Maeka 7:2 - mzwDBL

² Ba doŋi nɛra baa dɛ duu Korowii bwa le harɛ la ta, nomɛlbwa ta kae o waa toɡre kpa. Nɛra bwa chɔɔ dɛɛ kpa kɛŋɔ bá kpoo nɛra, bɛlbwa dɛ harɛ o dɔŋ bel dɛ́ dɔɔ lawɛ.

Maeka 7:2 Iomraidhean Croise

Yela 10:9

Ba dɛ sɔh dɛɛ kpa kɛŋɔ nyujente ken, dɛ́ pɛɡle lawɛ nɛra baa wola nomɛlbwa dɔe ó lɛɛ ba, dɛ́ laɡ ba, dɛ́ tɛɡ ba kaa.

Yela 12:1

N Naa Korowii, lɛ yaa! Nɛra ba wa aa toɡra toole kpa, kasinteŋ diile tonɛ nɛra bini.

Yela 12:2

Nyosonee bɛlbwa teŋe dɛɛ tɛ o dɔŋ, nyokpɛlee ba kpɔ dɛɛ neɡre dɔŋa.

Yela 57:6

N dɔma haɡre bela, dɛ́ laɡ mɛ, suna ɡboo mɛɛ di. Ba kwi nafuɡe n ŋwɛnɛ ta, dɛ́ fee laɡ mɛ, kɛ ba ɡbaɡba berɔ le o bini.

Sɛɡla 1:11

Dɛ ba ŋɔ he be ŋɔ, “Ba ya ka nyin nɛn kpo, kɛɛ ya ka teŋe ŋwɛnɛ, dɛ́ kpo nɛn ne o tepoŋ pɛɛ,

Sɛɡla 12:6

Nɛnchɔɡe wobol do kɛŋɔ nɛn aa sɔah dɛɛ nyin o dɔŋ dɛ́ kpo, kɛ nɛn o wa aa toɡra wobol dɛ́ lɛ nɛra.

Aesaya 3:5

Nɛra ɛɛ dɛɛ fiiɡi dɔŋaa, nɛn pu o dɔŋ dɛɛ yo, chamenate ne o chamenate ɛɛ yo. Bechale aa ba nomonomee duu, nɛnsale ɡe aa nɛra baa dɔ nyanyinii kpɔ ɛ wobɛlbwa.

Aesaya 57:1

Nɛra ba wa aa toɡra dɛ́ serewe, dɛ nomɛlbwa waane laa, hale nomɛlbwa aa a mun jemɛ. Ba serewaa, wenaale bɛlbwa aa ba nɛɛ ba kpa.

Aesaya 59:7

He ɡbaŋre wechɔɡa ɛɛ ne nɛn waa wola wechɔɡa ɛɛ kpoe ta. Wechɔɡa lɛ he liire bwa, dɛɛ chɔɡ kwaa bobɛlbwa haa dɛ la.

Aesaya 9:19

Koranar Bwa Kooro bandia nomanta, o deŋnetɛra do kɛŋɔ nii aa dɛ fuh harɛ la ta bwa, dɛɛ fuh nɛra. Ásɛ nomɛlbwa aa o dɔŋ sumii na kpa.

Jeremia 16:16

Korowii ŋɔ wɛɛ ɡeloo dɔma baa wara ba lawɛ nɛra nɔ, kɛŋɔ nɛra baa dɛ ɛ nee toma yon dɛɛ lawɛ pɛŋa la ken. Dɛ́ ɡel dɔma ɡaaɡe ba bɔr bwea ne deŋɡarere dɛ bwebɔɔne bwa ta, kɛŋɔ kpaahna yon dɛɛ nyin ola dɛ́ kpo la ken.

Jeremia 5:16

Ba laa tena jemɛ hɛma tae kohona, baa wola nomɛlbwa nɛɛ sune.

Jeremia 5:26

Wechɔɡ-ɛɛra soɡe n nɛra bini, dɛ chɔ dɛɛ kpa kɛŋɔ nɛra yon harɛ bela dɛɛ lawɛ jumbii, ne bela baa hara dɛɛ lawɛ nɛra ken.

