Maeka 7:18 - mzwDBL

¹⁸ N Naa Korowii yaa dɛ tomɛ, nomɛlbwa ta do kɛŋɔ hen, he kpɔ he nɛra baa kaa wechɔɡa dɛɛ kɛ ba, he nɛra baa ɛ he kapɛrɛ nɛra la. He baah diu waa, aa biɡri, he sie dɛ lɛ kɛ hɛɛ na ya sum.

Maeka 7:18 Iomraidhean Croise

Mumpar 4:7

Wedɛɛɡaa he ɛa, he sie ɛɛ lɛo. Kɛ haa ɛ anɔ la aa wola were la nomanta, wechɔɡa dɛ yoi. Kɛ a chɛ kɛŋɔ hé won le a ta.”

1 Koranar 8:23

dɛ ŋɔ, “N Naa Korowii Israel tena aa dɛ tomɛ, voɡa nɛra aa dɛ tomɛ ta kpeɡri dɔe nyundua kɛɛ harɛ kɛ hen! He dɛ teŋɛ fɔo he ne he nɛra aa fɔwa ta, dɛɛ nyin nomɛlbwa waa dɛ teŋɛ he waa ta bambile bwa ne.

2 Webena 30:9

Dɛ he berɔ kpɔ he te tɛ Korowii aa, aa ɡeloo nɛra baa lawɛ he lolanar laa ta kaa la dɔ tedoma tɛɛ ba, dɛ́ tɛɛ ba ŋwɛnɛ ba berɛ ba ya harɛ nɔ ta. Dɛkalkɛ Korowii haa dɛ tomɔ la dɔ tedoma dɛɛ na nɛn sum. Hé ba o be naa, waa habɔɔ berɛ kpo heya.”

2 Webena 6:21

No men maa ɛ he bonɔɔ wesoŋa, ne he nɛra Israel tena wesoŋa, ɡɛ saŋ báa kpɔ sie chaɡɛ Dea nɔ ta dɛɛ soŋe. Che nyundua bela haa lole dɛ́ no, ásɛ dɛ kpɔ ya wechɔɡa kɛ yaa.

Nehemia 9:17

Ba vɛh he waa la ta teŋa, dɛ soh nyokpowe-ɛɛla bwa haa ɛa. Ba ɛ lwɛmkpeɡ, dɛ le nomoa ŋɔ ó berɛ kpɔ ba kaa ba somanjiri dii ta Ijipt harɛ. Kɛ he ɛ Korowii haa kpɔ wechɔɡa dɛɛ kɛ, he dɔ tedoma dɛɛ nyin nɛn, he baah aa di warawara ɡe. He tedoma haa dɔa tɛ nɛra kan, he ta ban tae.

Yela 103:13

Gɛ mɛɛ yon dɔ tedoma o bii nɛɛ la, ɡɛɛ Korowii tea ɛɛ domɔ nɛra baa dɛ ɔmɔ nɛ,

Yela 130:4

Kɛ he kpɔ ya wechɔɡa dɛɛ kɛ yaa, asɛ a che a ta yaa ɔmɛ.

Yela 35:10

Mɛɛ le n bambile bini bwaa dɛ ŋɔ, “N Naa Korowii, umee do kɛ hen ɔ? He lɛ nɛŋɡwɛɡra dɛɛ le nɛŋkpeɡa nɔn ta, dɛ lɛ nyaara dɛɛ le nɛra baa dɛ fiɡ ba nɔn ta.”

Yela 65:3

ba wechɔɡa aa ɡwaa ba nɛɛ la wa, ásɛ he kpɔ ba wechɔɡa kɛ ba.

Yela 65:4

Nɛra haa lee ba ŋɔ bá ba so he Dea bela la, ba na som. Ya sie ɛɛ lɛ kondɛɛɡa haa swee yaa a do he Dea waa do ɡoroŋ la taa.

Yela 71:19

N Naa Korowii, toɡra he wa aa toɡra kan kohona, he we-ɛɛla ɡe kan kohona. He habɔɔ, nomɛlbwa toole.

Yela 86:15

Kɛ hen Korowii te, he dɔ tedoma tɛ nɛra, dɛɛ nyin ba. He baah aa di warawara, he waa dɔ kasinteŋ, hɛɛ nyin nɛn.

