Maeka 5:4 - mzwDBL

⁴ O balaa, wɛɛ nyiŋi o nɛra nɛɛ kɛ peteɡre, Korowii kpeɡri ne o sɔn waa kana ne, ásɛ o nɛra bwara sɔɔh ba. Harɛ nɔ ta nɛra bwa ɛɛ na kan Korowii aa doa ɡɛ saŋ.

Maeka 5:4 Iomraidhean Croise

Yela 145:12

ásɛ nomɛlbwa jemɛ he wejena haa dɛ ɛ, ne jirima he kora aa dɔa wa.

Yela 22:27

Harɛre nɛra bwa ɛɛ lii Korowii waa dɛ́ kpɛɛro, baa le harɛ jaɡa bwaa, dɛ́ ba o be, harɛre nɛra bwa ba ɡuŋi o sie.

Yela 72:19

Hé kpɛɛ o sɔn waa dɔ jirima saŋ bɛlbwa dɛɛ la. Hé ɡel o jirima su harɛ nɔ ta bwa. Aamen.

Yela 72:8

Wɛɛ di koraa le mpo bɛl ta ba kaa bɛl ta, dɛ le Yufretis Moo ta ba kaa harɛ jaɡa.

Yela 93:1

Korowii dɛ di kora, o do laala kɛŋɔ kooro, dɛ dɔ jirima kohona dɛɛ di kpeɡri. O ta harɛ dɛ ɡel o che kiŋkiŋ, nomɛlbwa aa wola won kpɔ le o buɡ ta.

Yela 98:3

O teŋɛ nyoa waa baɡɛ Israel tena kasinteŋ ne nyina aa wola jaɡa dɔe bwa ne. Nɛra baa lɔ harɛ jaɡa bwa na ɡɛ Korowii yaa dɛ tomɔ aa lɛ o nɛra.

Kaala 23:21

Hé cheɡ deŋne dɛɛ no wobɛlbwa waa bol he be. He bɛ lwɛmkpeɡ ɛ, he ɛ lwɛmkpeɡ aa, waa he bwaraa kpɔ kɛ heya, dɛkalkɛŋɔ onee chiɡ n naa ta.

Aesaya 45:22

Harɛre nɛra bwa, hé ba n be, dɛ́ ba dɔ he nyu. N ɡboo Korowii, Dɔɔ bɛlbwa toole kpa.

Aesaya 49:5

Korowii lee mɛ dɛ ɛɛ mɛ o bonɔɔ mɔɔ ba lol mɛ, dɛ ŋɔ ń berɛ ba o nɛra Israel tena baa peɡra dɛ do bobɛlbwa la ne o be. Korowii ɡelɔ n dɔ duure, o bee n kpeɡri do.

Aesaya 52:10

Wɛɛ ɡeloo harɛre nɛra bwa na ɡɛ o kpeɡri aa do ɡoroŋ. Nɛra baa lɔ harɛ jaɡa bwa ɛɛ na ɡɛ Korowii yaa dɛ tomɔ aa wona lɛ yaa.

Aesaya 52:13

Korowii ŋɔ, “N bonɔɔ ɛɛ won ɛ toma maa kpɔa do o nɔn ta la tonɛ, baa duuruu taeh, dɛ́ ɡel o sɔn le.

Aesaya 8:7

mɛɛ ɡeloo Asiiria koojen ne o laa tena yoo ba. Báa ba ba nɛɛ kɛŋɔ Yufretis Moo aa sua bɔle o diŋɡoŋni bwa ta,

Maeka 7:14

Ya Naa Korowii, nyiŋi he nɛra nɛɛ kɛŋɔ peteɡre aa dɛ nyiŋi peera, nɛra haa lee ba tɛ he te la. Ya do kɛ peera aa pere a te, dɛ ka do kpɔɡbaah dɛɛ di. Gel he nɛra ka do harɛpare ondɛɛɡe kɛŋɔ Basan ne Gelead ta, dɛɛ di kɛ saŋ la.

