Malakae 4:3 - mzwDBL

³ Awola tɔpere maa ba ɛ ɡɛ waa nɔ la, hɛ́ɛ tiɡri nyubinikpeɡ tenaa do harɛ kɛŋɔ tɔɔ.

Malakae 4:3 Iomraidhean Croise

Mumpar 3:15

Mɛɛ kpɔ danchɔɡee ta he ne haah la baah ta, ásɛ he naanar ne o naanar hah dɔŋa dɛɛ la. Saŋ bɛlbwa waa nae la, wɛɛ paɡre he nyuu, ásɛ he ɡe choɡe o nalume.”

2 Samoɛl 22:39

N kpoo ba bil, baa wola won ir, n pɔ ba nɛɛ ba serewe chɔ n sie.

2 Samoɛl 22:43

N pɔ ba nɛɛ ba chɔ harɛ kɛŋɔ bomboɡ peu aa taa dɛ kpɔa dɛɛ kaa, n tiɡri ba nɛɛ kɛŋɔ kpechɛɡre ken fɔɡbaahna.

Job Tɔn 40:12

nyiŋi, dɛ́ ba mbarafo te bɛlbwa ne harɛ, chɔɡ wechɔɡ-ɛɛra bobɛlbwa baa lole.

Yela 147:6

O dɛ cha nɛŋɡwɛɡra, kɛ nɛnchɔɡa te, o dɛ lɔ ba harɛ.

Yela 49:14

Baa na waa, dɛ́ serewe kɛ peera, seo tɔ ba sie dɛ́ kaa ba ne lalbɔɔne bini. Nɛra ba wa aa toɡra ɛɛ tiɡri ba nɛɛ, ba pɔh ba lalbɔɔne bini, ba ne ba deremi baah do jaŋne.

Yela 91:13

Hɛɛ tiɡri nyujentena ne harɛkwaare nɛɛ, nyujentena aa ɔma ne domkpuli nɛɛ.

Aesaya 25:10

Korowii ɛɛ kpɔ nɔnee tɔ Saayɔn Bwejen la taa, kɛ Moab tena te, baa tiɡri ba nɛɛ kɛŋɔ baa tiɡri kpɔɡa dɛɛ koo nabena ta la.

Aesaya 26:6

Nɛra baa dɛ fiɡ ba, ne nyaara ɛɛ valɛ o taa, dɛ́ tiɡru do harɛ.

Wiile 1:15

Korowii vɛh n banyoola bwa, dɛ ɡel laa tena ba yo n bonɔɔna, dɛ chɔɡ ba kɛŋɔ ba yon tiɡri ɡrepo nɔna dɛɛ kpɔ a nee la ken.

Ɛsekeɛl 28:18

He wechɔɡa ne kasinteŋ bɛ dii he bona dii ta ɡelɔ he kpɔ doŋa kah deene haa dɛ tomɛ a bini. A waa n ɡel nii ba le bwɛjen la ta, dɛ fuh o bwa dɛɛboo. Nomɛlbwa na ɡɛ bwɛjen la aa fuah dɛ berɛ tɔɔ.

Daneɛl 7:18

A bwa habɔɔ la, Nemenɛ Korowii nɛra ba wa aa toɡra laanee wɛɛ ba kora la kpɔe tɛ, ó ɛ ba kon saŋ bɛlbwa dɛɛ la.’

Daneɛl 7:27

Kpeɡri ne kan harɛ nɔ ta kora aa dɔa la ɛɛ berɔɔ ba ɛ Nemenɛ Korowii nɛra ba waa aa toɡra la kon. Korowii Kora la kpeɡri aa ɡu bwa, ásɛ koranar baa lɔ harɛ nɔ ta bwa ɛɛ tomɔ, dɛɛ no o wa.’

Maeka 5:8

Banɔ la baa kaa dɛ peɡre ka do harɛre ta la, ɛɛ doo kɛŋɔ nyujente aa lɔ kpɔɡ bini, dɛɛ kpaah ola kɛɛ peera dɛ́ pee a ola, baa wola lɛɛ dɔ.

Maeka 7:10

Belaa ya dɔma ɛɛ ba a nae ásɛ sihiih kpo ba. Banee fa muɡli ya baah ŋɔ, “Leperaa Korowii haa dɛ tomɔ la dɔɔ tenɔ?” Yaa soo dɛ́ na ba chola, baa tiɡri ba nɛɛ kɛŋɔ baa dɛ tiɡri kpechɛɡre ta ken fɔɡbaahna.

Sekaria 10:5

Ba bwa ɛɛ doo kɛŋɔ banyoola, dɛ́ɛ tiɡri ba dɔma nɛɛ fɔɡbaahna laa ta. Men Korowii ja ba nɛɛ nomanta, baa yoo dɛ́ pɔ ba dɔma baa soɡe jaɡre ta, laa ta nɛ.

Malakae 3:17

Koranar Bwa Kooro ŋɔ, “Awola maa ɛ a ɡɛ waa nɔ la, mɛɛ kpɔ baa ɛ n bii maa dɛ nyin ba kohona. N tea ɛɛ domɛ ba nɛɛ ń lɛɛ ba, kɛŋɔ mɛɛ yon dɔ tedoma tɛ o bie waa dɛ tomɔ dɛɛ lɛo la ken.

Tɔn Pɔɔl Aa Chwerɛ Rom Tena 16:20

Korowii waa dɛ tɛ yaa deŋnesɔɔhna la aa biɡri chɔɡ Bɔnsam ne o toma, ásɛ he tiɡri o nɛ. Yá Dɔɔ Yeesu Kristo cha heya.

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”

Wepila 14:20

Nɔna baa sa a ta la cheɡɔ tɛ harɛ nɔ ta nɛra. Bwɛjen la daharaa ba sa ba nɛ, ba chal palɛ kaa kɛ kwansini lafraanɛ, a luŋri ɡe tel naɡale anɛ.