Matiu 1:11 - mzwDBL

¹¹ asɛ Josia lolɛ Jekonia ne o nimanar. A ɡɛ saŋee Babelɔn tena pɔ Israel tena nɛɛ dɛ laɡ ba kaa ba harɛ la.

Matiu 1:11 Iomraidhean Croise

2 Koranar 23:31

Kooro Jehoahas di bene fifraanɛ dɛ atoro mɔɔ dɛ di kora Juda harɛ ta. O soɡe Jerusalam di kora korobie atoro. Dɛ o nya sɔne Hamutal, o ɡe mɛɛ sɔne Jeremia, o le bwɛjen Lebna ta.

2 Koranar 24:14

Kooro Nebukadnesa larawe Jerusalam nomonome ne laa tena bwa, ne nɛra baa jemɛ kwaa sɛɛh ne loɡra bwa kaa. Dɛ ba lɔ nɛra kaɡboŋa fi, ba ta nomɛlbwa ɡelɛ, nemenɛ nɛra baa nyaa kohona, dɛ do bela ɡbosoo.

2 Koranar 25:11

Laa sitɔɔ Nebusaradan lawɛ nɛra baa ka bwɛjen la ta, ne tom-ɛɛra, dɛ banɔ la baa le Kooro Sedekia habɔɔ, dɛ ka teŋɛ Kooro Nebukadnesa nɛɛ la bwa kaa Babelɔn harɛ ta.

2 Webena 36:10

Benanyoa aa chema la, Kooro Nebukadnesa ɡelɔ ba ba lawɛ Kooro Jehoiachin kaa Babelɔn harɛ ta, dɛ pa kondɛɛɡa a yoɡ aa kpeɡa dɛ do Korowii Dea ja kaa. O kpɔ Kooro Jehoiachin naara Sedekia chiɡ o naa ta, o ɛ Juda harɛ ta kooro, dɛ so Jerusalam.

2 Webena 36:20

Nɛra baa kaa waa wola ban kpoorɛ la, o laɡ ba kaa bojaŋ harɛ Babelɔn, ba kaa tomɛ o ne o bii dɛ ka tel kɛŋɔ harɛ bɛl baa dɛ yerɔ Pɛɛsea aa baa ir dɛɛ di kpeɡri.

Aesaya 13:1

Babelɔn waa Korowii aa kpɔa baɡle Emɔɔs bie Aesaya chaahna ta laanee nɔ.

Jeremia 27:20

Kooro Nebukadnesa aa wola kpɔe kaa Babelɔn, ɡɛ saŋ waa lawɛ Juda Kooro Jehoiakim bibaa Jehoiachin laa ta le Jerusalam kaa Babelɔn, o ne Juda ne Jerusalam nomonome bwa la.

Jeremia 39:9

Nebusaradan waa chɔ kooro laa tena baa dɛ daahno nyoa, lawɛ nɛra baa kaa dɛ do Jerusalam, dɛ banɔ la baa baa ja o nɛɛ la bwa kaa Babelɔn harɛ ta.

Daneɛl 1:2

Korowii ɡelɔ o pɔ Juda Kooro Jehoiakim nɛ, dɛ pa laala baa kpɔa cheɡ Korowii Dea la ane kaa Babelɔn harɛ ka cheɡ o voɡ dea bini, bela baa dɛ cheɡ laala a yoɡ aa kpeɡa.

Matiu 1:12

Baa laɡ ba kaa Babelɔn harɛ la habɔɔ Jekonia lolɛ Sealteɛl, Sealteɛl lolɛ Sɛrobabɛl,

Matiu 1:17

Le Abraham bere saŋ ka tel Kooro Devid saŋ la, naanar la lɔ fi dɛ banaarɛ. Asɛ le Kooro Devid saŋ ka tel ɡɛ saŋ baa laɡ ba kaa Babelɔn harɛ la ɡe, naanar la lɔ fi dɛ banaarɛ. Asɛ dɛ berɛ le ɡɛ saŋ baa laɡ ba kaa Babelɔn harɛ la ba le Kristo saŋ la, a ɡe jaɡɛ fi dɛ banaarɛ.