Maeka 5:7 - mzwDBL

⁷ Israel tena baa ɛ Jekɔb naanar baa ka la ɛɛ doo kɛŋɔ mɛn aa le Korowii be, dɛ koo harɛre nɛra bini, kɛŋɔ bwaala aa wir kpɔɡa ta, aa wola nɛn siwi ta nyiŋi mɔɔ la.

Maeka 5:7 Iomraidhean Croise

2 Samoɛl 17:12

Ásɛ bobɛlbwa Kooro Devid aa lole la, yaa ɡaaɡe o bɔree dɛ́ nao, o ne jara dɛ ya kaa yoo. O ne o laa tena la bini bɛlbwa toole dɛ́ ka.

Yela 110:3

Awola haa yo he dɔma la, he nɛra ɛɛ sɛoh dɛ́ ba teŋɛ he nɛ. He bonɔɔna ɛɛ leo ba he be kɛŋɔ chɔɔlen mɛn ken, he bwe waa do ɡoroŋ la ta.

Yela 133:3

A wer kɛŋɔ mɛn aa le Hɛmɔn Bwejen ta, dɛɛ lee Saayɔn Bwejen doa ken. Belaa Korowii baɡɛ o nɛra nyoa ŋɔ, wɛɛ swee o nɛra andɛɛɡaa, bá dɔ mkpa saŋ bɛlbwa dɛɛ la.

Yela 72:6

Gel kooro do kɛŋɔ bwaala waa ɡela koo kwa ɛɛ do wer, dɛ́ do kɛŋɔ bwaala nee aa ɡela harɛ sɔɔh, dɛɛ do wer la ken.

Sɛɡla 19:12

Kooro bandia do kɛŋɔ nyujente aa sia ken, asɛ o silɛɛ ɡe do kɛŋɔ mɛn aa ta kpɔɡa ta ken.

Aesaya 32:15

Gɛɛ aa ba doe dɛ ka tel kɛŋɔ, Korowii Doma aa ba so ya nɛɛ mɔɔ pua hɛŋle ɡbo harɛ la berɛ harɛpare ondɛɛɡe, o ta kwaa do wer, ásɛ o berɛ do kɛŋɔ kɔr ken.

Aesaya 44:3

Mɛɛ ɡeloo nee chɔ harɛ waa hola ta, ásɛ nenabɔɔne chɔ dɛɛ palɛ. Mɛɛ ɡeloo n Doma ba so he bii nɛ, dɛ́ swee andɛɛɡa tɛ he naanar.

Aesaya 55:10

N waa la do kɛ bwaala ne mɛn yon le nyundua dɛ pweh harɛ la ken. A ɡelɔ kwaa baa dua won ɛɛ, nɛra dɔ kondikwaa di, dɛ́ dɔ a dwee ɡe du.

Aesaya 66:19

Mɛɛ ɛ waane ba binii, dɛ́ tomɛ banɔ la baa le a nyoa la, ásɛ ba la bojaŋa harɛre nɛra baa wola n waa noɛ dɛ na n jirima ne n kpeɡri la be. Harɛre nɛra kɛŋɔ, Taases ne Lebya dɛ Lidia tena. Lidia tena nɔ jemɛ to tae taeh, ne Tubal ne Grik tena harɛ. Gɛ harɛre nɔ nɛra bee baa ba laŋa dɛ́ ka bol n kpeɡri maa dɔa la waa baɡ ba.

Jeremia 14:22

Harɛre voɡare aa wola tɔnɔ bɛlbwa dɔe ɛɛ won ɡel bwaala nɛ aa? Nyundua ɡe ɡbo ɛɛ won ɡel bwaala wir aa? Akai, hen Korowii yaa dɛ tomɛ ɡbosoroo dɛ won ɛ. Ya hwɛɡa bwa lɔ he nɛ, dɛkalkɛ he ɡboo wona dɛɛ ɛ ɡɛ waa nɔ bwa.”

Ɛsekeɛl 14:22

Ane a bwa, ba bini bane ɛɛ kao, bibaala ne bihaahna ɛɛ le o taa ba hen Ɛsekeɛl be. Hɛɛ na ba daa, ne ba we-ɛɛla, dɛ́ dɔ bolarawa le wenaale maa kpɔa ba ta Jerusalam tena nɛɛ la ta.

Ɛsekeɛl 47:1

Baa la berɔ kpɔ men Ɛsekeɛl ba Korowii Dea doonyoa la ta, asɛ n na nee aa pala le doonyoa bela dɛɛ kaa wee leebɔr pera, bela Korowii Dea la sie aa chaɡa la. Dɛ nee la palɔ le Korowii Dea la lɔɡa weekaŋle harɛbɔr pera, dɛɛ kaa saraha kon la weekaŋle harɛbɔr.

