeare ne tori dɛ hɛma.

Jeremia 40:16

Anee Gedalia chaŋe Johanan ŋɔ, “Bɛ ɡɛ waa nɔ ɛ! Ismael waa haa bola nɔ ta kasinteŋ ɛɛ!”

Hosia 7:11

Israel tena ta liire dɔe, ba do kɛŋɔ kweah waa ira, dɛ la dɛɛ ba waa wola sobɔr dɔe. Ba tɔ sie yerɛ Ijipt tena ŋɔ bá cha ba, dɛ berɛ chwa la Asiiria tena be.

Matiu 24:25

N felo dɛɛ bol waa nɔ he be noo, ásɛ he pu sie jemɛ a wa.

Matiu 24:45

Bonɔɔ waa dɔ kasinteŋ dɛ dɔ liire la nɔn taa o dɔɔ kpɔ o dem tena dɛɛ do, dɛ ŋɔ bɔr dɛ maɡre aa, ó tɛɛ ba kondikwa.

Matiu 25:2

Ba bini banue ɛ ɡɛna, banue ɡe ɛ wejerema.

Matiu 25:4

Kɛ wejerema la te kpɔ noo do loŋa ta dɛ ja ba kandere la ta.

Matiu 25:9

Anee wejerema la ŋɔ ba be ŋɔ, ‘Aa ya ne he bwaa tel, anomanta, hé chwa la bela baa dɛ yoɡa la ka yawɛ ane.’

Amanesoma Luk Aa Chwera Tɔn 10:3

Hé kaa. N dɛ tomɛ heyaa hé ka koo he dɔma baah ta.

Amanesoma Luk Aa Chwera Tɔn 21:15

Menee dɛɛ ba n tɛ heyaa waa haa ka bol la, dɛ tɛ heyaa wejema ásɛ he dɔma bɛ won di bɔ heyaa kɛɛ dɛ́ tɔŋle heya.

We-ɛɛla 20:29

N jemɔ kɛŋɔ maa dɛ kaa nɔ, nɛnchɔɡa ɛɛ jo he binii kɛŋɔ peteɡre toole naa, ɡboli yon jo peera baah dɛɛ larawa la.

1 Kɔrent 14:20

Yabala, hé ɡel bechaliire. A chɛ kɛŋɔ hé dɔ nomonliire. Wechɔɡa ɛɛ te, hé ɛ he te bechasɔɔhne a bɔr. He bɛ ɡel he liire kpeɡ wechɔɡa ɛɛ ta.

2 Kɔrent 1:12

Webeŋkpoŋii ɡela ya baŋa pa. Anee kɛŋɔ yaa wonoo ŋɔ bambile bwa ne kɛŋɔ wobɛlbwa yaa ɛa harɛ bonɔ la, tepoŋ ne bambile bwa nee ya ɛa Korowii ŋwɛnɛ ta, a laa kɛ waa yaa ɛa he be la. Korowiirii sune ya nɛɛ dɛ cha yaa ya ɛa. Harɛ bonɔ wejema ne laa ya ɛa.

2 Kɔrent 11:14

A ta nyokpowaa ɛɛ, dɛkalkɛ Bɔnsam ɡbabir won o te beɡra dɛ do kɛ Korowii nyundua torome tenten ken.

2 Kɔrent 11:3

Kɛ n dɛ ɔmɛ kɛŋɔ Bɔnsam bɛ bɔr ba dɔ che dɛ́ berɛ he liire, ásɛ he bɛ Yeesu Kristo dɛɛ nyin tepoŋ ne kpa, kɛŋɔ waa berɛ harɛkon dɛ kpɔ nyosone neɡre Hawa la.

2 Kɔrent 8:20

Ya dɛ nyiŋi kɛrɛdɛ ásɛ nomɛlbwa bɛ waane ba dɔ bol dɛ́ le ɡɛ yaa dɛ nyiŋi koŋkɛɛla damanta nɔ ta.

Felepae 2:15

dɛkalkɛŋɔ a wer kɛŋɔ he ɛ Korowii bii nomɛlbwa aa wola he wechɔɡa dɔe dɛ bol, he tea to, he do kaih. Fini nɛra baa ɛ wechɔɡ-ɛɛra kɛrɛdɛ baa wola ŋwɛnɛ la ta kpɔ baahnee he do. Gɛ weweela aa dɛ chaah jwaana biro ta la, ɡɛɛ chɛ kɛ he do ba baah dɛɛ chaah.

Kolosi 1:9

Anomanta, ya le awola yaa no he waa dɛ soŋe Korowii dɛɛ tɛ heyaa kɛŋɔ ó Domadɛɛɡe baɡle heyaa o wobɛlbwa kɛrɛdɛ, dɛ́ berɛ dɛɛ pili he sie hé won jemɛ wobɛlbwa aa ɛ Korowii tetoora la,

Kolosi 4:5

Hɛ́ɛ nyiŋi kɛrɛdɛ, dɛ́ jemɛ ɡɛ aa chɛ kɛŋɔ hɛ́ɛ ɛ nɛra baa wola asɔre tena ɛɛ la, ásɛ dɛ he dɔ ŋwɛnɛ bɛlbwa naa, hé che o ta dɛ́ won dɔɔ ba tɛ Korowii.

1 Tesalonika 2:10

He nɛra haa yaradaa ne Korowii bwa ɛ ya danseɛ tena, dɛkalkɛŋɔ he nao kɛ ya we-ɛɛla wer, ya waa toɡre dɛ lɛ Korowii sie, doŋa bɛlbwa aa wola toole a ta.

1 Tesalonika 5:22

Hé laa he te kpɔ wechɔɡa bɛlbwa ta.