Sekaria 13:7

Koranar Bwa Kooro ŋɔ, “Mɛɛ ir n keree dɛ́ kpo n peteɡre waa dɛ tom mɛ la. Kpo peteɡre la ásɛ peera la lɔ peɡre ń dɔ bɔr kpoo a bii la.”

Sekaria 9:10

Korowii ŋɔ, “Mɛɛ le laa torɔɡore nee Israel harɛ ta, dɛ́ le laa jaɡre ne Jerusalam, ásɛ dɛ kuuɡi laa tori bwa. He kooro ɛɛ bol deŋnesɔɔhna waa harɛre nɛra bee. Wɛɛ di koraa le mpo bɛl taa ba kaa bɛl ta, dɛ́ le Yufretis Moo ta kaa harɛ jaɡa.”

Malakae 1:5

Israel tena siwi ɛɛ na ɡɛ waa nɔɔ dɛ́ ŋɔ, “Korowii kan, hale dɛɛ di kpeɡri harɛfala aa bar Israel harɛ bwa!”

Matiu 16:18

Anomanta, n ŋɔ he sɔne Pita, o munii Bwe. Gɛ bwe nɔ taa mɛɛ ba n dea doe chɔŋɛ. N habɔteŋraa n dea la. Hale seo kwara aa wola won pɔ ba nɛɛ bwa.

Matiu 2:6

‘Juda harɛ bwɛjeɡa Bɛtlɛham, Juda harɛ bwɛɛre bini bwɛsala laa hen, dɛkalkɛŋɔ he taa kooro ɛɛ ba lee, dɛ́ nyiŋi n nɛra Israel tena nɛ.’ ”

Matiu 25:31

Yeesu berɔ ŋɔ, “Dɛ Men Nɛn Bie la balɔ jirima ne, nyundua toroma la ja n nɛ aa, mɛɛ ba so n kookara taa,

Amanesoma Luk Aa Chwera Tɔn 1:32

Wɛɛ ɛ nɛnjenii, ásɛ baa yerɔ Nemenɛ Korowii Bie. N Naa Korowii dɛ ba on o naa Devid kora la dɔŋ cheɡa ó di.

Amanesoma Jɔn Aa Chwera Tɔn 10:38

Kɛ dɛ n dɛ ɛ o we-ɛɛla aa ɛ nyokpowaa te, dɛ haa men yarada kwaraa naa, hé yarada o nyokpowaa la te, ásɛ dɛ jemɛ kɛ n ne o ɛ beŋkpoŋ bɛlbwa aa wola won daɡre o te o dɔŋ nɛ.”

Amanesoma Jɔn Aa Chwera Tɔn 20:17

Belaa Yeesu ŋɔ, “Kpɔ mɛ ta, n ta n Mɛɛ be laŋɛ mɔɔ. Kaa ka ŋɔ n nimanar be ŋɔ, ‘N berɔ dɛɛ kaa nyundua n ne he bwa Mɛɛ waa ɛ ya bwa Korowii la be.’ ”

Ɛfesos 1:3

Hé ɡel ya kpɛɛ ya Dɔɔ Yeesu Kristo Mɛɛ Korowii, dɛkalkɛŋɔ o cha yaa wedɛɛɡa la bwa aa le o Domadɛɛɡe be la ta, asɛ yaa na som o be nyundua, pɛɛ ya ne Yeesu Kristo aa pɛa la wa.

1 Pita 1:5

He cheɡaa a che. He yarada nomanta, Korowii kpɔ o kpeɡri tɔ he nɛ, wobɛlbwa aa wola won ɛ heyaa ka tel kɛŋɔ waa ba lɛ heya. O ɛ lɛɛ waa ba lɛ heyaa la wobɛlbwa tonɛ, dɛ lɛ heyaa waa bwa jaɡa saŋ.

Tɔn Jud Aa Chwera 1:1

Tɔn nɔ le men Jud maa ɛ Yeesu Kristo bonɔɔ dɛ ɛ Jems nime la be. N chwerɔ dɛɛ tɛ he nɛra N Naa Korowii waa bera ɛ ya Mɛɛ la aa dɛ nyin heya, dɛ le heyaa tɛ o te, asɛ Yeesu Kristo ɡee nyin heyaa la.

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”