Maeka 6:8 - mzwDBL

⁸ Akai, waa aa weraa Korowii chaɡle yaa, wáa waa dɛ nyin dɛ́ le ya be laanee kɛŋɔ, ya di kasinteŋ dɛɛ sune dɔŋa nɛ, dɛ́ pwɛr ya te tɛo.

Maeka 6:8 Iomraidhean Croise

Mumpar 18:19

Onee n le kɛŋɔ wɛɛ do o naanaree ba no n deŋna waa dɛɛ ɛ anɔ la aa wera, ne anɔ la aa toɡra, ásɛ n wobɛlbwa maa baɡɔ nyoa la, ń ɛ tɛo.”

Mumpar 5:22

A habɔɔ la, o ne Korowii kpɔ darame bene lafraatoro dɛ lolɛ o bibaala ne bihaahna bane ɡe.

2 Webena 30:11

Kɛ dɛ ba bini bane le Aasa ne Manasɛ, dɛ Sebulon deene ta, dɛ sɛh kɛŋɔ baa ba Jerusalamee.

2 Webena 32:26

Ate, Kooro Hɛsɛkea ne Jerusalam tena charɛ ba liire le mbarafo we-ɛɛla la ta, anomanta, Korowii bandia ta ba nɛɛ balɛ Kooro Hɛsɛkea bere saŋ waa di kora.

2 Webena 33:19

Gɛ waa soŋe Korowii asɛ o no o be, ne o wechɔɡa waa ɛa mɔɔ dɛ charɛ o liire, ne bɔra waa ɛa tɛ voɡtoroma baa tomɛ voɡare, ne voɡ Asera dajaŋa waa paaɡa, dɛ voɡa waa toma la, ba chwera do Korowii Keamere Waa Tɔne bini.

2 Webena 33:23

Kooro Amɔn ta o te pwɛrɛ tɛ Korowii kɛ o mɛɛ, dɛ o wechɔɡa ɡwaa o mɛɛ kwaa kohona.

2 Webena 34:27

Haa kure tɔn la dɛ no Jerusalam nɛra deŋnetɛra, he loo ku he kɛɛ he batakaare haa doa, dɛ ba he te ne harɛ dɛɛ wi nomanta, n no he wii haa wia la bwa.

Nehemia 9:13

He le nyundua ba Sinai Bwejen ta, dɛ ba bol waa baɡle he nɛra, dɛ kpɔ waa aa wera ne webaɡla aa toɡra baɡ ba.

Yela 101:1

N Naa Korowii, mɛɛ ɡo yelaa kpɛɛ he nyina ne he kasinteŋ haa dɔa wa, mɛɛ ɡo yelaa kpɛɛre.

Yela 112:4

Hale biro ta, nii dɛ chaah nɛn o wa aa toɡra sie, nɛn waa dɔ tedoma ne nɛn nɛɛ suna o waa dɔ kasinteŋ la.

Yela 112:9

Waa nɔn nyore, o dɛ tɛ nyaara tɛɛ tenten, o wedɛɛɡa ɛɛ ta jaɡa dɔe, wɛɛ di kpeɡrii dɛ dɔ jirima.

Yela 37:26

Ba won kwaa kɛɛ, dɛɛ kemɛ ba bala ja, ba bii ɛɛ dɔ andɛɛɡa.

Yela 73:28

Kɛ n te, a wer kɛŋɔ ń bɛne hen Korowii. Hen Nemenɛ Korowiirii n chwa baa marɛ, hɛɛ lɛɛ mɛ, mɛɛ bol he nyokpowaa haa ɛa bwaa baɡle nɛra.

Sɛɡla 21:3

We-ɛɛla aa wera dɛ toɡre, dɛ su Korowii siwi ɡwaa kɛŋɔ haa ɛ saraha tɛo.

Wejereme 12:13

No waa la bwa name, a jaɡa bwaa kɛŋɔ, ɔmɛ Korowii dɛɛ teŋɛ o Mmarare ta, waa aa chɛ kɛ nɛwɛnyina bwa ɛ laanee.

Aesaya 56:1

Korowii ŋɔ o nɛra be ŋɔ, “Hɛɛ bol waa aŋwɛnɛ ta dɛɛ ɛ waa aa toɡra. Lɛɛ maa dɛ ba ba lɛ heyaa la telo. Nɛra ɛɛ nao ɡɛ n waa aa toɡra.

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Aesaya 66:2

N ɡbaɡba laa ta ɡɛ kwaa nɔ bwa kɛɛ?” Korowiirii bola. Korowii berɔ ŋɔ, “Nɛra baa pwɛr ba te, dɛ sɛh ba liire chara laanee mɛɛ nyin kohona. Banee dɛɛ ɔm mɛ dɛɛ no n wa.

Jeremia 22:16

O bol nyaara ne nɛŋɡwɛɡra waa tɛɛ ba, anomanta, o wobɛlbwa wer tɛo. Gɛ laa dɛɛ baɡle kɛ nɛn jemɛ men Korowii aa?