Jeremia 8:6

N cheɡ deŋne dɛɛ no ba be, kɛ baa kasinteŋ bol. Nomɛlbwa aa lii kɛŋɔ wɛɛ charɛ o liiree dɛ́ bɔɔ ŋɔ, ‘Bɔkwa waa n ɛɔ?’ Bɛlbwa ne o ŋwɛnɛ waa dɛ kpɔ o taa kɛŋɔ jaaɡɔ o sie aa beɡra baa kaa o ne laa ta ken.

Wiile 4:18

Ya dɔma dɛ nyiŋi ya vala bwa bini, a ɡel yaa won fɔɡbaahna kwaaraa valɛ. Ya tɔpere telo tonɛ, a ka tamaa ken ya serewe.

Ɛsekeɛl 22:12

Ba dɛ yawɛ ba bini bane sen baa kpoo nɛra. Bane ɡe dɛ́ kemɛ ba bala Israel tena suuɡa, dɛ́ chɔŋɛ a nee dɛ́ che a ta ɛ dɔɔhna. Ba soh n waa la kwara. Men Nemenɛ Korowiirii bola.

Ɛsekeɛl 24:6

Nemenɛ Korowii ŋɔ, ‘Bwɛjen Jerusalam nɛŋkpoa aa lɔ o ta kohona la bwɛɛlɛ. O do kɛŋɔ vii o bini aa deera ken, o doŋa la aa wola le. Tɔɔ ola baa chɛwa do o bini la beŋkpoŋa beŋkpoŋa le ó chɔ pɛɛ.

Hosia 5:1

Korowii ŋɔ, “Sɔfore, hé no! Israel tena, hé cheɡ deŋne! Koobii ɡe, hé no! N dɛ ba he waa bola dɛ́ pa bole. He do kɛŋɔ baa harɛ bel Mispa, dɛ do kɛŋɔ asau baa taa bɔle Tabɔ Bwejen ta.

Hosia 6:9

Sɔfore la do kɛŋɔ ŋwɛɛra dɛ sɔh kpɔɡ bini. Ba dɛ kpoo nɛra Sɛkem ŋwɛnɛ ta, dɛɛ ɛ wechɔɡa aa ɛ sihihwaa bwa soo siwi.

Maeka 2:8

Korowii ŋɔ, “A ta biɡre n nɛra ɛ deŋnekpeɡ n nɛɛ kɛŋɔ n dɔma. Hé lɛ laaladɛɛɡa le nɛra baa teŋa baa kaa, wobɛlbwa aa wola ban hiaih be, ba do kɛ baala baa le laa ta dɛɛ ba ken.

Maeka 3:10

Nɛŋkpoa ne kasinteŋ bɛ dɔe taa he che dɛɛ ma Korowii bwɛjen Jerusalam.

Maeka 3:2

he hah waa aa wera dɛɛ nyin wechɔɡa, he dɛ pee n nɛra ola ne ba bɔtɔne kɛŋɔ kpɔɡ bini olchɔɡa.

Sekaria 11:6

Korowii ŋɔ, “Maa nɛra baa lɔ harɛ la ta bɛlbwa sumii na. Mɛɛ le bɛlbwaa tɛ o dɔŋ ne o kooro. Baa fiiɡi ba harɛ la ta nɛraa, kɛ maa ban lɛ.”

We-ɛɛla 24:9

Ate, dɛ Juu tena baa lɔ bela la bwa deno pɛ dɛ sɛh ŋɔ kasinteŋii ba nɛn la bola la.

1 Samoɛl 24:11

N naa, nyiŋi na, he batakaare peraa n kpoŋe la! Menee baa laa mɔn, kɛ n ta hen kpoe. Jemɛ name kɛŋɔ maa he ne wechɔɡa lii, kɛɛ dɛ́ ɛɛ wechɔɡa bɛlbwa. N ta hen wobɛlbwa ɛɛ, kɛ he teŋɛ n nɛɛ dɛɛ nyin mɛ dɛ́ kpo.

1 Samoɛl 26:20

Bɛ ɡel ba kpo mɛ harɛfale ta, maa wola Korowii sie do. Ɛrɛɛ chɛ kɛŋɔ Israel kooro le dɛ baa kpaah men maa do kɛŋɔ nyuhɔl kɛɛ jumbie nɔɔ?”