Maeka 7:19 - mzwDBL

¹⁹ Hɛɛ berɔɔ dɔ tedoma ya nɛ, dɛ́ kpɔ naa tire ya wechɔɡa ta, dɛ́ kpɔa ka ta mpo vile ta.

Maeka 7:19 Iomraidhean Croise

2 Samoɛl 24:14

Anee Kooro Devid chaŋo ŋɔ, “N lɔ suna kohona dii ta. Maa nyin kɛ nɛwɛnyini te dɔɔ mɛ dɛ́ tɛr n deŋne, Korowii ɡbabirii dɛ́ tɛr n deŋne, dɛkalkɛ onee dɛɛ sune nɛn nɛɛ kohona.”

Yela 103:12

Gɛ wee leebɔr ne wee cholibɔr baah aa jaŋa la, ɡɛɛ ya ne wechɔɡa waa laa kpɔ ya nɛɛ la baah do jaŋne.

Yela 130:8

Wɛɛ lɛ o nɛra Israel tenaa le ba wechɔɡa bwa ta.

Yela 85:3

He ta ɡelɛ he baah di ba nɛ, he laa he bandia kohona kpɔ ba nɛ.

Aesaya 33:24

Korowii ɛɛ kpɔ nɛra baa lɔ Jerusalam wechɔɡaa kɛ ba. Hale bɛlbwa aa berɛ ŋɔ, “N bwara dɛ wee mɛ.”

Aesaya 38:17

N weweele ɛɛ ber mɛ deŋnesɔɔhnaa. He cheɡɛ he nyina ta, dɛ lɛɛ mɛ le wekpeɡa a fe aa dɛ ba n nɛɛ bala ta, dɛ kpɔ n wechɔɡa bwa kɛ mɛ.

Aesaya 43:25

Menee fee he wechɔɡa dɛɛ ta. N ɡbaɡba waa mɛɛ ɛ ɡɛ, maa an lii kpa bwa.

Jeremia 31:20

Anee Korowii ŋɔ, “Israel tena, he do kɛŋɔ bibaa maa dɛ nyinu kohona. Saŋ bɛlbwa maa yerɛ he sɔn la, he nyina waa dɛ do n bini kohona. N bambile dɛ lawɛ, n dɔ tedoma tɛ heya.

Jeremia 31:34

Aa berɛ hiah kɛŋɔ nomɛlbwa baɡle o dɔŋ kɛɛ o nime ŋɔ, ‘Jemɛ Korowii kɛ onee he Dɔɔ’ kpa, dɛkalkɛŋɔ ba bechale ne nomonome bwa ɛɛ jem mɛ kɛ ba Dɔɔree men. Mɛɛ sune ba nɛɛ, dɛ́ kpɔ ba waa aa wola toɡrɛ kɛ ba, maa ba wechɔɡa waa lii kpa bwa. Men Korowiirii bola.”

Jeremia 33:8

Mɛɛ fee ba wechɔɡa baa ɛa dɛ jo n nɛɛ la bwaa, dɛ́ laa bolchɔɡe baa dia la kpɔ ba nɛ.

Jeremia 50:20

A ɡɛ saŋ ne awola tɔpere la, baa nyiŋi waa aa ɡela Israel tena di bolchɔɡee, kɛ baa bolchɔɡe baa dia bɛlbwaa na, dɛ́ nyiŋi Juda tena ɡe wechɔɡa baa wobɛlbwaa na, dɛkalkɛ mɛɛ kpɔ n nɛra baa kaa la wechɔɡaa kɛ ba.

Wiile 3:22

Korowii nyina kohona aa wola tonɛ bwa, ne o tedoma nomanta, ya ta soɡe le, waa yaa ɡel bwa.

Wiile 3:32

A lole kɛŋɔ wɛɛ ba suna dii nee, kɛ wɛɛ berɔ dɔ tedoma, o nyina aa wola jaɡa dɔe kan kohona.

Ɛsekeɛl 18:22

Mɛɛ kpɔ naate wechɔɡa bwaa kɛo, maa an lii kpa, dɛkalkɛ o waa toɡrɔ. Wɛɛ so lee, waa sewa ba.