Yela 86:5

N Naa Korowii, he waa wer tɛ yaa, kpɔ ya wechɔɡa dɛɛ kɛ yaa, he kpɔ he nyina aa wola jaɡa dɔe, dɛɛ nyin nɛra baa wia dɛɛ yerɛ bwa.

Yela 89:6

N Naa Korowii, nomɛlbwa toole dɛ do nyundua kɛ hen, koŋkwaa aa lɔ nyundua la bini bɛlbwa ta hen tele.

Yela 89:8

Korowii Waa Ɛ Koranar Bwa Kooro, umee dɔ kpeɡri kɛ hen ɔ? N Naa Korowii, he waa dɔ kasinteŋ wobɛlbwa ta.

Kaala 15:11

N Naa Korowii, voɡ bisoo do kɛ hen ɔ? He do ɡoroŋ ɡa, he jirima do kan kohona. Umee won nyokpowaa ɛɛ kɛ he nɔ?

Kaala 34:9

Dɛ ŋɔ, “N Naa Korowii, dɛ he sie lɛ n nɛ aa, n dɛ soŋe he ja ya nɛɛ kaa. A lole kɛ ba deŋne kpeɡri, kɛ kpɔ ya wechɔɡa kɛ yaa, ásɛ dɛ kpɔ yaa ɛ he nɛra.”

Aesaya 1:18

Men Korowii ŋɔ he be ŋɔ, Hé ba ya pɛ kpɔ liire. Dɛ he wechɔɡa kan dɛ chɔɡ heyaa kɛŋɔ kombiŋere yon chɔɡ kompoŋ la aa, mɛɛ ɡeloo he to kpelkpel kɛŋɔ yabi ken. Hale dɛ a biro kpirkpir kɛŋɔ sibire kwaraa naa, mɛɛ ɡeloo he to kɛŋɔ pepoŋ pona ken.

Aesaya 33:24

Korowii ɛɛ kpɔ nɛra baa lɔ Jerusalam wechɔɡaa kɛ ba. Hale bɛlbwa aa berɛ ŋɔ, “N bwara dɛ wee mɛ.”

Aesaya 38:17

N weweele ɛɛ ber mɛ deŋnesɔɔhnaa. He cheɡɛ he nyina ta, dɛ lɛɛ mɛ le wekpeɡa a fe aa dɛ ba n nɛɛ bala ta, dɛ kpɔ n wechɔɡa bwa kɛ mɛ.

Aesaya 40:18

Umee yaa ba wona kpɔ Korowii maɡɔɔ? Bɔkwaa yaa ba kpɔe baɡle o waɔ?

Aesaya 40:25

Korowii Waa Do Goroŋ la ŋɔ, “Umee hɛɛ ba men kpɔe maɡɔɔ? Umee n ne o ɛ kɛrɛdɛ ɔ?”

Aesaya 43:25

Menee fee he wechɔɡa dɛɛ ta. N ɡbaɡba waa mɛɛ ɛ ɡɛ, maa an lii kpa bwa.

Aesaya 44:22

N laa he wechɔɡa fee a tonɛ, kɛŋɔ bam ne chɔɔlen kɔɔla ken. Hé laa berɛ ba n be, dɛkalkɛ menee lɛ heya.

Aesaya 55:7

Nɛnchɔɡe ɡel wechɔɡa ɛɛ, dɛ́ charɛ o liire, dɛ́ berɛ ba Korowii yaa dɛ tomɔ be. O dɛ sune nɛn nɛ, dɛ kpɔ wechɔɡa dɛɛ kɛ o bambile bwa ne.

Aesaya 57:10

He chwao ti voɡa dɛ koh, kɛ dɛ vɛh ɡela. He berɔ kwaa dɔ bokpeɡfala dɛɛ nyin voɡfala, haa ɡwɛɡre.

Aesaya 57:16

Maa teŋɛ dɛ kpɔ waa dawɛ n nɛra nɛ, kɛɛ n baah di ba nɛɛ saŋ bɛlbwa. Dɛ ɡɛ laa aa, ba bwara ɛɛ hwaoh n sie. Menee ta ba, dɛ tɛɛ ba mkpa.

