Maeka 6:15 - mzwDBL

¹⁵ Hɛɛ du koo kwaa kɛ haa komɛlbwaa na komɛ, hɛɛ harame ɔleveree dɛ dɔ a no, kɛ haa dɔ ɛ wobɛlbwa, dɛ harame ɡrepo nɔna ɛ sen, haa dɔ nyɔ.

Maeka 6:15 Iomraidhean Croise

Job Tɔn 31:8

amɔ Korowii ɡel nɛra bane di kwaa maa para, dɛ́ ɡel ba fuɡri n koo kondikwa.

Jeremia 12:13

N nɛra ɛɛ du meaa, kɛ sɔɔhnee baa ba koma, dɛ́ koh pɛɛpɛɛ baa wola komɛlbwaa dɔ. N bandia kohona nomanta, ba koo kondikwaa bwa chɔɡɔ sihiih kpo ba.”

Lewi Dea Tena 26:16

mɛɛ kpɔ ɔmee tenten ne bambiteŋa ne weela aa ba he nɛɛ he chah kahonɛ, ne bɔwɔrɔba aa kpɔ nyoŋa ba ta he nɛ, dɛ́ chɔɡ heya. Hɛɛ du kondikwa he kooni ta pɛɛpɛɛ, he dɔmaa dɛ́ ba dia.

Lewi Dea Tena 26:20

He koeh bwa dɛ ba pɛɛ ɛɛ, dɛkalkɛ kondikwaa bɛlbwa ɛɛ chɔɡ he harɛ la taa, ásɛ daa ɡe aa nɔnɛ.

Emɔs 5:11

He fiiɡi nyaara dɛ ɛɡre ba dɛɛ lɛ mea. Anomanta, haa deene haa kpɔ bwedɛɛɡa maa la binii so, kɛɛ dɛ́ dɔ sen nyɔ le he daa kodɛɛɡa haa para la ta.

Habakuk 3:17

Hale dɛ fiɡ daa ta feɛ, ɡrepo daa ɡe ta nɔnɛ, ɔleve daa ɡe vɛh nɔna, kondikwaa ta ɛɛ, peera toole leɡ bini, asɛ nae ɡe toole a leɡ ta naa,

Sefania 1:13

Ba dɔma ɛɛ pa ba kondɔɔh bwaa kaa, dɛ́ chɔɡ ba deene. Baa ma deenee, kɛ baa a binii so, dɛ́ parɛ ɡrepo daa kooni, baa a nɔnaa dɔ ɛ sen nyɔ.”

Haɡae 1:6

He dɛ du kwaa kohona, kɛ tamaa kenii hɛɛ komɛ, dɛɛ di kwa kɛ haa vaɡɛ. He dɛ nyɔ sen kɛ aa kanɛ dɛ́ dɛɛ heya, dɛɛ tɔ yale kɛ waa ɡarɛ dɛɛ kpo heya. He ɛ toma dɛɛ dɔ suuɡa, kɛ aa heyaa le.”

Amanesoma Jɔn Aa Chwera Tɔn 4:37

Baa ŋɔa, ‘Bɛlee dɛɛ du, bɛl ɡe ɛɛ komɛ’ la, kpelaa.

Sitɔɔla 6:4

Ba dɛ baŋre ba tɛnte deene harɛ la ta dɛ́ so bela, dɛ́ chɔɡ kwaa baa dua dɛ kpoŋe ka le Gasa. Baa peera ne nae dɛ keeɡore, hale hweera kon te bɛlbwa ɡelɛ dɛɛ tɛɛ ba.