Matiu 1:12 - mzwDBL

¹² Baa laɡ ba kaa Babelɔn harɛ la habɔɔ Jekonia lolɛ Sealteɛl, Sealteɛl lolɛ Sɛrobabɛl,

Matiu 1:12 Iomraidhean Croise

2 Koranar 24:14

Kooro Nebukadnesa larawe Jerusalam nomonome ne laa tena bwa, ne nɛra baa jemɛ kwaa sɛɛh ne loɡra bwa kaa. Dɛ ba lɔ nɛra kaɡboŋa fi, ba ta nomɛlbwa ɡelɛ, nemenɛ nɛra baa nyaa kohona, dɛ do bela ɡbosoo.

2 Koranar 25:27

Baa lawɛ Juda Kooro Jehoiachin laa ta kaa Babelɔn harɛ bene fifraatoro dɛ anuanɛ la, ɡɛ saŋee Babelɔn Kooro Evil Mɛrɔdak di kora. O tɛ ŋwɛnɛ dɛ ɡel ba le Kooro Jehoiachin dea korobie fi dɛ anɛ, tɔpera fifraanɛ dɛ anuanɛ ta.

1 Webena 3:17

Kooro Jehoiachin baa lawɔ laa ta kaa Babelɔn harɛ ta naanar waa nɔ. Dɛ o dɔ bibaala banuanɛ, banee teŋa nɔ. Sealteɛl,

Ɛsra 3:2

asɛ Josadak bibaa Jesua ne o bala sɔfore, ne Sealteɛl bibaa Sɛrobabɛl ne o bala baa ja o nɛ, pa mun dɛ berɛ kwaa ma saraha kon tɛ Korowii Israel tena aa dɛ tomɔ, dɛɛ fuh saraha kwaa o ta, ɡɛ baa chwera do Korowii bonɔɔ Mosis Mmara tɔn bini la.

Ɛsra 5:2

Ate, Sealteɛl bibaa Sɛrobabɛl ne Josadak bibaa Jesua aa no ba waa la, ba berɛ pa mun dɛɛ do Korowii Dea la Jerusalam ja, asɛ Korowii keamere banɛ la cha ba.

Nehemia 12:1

Sɔfore ne Lewi dea tena baa teŋɛ Sealteɛl bibaa Sɛrobabɛl ne Sɔfonomoa Jesua nɛɛ ba le bojaŋ harɛ baa laɡ ba kaa ta ba laanee nɔ. Seraya ne Jeremia dɛ Ɛsra,

Jeremia 22:24

Korowii ŋɔ Kooro Jehoiakim bibaa Kooro Jehoiachin be ŋɔ, “Men Korowii taa lole nɔ, hale dɛ he do kɛŋɔ noniseɡ waa dɛ baɡle kpeɡri nɛn aa dɔa, dɛ do n nɔndiɡ ta kwaraa naa, mɛɛ foori ta.

Jeremia 22:28

Ate, men Jeremia ŋɔ, “Amɔ Kooro Jehoiachin nɔ do kɛŋɔ loŋ waa paɡra, ba kpɔ ta nomɛlbwa aa wola nyin kpa kɛɛ? A waa ba lawɛ o ne o bii laa ta kaa bojaŋ harɛfale, baa wola o ta jemɛ nɔ naa?

Jeremia 22:30

Waa Korowii aa dɛ bol laanee nɔ. ‘Chwerɛ baa nɔ waa do tɔne bini, dɛ́ kpɔɔ kɛŋɔ o ta bii dɔe, nɛn o wobɛlbwa aa wola werii do tɛo o soɡa bini bwa, waa naanaree dɔ, ba ba so Juda harɛ kara ta, Kooro Devid luɡe ta.’ ”

Jeremia 27:20

Kooro Nebukadnesa aa wola kpɔe kaa Babelɔn, ɡɛ saŋ waa lawɛ Juda Kooro Jehoiakim bibaa Jehoiachin laa ta le Jerusalam kaa Babelɔn, o ne Juda ne Jerusalam nomonome bwa la.

Haɡae 1:1

Pɛɛsea Koojen Dareɔs kora dii bennɛɛte korobinumɛl tɔpeloɡle habɔɔ la, Korowii cheɡɛ o keame Haɡae nɛ, dɛ bol waa Sealteɛl bibaa Sɛrobabɛl waa dɛ nyiŋi Juda harɛ ta, ne Jehosadak bibaa Sɔfonomoa Josua be.

Haɡae 1:12

Ate, Sɛrobabɛl ne Sɔfonomoa Josua dɛ nɛra baa laɡ ba laa ta kaa Babelɔn harɛ ta ba berɛ ba la bwa, ɛ waa Korowii aa ŋɔa ba ɛ la. Ba ɔmɔ dɛ no waa Korowii baa dɛ tomɔ aa kpɔa tomɛ o keame Haɡae la.

Haɡae 1:14

Ate, Korowii ɡel Juda harɛ nomoa Sɛrobabɛl, ne Sɔfonomoa Josua dɛ nɛra baa kaa la bwa bwara ir, ba pa mun ɛ Koranar Bwa Kooro baa dɛ tomɔ Dea la toma mun.

Haɡae 2:2

ó bɔɔ Juda harɛ nomoa Sɛrobabɛl, ne Sɔfonomoa Josua dɛ harɛ la ta nɛra baa kaa la ŋɔ,

Haɡae 2:23

Awola tɔpere la, mɛɛ le hen Sɛrobabɛl haa ɛ n bonɔɔnee, ásɛ hɛɛ nyiŋi harɛ la ta n sɔn ta, henee ń le. Men Koranar Bwa Kooroo bola.’ ”

Matiu 1:11

asɛ Josia lolɛ Jekonia ne o nimanar. A ɡɛ saŋee Babelɔn tena pɔ Israel tena nɛɛ dɛ laɡ ba kaa ba harɛ la.

Matiu 1:13

Sɛrobabɛl lolɛ Abiud, Abiud lolɛ Eliakim, Eliakim lolɛ Asɔ,

Matiu 1:17

Le Abraham bere saŋ ka tel Kooro Devid saŋ la, naanar la lɔ fi dɛ banaarɛ. Asɛ le Kooro Devid saŋ ka tel ɡɛ saŋ baa laɡ ba kaa Babelɔn harɛ la ɡe, naanar la lɔ fi dɛ banaarɛ. Asɛ dɛ berɛ le ɡɛ saŋ baa laɡ ba kaa Babelɔn harɛ la ba le Kristo saŋ la, a ɡe jaɡɛ fi dɛ banaarɛ.

Amanesoma Luk Aa Chwera Tɔn 3:27

Jɔda ɡe mɛɛɛ Jɔhanan, asɛ Jɔhanan la ɡe mɛɛɛ Resa. Resa ɡe mɛɛɛ Sɛrobabɛl, Sɛrobabɛl ɡe mɛɛɛ Sealteɛl, Sealteɛl ɡe mɛɛɛ Nɛre,