Aesaya 62:5

Gɛ bonɔmbii yon nyin bitolo waa wola baa jemɛ dɛ lawɔ hanfale la, ɡɛɛ Korowii waa tae ɛɛ ba he jaa ɛɛ. Gɛɛ Korowii sie ɛɛ ba he nɛɛ lɛɛ, kɛŋɔ baa sie yon lɛ o hanfale nɛɛ la.

Aesaya 64:9

Bɛ ɡel he baah di ya nɛɛ kohona, bɛ ya wechɔɡa waa kpɔ do he nyu bini saŋ bɛlbwa. He nɛraa yaa, na ya sum.

Aesaya 65:19

N ɡbabir sie ɛɛ lɛ Jerusalam ne o nɛra nɛɛ kohona. Wii ne lɔŋɔre aa o taa do kpa.

Jeremia 3:12

La ka bol waa nɔ Israel tena be ŋɔ, ‘Hé berɛ ba, Israel tena he wa aa wola kasinteŋ dɔe. N baah aa he nɛɛ di kpa, dɛkalkɛ n dɛ sune nɛn nɛ, n baah aa won di he nɛɛ saŋ bɛlbwa dɛɛ la. Men Korowiirii bola.

Jeremia 3:5

he baah ɛɛ teŋɔ di ya nɛɛ ɡɛ naa?’ Gɛɛ he yon dɛɛ bol, kɛ dɛ ɡarɛ kaa ɛ wechɔɡa bɛlbwa haa dɛ nyin.”

Jeremia 31:20

Anee Korowii ŋɔ, “Israel tena, he do kɛŋɔ bibaa maa dɛ nyinu kohona. Saŋ bɛlbwa maa yerɛ he sɔn la, he nyina waa dɛ do n bini kohona. N bambile dɛ lawɛ, n dɔ tedoma tɛ heya.

Jeremia 31:34

Aa berɛ hiah kɛŋɔ nomɛlbwa baɡle o dɔŋ kɛɛ o nime ŋɔ, ‘Jemɛ Korowii kɛ onee he Dɔɔ’ kpa, dɛkalkɛŋɔ ba bechale ne nomonome bwa ɛɛ jem mɛ kɛ ba Dɔɔree men. Mɛɛ sune ba nɛɛ, dɛ́ kpɔ ba waa aa wola toɡrɛ kɛ ba, maa ba wechɔɡa waa lii kpa bwa. Men Korowiirii bola.”

Jeremia 32:41

N sie ɛɛ lɛo kɛŋɔ mɛɛ ɛɛ ba wedɛɛɡaa, dɛ́ ɡel ba so harɛ nɔ ta saŋ bɛlbwa dɛɛ la.

Jeremia 33:8

Mɛɛ fee ba wechɔɡa baa ɛa dɛ jo n nɛɛ la bwaa, dɛ́ laa bolchɔɡe baa dia la kpɔ ba nɛ.

Jeremia 38:8

anomanta, Ɛbɛd Mɛlɛk iro la o be dɛ ka ŋɔ,

Jeremia 50:20

A ɡɛ saŋ ne awola tɔpere la, baa nyiŋi waa aa ɡela Israel tena di bolchɔɡee, kɛ baa bolchɔɡe baa dia bɛlbwaa na, dɛ́ nyiŋi Juda tena ɡe wechɔɡa baa wobɛlbwaa na, dɛkalkɛ mɛɛ kpɔ n nɛra baa kaa la wechɔɡaa kɛ ba.

Jeremia 9:24

Nomɛlbwa waa dɛ nyin o te maŋkurae la, wɛɛ maŋkura o te kɛŋɔ o jemɛ men Korowii dɛɛ no n waa mun, dɛkalkɛ n nyina lole saŋ bɛlbwa dɛɛ la. N waa wer dɛ toɡre ɡe, dɛkalkɛ a ɡɛ waa nɔɔ dɛɛ lɛ n sie. Men Korowiirii bola.

Ɛsekeɛl 18:23

He dɛ lii kɛ n sie dɛ lɛ wechɔɡ-ɛɛ seo ta kɛɛ? Akai, n sie aa a ta lɛ. Ó le o wechɔɡa ta, dɛ́ dɔ o nyuu mɛɛ nyin.