Ɛsekeɛl 5:5

Nemenɛ Korowii ŋɔ, “Na Jerusalam, n kpɔɔ cheɡ harɛre bwa baah ta a baro cheme.

Daneɛl 11:32

Siiria kooro la ɛɛ neɡre nɛra baa koni fɔo baa fɔwa laanee, kɛ banɔ la baa jemɛ Korowii baa dɛ tomɔ la ɛɛ cheo kiŋkiŋ, dɛ́ yoo.

Hosia 14:5

Mɛɛ ɛo kɛŋɔ bwaala waa nɛ harɛ waa hola ta, dɛ́ tɛ Israel tena, ásɛ ba do kɛŋɔ kpɔɡa fee ken. Dɛ so kɛŋɔ daa lune aa kaa harɛ bini ken, kɛŋɔ peleme daa aa lɔ Lɛbanɔn harɛ ta ken.

Hosia 6:3

Hé ɡel ya takapɔ dɛ́ jemɛ Korowii, ya do sie dɛɛ yaradao. Wɛɛ ba ya bee kɛŋɔ chɔɔlen wee ken. Wɛɛ bao kɛ bwaala, kɛŋɔ yoo saŋ bwaala aa wola vɛh la.”

Joel 2:32

Ásɛ nomɛlbwa waa wi yerɛ men Korowii la, mɛɛ lɛo. Saayɔn Bwejen ne Jerusalam taa nɛra ɛɛ ba ba nyu dɔe, ɡɛ men Korowii aa bola ŋɔ, ‘Ba bini bane ɛɛ chwao le Jerusalam, kɛ banɔ la maa lee ba tɛ n te la ɛɛ dɔ ba nyuu.’ ”

Emɔs 5:15

Hé hah wechɔɡa, dɛ́ nyin wedɛɛɡa, hé ɡel kasinteŋ ɛɛ ɛ toma kɔɔto deene. Nemenɛ Korowii ken ɛɛ sune Josef dea nɛra baa kaa nɛɛ.”

Maeka 2:12

Israel tena, mɛɛ boa he bwa nyoa, kasinteŋ, mɛɛ boa he nɛra haa kaa la bwa nyoaa. Mɛɛ boa he nyoa kɛŋɔ peera yon pɛ do leɡ ta, kɛɛ kondɛɛra yon warɛ do dibɔr la. Gɛ tentenee mɛɛ ba ɡela nɛra su harɛ la ta kohona.”

Maeka 4:13

Korowii ŋɔ, “Jerusalam tena, hé ir ka yo he dɔma, mɛɛ ɡeloo he do kpeɡri kɛŋɔ nabal waa dɔ bune nyeɡlare, o nafikokore ɡe do kɛŋɔ ayaawa ken. Hɛɛ yo harɛre ɡalɡa nɛraa, dɛ́ pɔ ba nɛ, ásɛ dɛ kpɔ kondɔɔh baa yo nɛra dɛ lɛa la, ba tɛ men Korowii maa ɛ harɛ nɔ bwa dɔɔ la.”

Maeka 4:7

Mɛɛ ɡeloo boobie ka, dɛ́ le nɛra baa doŋ ba le harɛfale ta ba la, berɛ warɛ kohona dɛ́ do kpeɡri. Men Korowii ɛɛ di kora ba nɛɛ le awola, ne saŋ bɛlbwa dɛɛ la Saayɔn Bwejen waa lɔ Jerusalam.”

Maeka 5:3

Anomanta, Korowii ɛɛ vɛh o nɛra Israel tenaa tɛ ba dɔma, ka tel kɛŋɔ haah la loltea aa lɔɔ aa lolɛ o bie. Israel tena baa lɔ bojaŋ harɛfale ta ɛɛ berɔ ba ja ba bala Israel tena nɛ.

Maeka 5:8

Banɔ la baa kaa dɛ peɡre ka do harɛre ta la, ɛɛ doo kɛŋɔ nyujente aa lɔ kpɔɡ bini, dɛɛ kpaah ola kɛɛ peera dɛ́ pee a ola, baa wola lɛɛ dɔ.

Maeka 7:18

N Naa Korowii yaa dɛ tomɛ, nomɛlbwa ta do kɛŋɔ hen, he kpɔ he nɛra baa kaa wechɔɡa dɛɛ kɛ ba, he nɛra baa ɛ he kapɛrɛ nɛra la. He baah diu waa, aa biɡri, he sie dɛ lɛ kɛ hɛɛ na ya sum.

Sefania 3:13

Israel tena baa ka harɛ la ta la aa wechɔɡaa ɛ, kɛɛ dɛ́ teŋe nyosone, kɛɛ dɛ́ neɡre ba dɔŋa. Baa dɔ komɛlbwa baa dɛ nyinii ba deŋna sɔɔh ba, baa wola nomɛlbwaa ɔmɛ.”