Jeremia 22:3

Hɛ́ɛ ɛ waa aa wera dɛ toɡre. Hé lɛ nɛn baa dɛ fiiɡu, dɛ́ lɛ o laala le o nomoa nɔn ta. He bɛ naɡra kɛɛ wechɔɡa kpɔ ba nɛŋhɔɔhra ne bilalbii, kɛɛ luhaahna nɛ, he bɛ nɛn waa wola wechɔɡa ɛɛ kpo harɛ nɔ ta.

Jeremia 9:23

Korowii ŋɔ, “Wejerema bɛ mbarafo ɛ ba wejema baa dɔa wa, bokpeɡa tena bɛ ba te dɛɛ maŋkura ba bokpeɡa baa dɔa wa, kɛɛ dɔɔh kpɔ o te dawɛ o kondɔɔh ta.

Wiile 3:26

anomanta, a wer kɛŋɔ nɛn lawɛ bambile dɛɛ kpa lɛɛ waa ba lɛ nɛra la.

Ɛsekeɛl 16:63

Mɛɛ kpɔ waa haa ɛa bwaa kɛɛ, kɛ hɛɛ ba liiraa, ásɛ sihiih kpoe kohona he pili nyoa kahonɛ.” Nemenɛ Korowiirii bola.

Ɛsekeɛl 33:14

N ŋɔ wechɔɡ-ɛɛ be ŋɔ wɛɛ sewɔɔ, asɛ o le o wechɔɡa la ta dɛɛ ɛ anɔ la aa wera dɛ toɡre,

Daneɛl 4:37

Name, men Kooro Nebukadnesa, n dɛ kpɛɛ Korowii waa dɛ di kora nyundua, dɛɛ tɛo sɔn ne jirima dɛkalkɛŋɔ, o waa toɡrɔ o wobɛlbwa ɡe do wer. Nomɛlbwa waa dɛ ɡɔɔ o te la, o won naate ne harɛ bala.”

Hosia 12:6

Kɛ a chɛ kɛŋɔ Jekɔb naanar, hé berɛ ba Korowii haa dɛ tomɔ la be, hé kpoŋe nyina ne kasinteŋ, dɛɛ no o be saŋ bɛlbwa.

Hosia 6:6

He dɛ na dɔŋa sum aa, anee mɛɛ nyin dɛ ɡwaa kɛ haa kpoo kwaa dɛɛ tɛ mɛ. Men Korowii jema hiah mɛ ɡwaa sarahare ɛɛ dɛ́ fuah.

Lewi Dea Tena 26:41

dɛ ɡel n baah di ba nɛ, dɛ kpɔ ba ka ta ba dɔma harɛ ta ŋɔ ba ka bela. Ba baa charɛ ba liire dɛ jemɛ kɛŋɔ ba ɛ deŋnekpeɡ aa,

Emɔs 5:24

Kɛ, hé ɡel kasinteŋ do le saŋ bɛlbwa, kɛŋɔ moo aa dɛ palɛ, waa aa toɡra ɡe do kɛŋɔ nenabɔɔ waa wola hweeh bwa.

Maeka 6:9

A ɛ wejemwa kɛŋɔ hɛɛ ɔmɛ Korowii. O dɛ yerɛ nɛra baa lɔ bwɛjen Jerusalam ŋɔ, “Hé no, he nɛra haa baa cheme bwɛjen la bini!

Sefania 2:3

He nɛra haa pwɛr he te dɛ do harɛ nɔ ta, hé charɛ he liire dɛɛ no Korowii wa. Hé ɡel he waa toɡre, dɛ́ ba he te ne harɛ o sie, o ken ɛɛ lɛ heyaa, waa wola he deŋnee tɛr kpa, awola o bwaawee aa ir nɛra nɛɛ la.

Sekaria 7:9

ń bol o nɛra be ŋɔ “Hɛ́ɛ nyiŋi dɔŋa nɛɛ kasinteŋ ne, dɛ́ dɔ tedoma dɛɛ tɛ dɔŋa dɛɛ ɛ wedɛɛɡa.

Matiu 5:3

“Nɛra baa kpɔ ba te dawɛ Korowii nɛɛ kɛ nyaara la, ba na som, dɛkalkɛ banee dɛɛ ba Korowii Kora la koobii ɛɛ.

Matiu 5:7

Nɛra baa dɛ na nɛra sum la, ba na som, dɛkalkɛ Korowii ɡee na ba sumii.

Amanesoma Luk Aa Chwera Tɔn 10:42

Waa aa weraa Mɛɛre kpɔ la, anomanta, maa won ŋɔ o be ŋɔ ó ɡel.”

Amanesoma Luk Aa Chwera Tɔn 11:42

He Farisii tena, hé bwɛɛlɛ kɛ haa dɛ tɛ Korowii o bɔr he par nyoa kondikonjeɡre kwaraa ta, kɛ dɛ vɛh kasinteŋ ne Korowii nyina te la. Anɔ nɔɔ chɛ kɛ hɛ́ɛ ɛ, kɛ he bɛ anɔ la aa jaa la ɡel.