Ɛsekeɛl 33:11

Ŋɔ ba be ŋɔ men Nemenɛ Korowii taa lole nɔ, n ŋwɛɛrɔ ŋɔ, ‘Ń sie aa wechɔɡ-ɛɛra seo ta lɛ, n dɛ nyin kɛ ba le a ta, dɛ́ dɔ ba nyu. Israel tena, hé charɛ! He charɛ he liire, dɛ́ le liichɔɡa ŋwɛnɛ bɛlbwa ta. Hé ɡel wechɔɡa haa dɛ ɛ la. Ɛrɛɛ hɛɛ nyin seo nɔɔ?’

Ɛsekeɛl 33:16

Mɛɛ kpɔ o wechɔɡa waa ɛa la bɛlbwaa kɛo, wɛɛ dɔ o nyuu dɛkalkɛ o ɛ waa aa wera dɛ toɡre.

Daneɛl 9:9

Korowii yaa dɛ tomɛ, a lole kɛŋɔ ya ɛ deŋnekpeɡ he nɛ, he dɛ sune nɛn nɛɛ dɛ kpɔ wechɔɡa dɛɛ kɛ,

Hosia 14:2

Hé ɡel ɡɛ waa nɔ ɛ he wesoŋa, dɛ́ berɛ ba Korowii be. Hé soŋo ŋɔ, “Kpɔ ya wechɔɡa bwa kɛ yaa, dɛ́ sune ya nɛɛ dɛ́ lɛ yaa, ásɛ ya kpɛɛre, ɡɛ yaa baɡɛ nyoa la.

Hosia 14:5

Mɛɛ ɛo kɛŋɔ bwaala waa nɛ harɛ waa hola ta, dɛ́ tɛ Israel tena, ásɛ ba do kɛŋɔ kpɔɡa fee ken. Dɛ so kɛŋɔ daa lune aa kaa harɛ bini ken, kɛŋɔ peleme daa aa lɔ Lɛbanɔn harɛ ta ken.

Joel 2:32

Ásɛ nomɛlbwa waa wi yerɛ men Korowii la, mɛɛ lɛo. Saayɔn Bwejen ne Jerusalam taa nɛra ɛɛ ba ba nyu dɔe, ɡɛ men Korowii aa bola ŋɔ, ‘Ba bini bane ɛɛ chwao le Jerusalam, kɛ banɔ la maa lee ba tɛ n te la ɛɛ dɔ ba nyuu.’ ”

Emɔs 1:11

Korowii ŋɔ, “Edom tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba kpɔ keri kpoo ba lolanar Israel tena, ba ta tedoma dɔe tɛɛ ba, ba bandia ta jaɡa dɔe, waa sɔɔh bwa.

Emɔs 7:8

Korowii bɔɔ mɛ ŋɔ, “Emɔs, bɔkwaa hɛɛ na nɔ?” Asɛ n chaŋe ŋɔ, “Ŋwɛn baa kpɔa dɛɛ toɡre danjwɛɛ.” Ate, Korowii ŋɔ, “N kpɔɔ dɛɛ baɡle kɛŋɔ n nɛra do kɛŋɔ danjwɛɛ waa ɡola. Maa ba deŋnetɛraa kpɔ kɛ ba kpa.

Emɔs 8:2

Asɛ o bɔɔ mɛ ŋɔ, “Bɔkwaa hɛɛ na nɔ?” N chaŋe ŋɔ, “N na wɛɡrɛ daa nɔna aa bea do o bini.” Ate, Korowii ŋɔ n be ŋɔ, “N nɛra Israel tena tɔpere telo kɛ n tɛr ba deŋne, maa ba bwaraa kpɔ kɛ ba kpa.

Jona 4:2

asɛ o soŋe Korowii ŋɔ, “N Naa Korowii, waa maa lɔ n bwɛɛ dɛ bol la laa nɔ naa? A waa n fee chwa dɛɛ kaa Taases la. N jemɔ kɛ he dɛ na nɛn sum, he tea dɛ domɛ nɛn nɛ, he baah aa di warawara. Nɛnnyin ɡboo he bwa. He won he liire chara dɛ́ le nɛwɛnyina deŋne tɛra ta.