Ɛsekeɛl 39:29

Maa sie laa kpɔ ba nɛɛ kpa, mɛɛ kpɔ n Domaa ba so Israel tena nɛ. Men Nemenɛ Korowiirii bola.”

Daneɛl 9:24

Korowii do bene fifraanuanɛ bele anuanɛ cheɡ kɛŋɔ he nɛra ne bwɛjen Jerusalam ɡel wechɔɡa ɛɛ. Baa kpɔ wechɔɡa bɛlbwaa kɛ, ásɛ waa aa toɡra do le saŋ bɛlbwa dɛɛ la. Gɛ aa ɛ ásɛ wepila ne Korowii waa aa dɛ ba bala ɛ kpela, ásɛ ba berɛ kpɔ Korowii Dea la do o nɔn ta.

Hosia 14:2

Hé ɡel ɡɛ waa nɔ ɛ he wesoŋa, dɛ́ berɛ ba Korowii be. Hé soŋo ŋɔ, “Kpɔ ya wechɔɡa bwa kɛ yaa, dɛ́ sune ya nɛɛ dɛ́ lɛ yaa, ásɛ ya kpɛɛre, ɡɛ yaa baɡɛ nyoa la.

Hosia 14:4

Korowii ŋɔ, “Mɛɛ berɔ lawɛ n nɛra ba n be, dɛ́ nyin ba waa n bambile bwa ne, dɛkalkɛ n bandia toole ba nɛɛ kpa.

Sekaria 3:4

Belaa Korowii nyundua torome la ŋɔ o bala baa cheɡɛ o sie la be ŋɔ, “Hé laa baa nɔ laaladoŋa la foo.” Dɛ ŋɔ Josua be ŋɔ, “Na, n laa he wechɔɡa kpɔ he nɛ, mɛɛ kpɔ laaladɛɛɡaa doe.”

Tɔn Pɔɔl Aa Chwerɛ Rom Tena 6:14

Wechɔɡa aa kpeɡri dɔe ba he nɛ, dɛkalkɛŋɔ Korowii suna waa dɛ sune nɛra nɛɛ la lɔɡaa he do. He toole Mmara lɔɡa kpa.

Tɔn Pɔɔl Aa Chwerɛ Rom Tena 8:13

dɛkalkɛŋɔ dɛ nɛn teŋɛ nɛwɛnyini mar wechɔɡa aa suu nɔ pɛla waa ta naa, waa mkpa dɔe ba. Kɛ dɛ nɛn cheɡɛ Korowii Domadɛɛɡe la nɛɛ dɛ vɛh o bwadabii pɛla wobɛlbwa naa, wɛɛ dɔ mkpaa.

Mmarare 30:3

ate Korowii haa dɛ tomɔ la ɛɛ dɔ tedomaa tɛ heya, dɛ le he ne harɛre waa lɔ heyaa peɡre a ta la ta, ásɛ he ba pɛ, dɛ́ berɛ ɡel he do wer.

Mmarare 30:6

Korowii haa dɛ tomɔ nɔ ɛɛ tɛ he ne he naanar bambidɛɛɡee, ásɛ hɛɛ nyinu he bambile bwa ne he hweera bwa ne, ásɛ dɛ ta so harɛ la ta dɛɛ la.

Mmarare 32:36

Korowii ɛɛ lɛ o nɛraa ɡɛ saŋ ba bokpeɡa aa ba tonɛ. Wɛɛ dɔ tedomaa tɛ nɛra baa dɛ tomɔɔ, ɡɛ saŋ baa wola nomɛlbwa dɔe ó cha ba.

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

Hibru 8:12

Mɛɛ sune ba nɛɛ dɛ́ kpɔ ba waa aa wola toɡrɛ kɛ ba, maa ba wechɔɡa waa lii kpa.”

1 Jɔn 3:8

Nomɛlbwa waa teŋa dɛɛ ɛ wechɔɡa la ɛ Bɔnsam nɛn, dɛkalkɛŋɔ harɛ mumpar la bwaa Bɔnsam le dɛɛ ɛ wechɔɡa. A waa Korowii Bie la koh ba harɛ nɔ ta dɛ ba chɔɡ Bɔnsam toma bwa.