Sekaria 14:8

Awola tɔpere la, nedɛɛɡe ɛɛ palɔɔ le Jerusalam, o pera kaa Yar Mpo ta, o pera berɛ kaa Mɛdetereenea Mpo ta bɔwɔb ne waa saŋ bwa.

Sekaria 9:13

Mɛɛ ɡure Juda harɛɛ kɛŋɔ to ken, dɛ́ kpɔ Efrem ɛ hɛma. Dɛ́ kpɔ Saayɔn baala ɛ keri, dɛ́ ka yo Grik tena harɛ baala.”

Matiu 28:19

Anomanta, hé valɛ kaa harɛ nɔ ta bobɛlbwa, dɛ́ ka nyin nɛra bwa bini nɛra bá ba teŋɛ n nɛ, dɛ́ sɔ ba Korowii ne, ásɛ dɛ kpɔ ba do n Mɛɛ ne men o Bie ne o Domadɛɛɡe la nɔn ta,

We-ɛɛla 11:15

Maa la o be la, maa pa mun dɛɛ bol waa la, dɛ Korowii Domadɛɛɡe la baa so o ne o dem tena nɛɛ kɛŋɔ waa baa so ya nɛɛ loɡla la.

We-ɛɛla 13:46

Baa dɛ ɛ Pɔɔl ne Banabas nɛnhɛla la, ate ta kwaraa baa bol waa bansua ne dɛɛ ŋɔ, “Aŋwɛnɛ taa ya tɔ sie bol Korowii Amanesoma waa la he be la. Kɛ he ɡbaɡba aa vɛah dɛ baɡle kɛŋɔ he te ta Korowii mkpa la chɛɛ nɔ te naa, yaa ɡel heyaa dɛ́ la nɛra baa wola Juu tena ɛɛ la be,

We-ɛɛla 16:9

Awola jwaana ne la, Pɔɔl na wepila ane. O nao kɛ Makidoonia harɛ te bɛl aa cheɡa dɛɛ soŋo dɛɛ ŋɔ, “Ba Makidoonia dɛ ba lɛ yaa.”

We-ɛɛla 9:15

Anee Yeesu ŋɔ o be ŋɔ “Kaa! Menee leo dɛɛ nyin n tomɔ, ásɛ nɛra baa wola Juu tena ɛɛ ne ba koranar ne Israel tena bwa ba che o nɛɛ dɛ́ jem mɛ.

Tɔn Pɔɔl Aa Chwerɛ Rom Tena 10:20

Korowii keame Aesaya te kwaraa chwerɛ Korowii wobol ane a ɡwaa ɡɛ. O chwerɔ ŋɔ, “Nɛra ba fa aa wola n bɔr ɡaaɡe la, ban na mɛ, banɔ la ba fa aa wola n waa bɔɔ la, banee n kpɔ n te chaɡle.”

Tɔn Pɔɔl Aa Chwerɛ Rom Tena 11:12

Israel tena wechɔɡa baa ɛa la ba wedɛɛɡa ne ba tɛ nɛwɛnyina, asɛ ba chola baa chola dɛ paŋɛ kwaa Korowii be la ɡe ba wedɛɛɡa tenten ne dɛ ba tɛ nɛra baa wola Israel tena ɛɛ. Israel tena chola la kwaraa aa ba wedɛɛɡa ne ba tɛ nɛwɛnyina nɔ, dɛ ba bwa lɛ Korowii wa aa, ɛrɛɛ aa ba doe yɔ?

Tɔn Pɔɔl Aa Chwerɛ Rom Tena 9:30

Ɛrɛɛ yaa ba ŋɔe yɔ? Nɛra baa wola Israel tena ɛɛ la, ba siwi aa wola swɛɛrɛ kɛŋɔ Korowii lɛɛ ba kɛ nɛndɛɛɡa ba waa su o siwi la, ba yarada nomanta, Korowii siwi su ba.

1 Kɔrent 3:6

Ya fa do kɛŋɔ nɛra baa dɛ du kwaa dɛ do he bini. Menee dua, asɛ Apolos ɡe ka ba, dɛ ba do nee a ta. Korowiirii ɡela kwaa la le dɛ kpeɡ.

Mmarare 32:2

N webaɡla ɛɛ ba he bee kɛŋɔ bwaala aa dɛ wiri, n wobol do kɛŋɔ chɔɔlen mɛn, ne bwaala wira waa ɡela kpɔɡa ɛɛ le la.

Sitɔɔla 6:36

Belaa Gedeɔn ŋɔ Korowii be ŋɔ, “N Naa Korowii, dɛ hɛɛ che n nɛɛ dɛ́ lɛ Israel tena ɡɛ haa baɡ mɛ nyoa la aa,