Maeka 2:12

Israel tena, mɛɛ boa he bwa nyoa, kasinteŋ, mɛɛ boa he nɛra haa kaa la bwa nyoaa. Mɛɛ boa he nyoa kɛŋɔ peera yon pɛ do leɡ ta, kɛɛ kondɛɛra yon warɛ do dibɔr la. Gɛ tentenee mɛɛ ba ɡela nɛra su harɛ la ta kohona.”

Maeka 4:7

Mɛɛ ɡeloo boobie ka, dɛ́ le nɛra baa doŋ ba le harɛfale ta ba la, berɛ warɛ kohona dɛ́ do kpeɡri. Men Korowii ɛɛ di kora ba nɛɛ le awola, ne saŋ bɛlbwa dɛɛ la Saayɔn Bwejen waa lɔ Jerusalam.”

Maeka 5:3

Anomanta, Korowii ɛɛ vɛh o nɛra Israel tenaa tɛ ba dɔma, ka tel kɛŋɔ haah la loltea aa lɔɔ aa lolɛ o bie. Israel tena baa lɔ bojaŋ harɛfale ta ɛɛ berɔ ba ja ba bala Israel tena nɛ.

Maeka 7:14

Ya Naa Korowii, nyiŋi he nɛra nɛɛ kɛŋɔ peteɡre aa dɛ nyiŋi peera, nɛra haa lee ba tɛ he te la. Ya do kɛ peera aa pere a te, dɛ ka do kpɔɡbaah dɛɛ di. Gel he nɛra ka do harɛpare ondɛɛɡe kɛŋɔ Basan ne Gelead ta, dɛɛ di kɛ saŋ la.

Sefania 3:17

Korowii haa dɛ tomɔ la ja he nɛ. O dɔ kpeɡri dɛ́ won lɛ heya. O sie ɛɛ lɛ he nɛɛ kohonaa, dɛ́ che o nyina ta tɛ heyaa mkpafale. Wɛɛ ɡo yelaa dɛɛ hɛɡre he wa.

Nɛra Kura 23:21

N ta wahala bɛlbwa nae Israel tena nɛ. N ta tebinichɔɡ nae ba bini. Korowii baa dɛ tomɔ ja ba nɛ. Ba kooroo on baa kpɛɛro.

Amanesoma Luk Aa Chwera Tɔn 15:32

He nime nɔ aa nyoɡra dɛ berɛ ba nɔ, a chɛ kɛŋɔ yá ɡel ya sie lɛ, dɛkalkɛŋɔ ya ŋɔ o sewɔ, o berɛ ba nɔ, ya ŋɔ o nyoɡrɔ, kɛ taraken ya nao.’ ”

Amanesoma Luk Aa Chwera Tɔn 24:47

ásɛ ba che o sɔn ta dɛ́ bol Amanesoma la dɛ́ ŋɔ nɛ́ra charɛ ba liire dɛ́ le wechɔɡa ta, ásɛ Korowii kpɔ ba wechɔɡa kɛ ba, dɛ pa mun le Jerusalam dɛ baɡle ɡɛ waa nɔ harɛ bobɛlbwa.

Tɔn Pɔɔl Aa Chwerɛ Rom Tena 11:4

Ɛrɛɛ Korowii chaŋe Elaeja ɔ? O chaŋo ŋɔ, “N ta dɔ nɛra kaɡboŋa banuanɛ bane ba do le dɛ ɛ n nɛra baa wola voɡ Baal ɡuŋe bwa.”

Mmarare 33:26

O ŋɔ Israel tena be ŋɔ, ‘Nomɛlbwa toole dɛ do kɛŋɔ Korowii haa dɛ tomɔ nɔ. O lɔ nyundua kohona dɛ che o kpeɡri ta bol dɛɛ tɛ heya. O cheɡɛ baama ta dɛ baa cha heya.

Jems 2:13

dɛkalkɛŋɔ Korowii aa naate waa wola o dɔŋ sum na la sumii na awola waa dɛɛ bol ya waa la. Naate waa dɛ na o dɔŋ sum la aa o waa bola ɔmɛ.

Sitɔɔla 10:16

Anomanta, ba laa ba te kpɔ voɡa aa lɔ bela la ta dɛɛ tomɛ Korowii. Asɛ ba waa domɛ o tea, o sune ba nɛ.