Matiu 10:10 - mzwDBL

¹⁰ Ŋwɛnɛ haa dɛ ba kaala la, he bɛlbwa bɛ pur kpɔ, dɛ bɛ batakaani bele anɛ kpɔ, dɛ bɛ naŋɡawa bele anɛ ne daŋɡbala kpɔ, dɛkalkɛ tom-ɛɛ kembɔr chɛo.

Matiu 10:10 Iomraidhean Croise

Nɛra Kura 18:31

He Lewi dea tena ne nɛra baa lɔ he dem, ɛɛ won di a kabora bobɛlbwa, dɛkalkɛ a ɛ n Dea Cheremibɔr bela toma haa dɛ ɛ la kembɔr.

Matiu 10:11

Bwɛɛ bɛlbwa haa tel o ta la, hé nyiŋi nɛndɛɛɡe, ásɛ dɛ so o be dɛ́ ka tel ɡɛ saŋ haa le bela.

Amanesoma Mak Aa Chwera Tɔn 6:8

O kah ba ŋɔ, “He bɛ komɛlbwa sese kpɔ, nemenɛ daŋɡbale ɡbosoroo. He bɛ kondikwaa kwaraa kpɔ. He bɛ pure kpɔ. He bɛ suuɡa ɡe kpɔ.

Amanesoma Luk Aa Chwera Tɔn 3:11

Asɛ o chaŋ ba ŋɔ, “Nomɛlbwa waa dɔ batakaani bele anɛ la, ó kpɔ bɛl tɛ nɛn waa wola bɛl dɔe kwaraa, ásɛ nomɛlbwa o ɡe aa dɔ kondikwaa dɛ́ di la ɡe ɛ ɡɛ tenten.”

Amanesoma Luk Aa Chwera Tɔn 9:3

Waa dɛ tom ba la, o ŋɔ ba be ŋɔ, “He bɛ komɛlbwa kpɔ kpoŋe he ŋwɛnɛ nɔ kaala ta. He bɛ daŋɡbale kpɔ, he bɛ pure kpɔ, he bɛ kondikwaa kpɔ, dɛ bɛ suuɡa kɛɛ batakaare bele anɛnɛ kpɔ.

2 Timoti 4:13

Dɛ he dɛ ba naa, kpɔ Kaapus be Troas dɛ lɛ n batakaare dɛɛ baa mɛ. Lɛ n tɔne la ɡe ja dɛɛ baa mɛ. Anɔ la baa kpɔ ol tɔn ɛa la waa dena hiah mɛ kɛrɛdɛ.

1 Samoɛl 17:40

O kpɔ o daŋɡbala kpoŋe, dɛ tɔɔ bwea a bwara aa loɡa anue le fɛlembɔjen bɛl bini, dɛ kpɔa do o pur bini, dɛ kpoŋe o vamtor, asɛ dɛ suuh dɛɛ tel Filisti te la.

1 Samoɛl 9:7

Ate, Sɔɔl bɔɔro ŋɔ, “Ya la baa la be naa, bɔkwaa yaa ba dɔe tɛo wɔ? Kondikwaa aa lɔ ya pure bini bwa tonɔ. Komɛlbwa toole yá dɔ ka tɛo.”