Amanesoma Luk Aa Chwera Tɔn 12:14

Asɛ Yeesu ŋɔ o be ŋɔ, “Nɛmbaa, umee kpɔ mɛ cheɡ ŋɔ ń bol he waa dɛ́ bɔne he kapɛrɛ ɔ?”

Amanesoma Luk Aa Chwera Tɔn 6:36

Hɛ́ɛ sune nɛra nɛ, ɡɛ he Mɛɛ la aa dɛ sune nɛra nɛɛ la.

Tɔn Pɔɔl Aa Chwerɛ Rom Tena 7:16

Maa wola waa maa dɛ ɛ nyin dɛ ɡee ɛa la nɔ, a baɡlɔ kɛŋɔ n sɛoh kɛŋɔ Mmara la wer.

Tɔn Pɔɔl Aa Chwerɛ Rom Tena 9:20

Dɛ henee ume kɛŋɔ Korowii bol waa he chaŋe bɛl ɔ? Vii ɡee wonoo bɔɔ mamaa waa aa bala o mao ɡɛ waa mao wa aa?

1 Kɔrent 7:16

Dɛ Korowii ɛɛ che haah haa ɛ asɔre te nɛɛ dɛ́ lɛ he jaa aa, he jemaa? Gɛɛ a do baa haa ɛ asɔre te la, dɛ Korowii ɛɛ che he nɛɛ dɛ́ lɛ he haah naa, he jemaa?

Ɛfesos 4:32

dɛɛ ɛ dɔŋa wedɛɛɡa, dɛ́ dɔ dɔŋa chal. Dɛ he dɔŋ ɛɛ wechɔɡa aa, kpɔ kɛo kɛŋɔ Korowii aa koh Yeesu Kristo waa dɛ kpɔ he wechɔɡa kɛ heyaa la.

Mmarare 27:10

Anomanta, hé do sie o be dɛ́ teŋɛ o Mmarare ne waa waa do heyaa mɛɛ do heyaa a ta fini nɔ ta.”

Mmarare 30:15

Fini tɔpere nɔ, n kpɔ wedɛɛɡa ne wechɔɡa, mkpa ne seo dɛɛ bil he sie, onɔ la bwa haa kpɔ.

Kolosi 3:12

Heyaa Korowii bidɛɛɡa waa le heyaa tɛ o te, dɛ laa he doŋa bwa kpɔ he nɛ, dɛɛ nyin heyaa kɛrɛdɛ. Anomanta, hé kpoŋe dadɛɛɡe dɛ́ dɔ tedoma, dɛ́ ta tea dɛ́ɛ tɛ dɔŋa, dɛ́ɛ pwɛr he te, dɛ́ɛ tɛ nɛra sie, dɛ́ dɔ bambile tɛɛ ba.

2 Tesalonika 2:16

Ya Dɔɔ Yeesu Kristo ɡbaɡba ne N Naa Korowii waa ɛ ya Mɛɛ dɛɛ nyin yaa kɛrɛdɛ dɛ sune ya nɛɛ dɛ cha yaa, dɛ tɛ yaa hwɛɡa aa wera ne ɡbemba aa wola tonɛ bwa la,

Jems 2:20

Gɛne! He dɛ nyin n baɡle kɛŋɔ yarada wedɛɛɡa ɛɛ aa wola a ta jae la ɛ pɛɛpɛɛ aa?

Josua 24:14

Asɛ Josua berɛ ŋɔ Israel tena be ŋɔ, “Hɛ́ɛ ɔmɛ Korowii dɛɛ tomɔ kasinteŋ ne. Hé pa he naawa voɡa baa toma Yufretis Moo la baŋ le ne Ijipt harɛ ta la ta, ásɛ dɛ tomɛ Korowii ɡbo.

1 Pita 3:8

Waa maa dɛ nyin n bol laanee kɛŋɔ hé ɡel he nyoa pɛ, hé dɔ dɔŋa chal, hɛ́ɛ nyin dɔŋa kɛŋɔ nyabii. Hé dɔ tedoma dɛɛ tɛ dɔŋa, dɛ pwɛr he te dɛɛ tɛ dɔŋa.

1 Samoɛl 12:23

Korowii ɛɛ la ane bojaŋ kɛŋɔ n ɛo wechɔɡa dɛ́ vɛh kɛ mɛɛ soŋo tɛ heya. Mɛɛ baɡle heyaa waa aa wera ne anɔ la aa toɡraa.

1 Samoɛl 15:22

Kɛ Samoɛl chaŋo ŋɔ, “Korowii sie dɛ lɛ saraha baa fuah ne kwaa baa kpoora, ɡwaa kɛ haa no o deŋna wa aa? Korowii deŋna waa noe wer ɡwaa kɛ haa kpo pedɛɛɡe ɛ saraha tɛo.