Maeka 7:5 - mzwDBL

⁵ Dɛɛ berɛ he dɔŋ yaradae ka tonɛ, bɛ he dam ɡba nɛɛ hwɛɡɛ. Hale he haah he ne waa pɛa dɛɛ chɔ kalaŋ ta, dɛɛ nyiŋi he nyoa wobol ta kɛrɛdɛ.

Maeka 7:5 Iomraidhean Croise

Yela 141:3

N Naa Korowii, cha mɛ, mɛɛ nyiŋi wobol aa dɛ le n nyoaa.

Yela 38:14

N do kɛ nɛn waa wola waa no, ba bol wa waa wola won chaŋe la ken.

Yela 41:9

Hale n dansom maa dɛ hwɛɡɛ o nɛ, nɛn n ne waa pɛ nɔn dɛɛ di kwaa la, ɛ n dɔm.

Jeremia 9:3

Ba dɛ kpa saŋ bɛlbwa kɛŋɔ bá teŋe nyosone kɛŋɔ ba yon harɛ hɛm dɛ́ tao la ken. Ba ta sɛɛh dɛɛ bol kasinteŋ.” Anomanta, Korowii ŋɔ, “N nɛra ɛ wechɔɡa aa, ba yon berɛ ka ɛ ane ja, baa jemɛ kɛ menee Korowii aa chɛ kɛ bá tom mɛ.

Jeremia 9:4

Hɛ́ɛ nyiŋi he daamanar kɛrɛdɛ, dɛɛ berɛ he hwɛɡa kpɔe do he lolanar nɛ, dɛkalkɛ ba bɛlbwa ɛ nyosonteŋni, asɛ daamanar ɡe ɛɛ chɔɡ dɔŋa.

Wiile 1:2

Jwaana bwaa wɛɛ wi kohona, siniire ɛɛ yɔɔro. Harɛre nɛra baa dɛ nyinu bwa chwao, bɛlbwa toole dɛɛ larawe o bwara kpa. O daamanar leo tɛ, dɛ bwa berɛ o dɔma taraken.

Matiu 10:16

Yeesu berɔ ŋɔ, “Hɛ́ɛ no! N dɛ tomɛ heyaa kɛŋɔ peera hé ka koo he dɔma baa do kɛ ɡboli baah ta. Hé ɡel he sie pili hɛɛ do dɛɛɡɔ kɛ harɛkwa, ásɛ dɛ do pwɛre dɛ́ man kɛ borɔnomare.

Sitɔɔla 14:17

O wio tɔpera anuanɛ baa kpɔa dɛɛ ɛ hanfalwaa la bwa. Waa teŋa dɛɛ pɛɛro la, o sɛh dɛ baɡlo a mun tɔpenuanɛ wee la ta. Asɛ o ɡe ka bol o nɛra la be.