Maeka 4:9 - mzwDBL

⁹ Bɔkwa waa bala hɛɛ dooɡe lɔŋɔre nɔɔ? He ta kooro dɔe kpa kɛɛ? Nɛn waa bol waa dɛɛ ja heyaa sewɔ, a kpɔ weweele ta he nɛɛ hɛɛ pɛmɛ kɛŋɔ haah loltea aa lɔɔ waa?

Maeka 4:9 Iomraidhean Croise

Aesaya 13:8

Ɔmee ɛɛ chole ba nɛɛ, ba bwara wee ba chweeh, baa beɡre ba te kɛŋɔ loltea aa lɔ haah. Ba nyoa ɛɛ kpoo kohonaa, ásɛ sihiih kpo ba, baa nyiŋi dɔŋa.

Aesaya 21:3

A ɡɛ waa maa naa la ɡelɔ n bwadabii wee mɛ chweeh ken, kɛŋɔ loltea aa lɔ haah ken. Waa maa noa la ɡelɔ maa won ɛ wobɛlbwa, n ɛo chinchaŋ waa maa naa la wa.

Aesaya 26:17

He ɡelɔ ya bwara ɛɛ nyɛɡ yaa wi, kɛŋɔ haah loltea aa lɔɔ ken.

Jeremia 22:23

He soɡe Lɛbanɔn deene baa kpɔ peleme daa ɛa bini, he bwara sɔɔhne, kɛ he waa dɛ ba sum doe hɛɛ pɛmɛ, kɛŋɔ haah loltea aa lɔɔ ken!”

Jeremia 30:10

Anomanta, n nɛra, he bɛ ɔmɛ, Israel tena, he bɛ ɡel he bambile chɔɡ. Mɛɛ lɛ heyaa le bojaŋ harɛre taa ba, he naanar baa laɡ ba kaa bojaŋ harɛfale ta la. Ásɛ he berɛ dɔ deŋnesɔɔhna ne bosɔɔhna, nomɛlbwa aa heyaa aah kpa.

Jeremia 4:21

Saŋ besoo laa fraŋkaare, ne bɛle hoeh nɔ ɛɛ ba ɡela ɔ?”

Jeremia 4:31

N dɛ no lɔŋɔ kɛ haah loltea aa lɔɔ, wɛɛ eeh dɛɛ lolɛ o biloɡle. A kaa ɛ kɛŋɔ Jerusalamee do kɛŋɔ haah waa dɛ wi o hweera pi, dɛɛ tɛɡre nɔɔra ŋɔ, “Akwe, n na wa, ba dɛ ba dɛ́ ba kpo mɛ.”

Jeremia 48:41

Baa pɔ bwɛjen Kereɔt nɛɛ, dɛ́ chɔɡ ba dekpeɡa bwa. Awola tɔpere la, Moab banyoola ɛɛ ɔmɔɔ kɛŋɔ haah loltea aa lɔɔ ken.

Jeremia 50:43

Babelɔn kooro no ba wa, ɔmee ɡel o bwara yɔr. Weweele ne bambiteŋa ɡel o ɔmɛ kɛŋɔ haah loltea aa lɔɔ ken.

Jeremia 8:19

Hé no n nɛra wii baa dɛ wi bojaŋ harɛ ta dɛɛ ŋɔ, “Korowii toole Saayɔn kpa kɛɛ? Saayɔn Kooro ɡe toole bela kɛɛ?” Asɛ Korowii waa ɛ ba kooro la chaŋe ŋɔ, “Ɛrɛɛ he kpɔ kwaa he ɡbabir aa ɛa dɛɛ muɡli n baah, dɛɛ tomɛ voɡa aa wola tɔnɔ dɔe, dɛ le harɛfala ta nɔɔ?”

Wiile 4:20

Ba lawɛ kooro Korowii aa leo tɛ yaa. Ya liiro kɛŋɔ o nɛɛ yá che dɛ́ dɔ mkpa. Onee ya yarada kɛŋɔ wɛɛ lɛ yaa le nomɛlbwa waa ba lɔ tɔ ya nɛɛ la be.

Hosia 10:3

Belaa baa ba ŋɔe ŋɔ, “Ya ta kooro dɔe, dɛkalkɛ ya ta Korowii duure. Ya dɔ kooro kwaraa naa, bɔkwaa o fe ɛɛ ba ɛɛ tɛ yaa ɔ?”

Hosia 13:13

Ba nyu som kɛ baa dɔ bɔr dɛ́ so, kɛ dɛ ɡɛn dɛ vɛh waa la. Ba do kɛ bechala baa dɛ ba o lola waa wola bala nyin.

Hosia 3:4

Gɛɛ Israel tena ɛɛ ba soɡa biɡri baa wola kooro kɛɛ nomoa bɛlbwaa dɔ. Baa saraharee ɛ, dɛ paaɡe bwea dɛɛ duura, ba sɔfore aa batakaareborii do, baa voɡaa cheɡ dɛɛ toma kpa.

Maeka 5:3

Anomanta, Korowii ɛɛ vɛh o nɛra Israel tenaa tɛ ba dɔma, ka tel kɛŋɔ haah la loltea aa lɔɔ aa lolɛ o bie. Israel tena baa lɔ bojaŋ harɛfale ta ɛɛ berɔ ba ja ba bala Israel tena nɛ.

Amanesoma Jɔn Aa Chwera Tɔn 16:21

Dɛ lol tea lɔ haah naa, o tea bini dɛ chɔɡ, dɛkalkɛŋɔ o bonyɛɡa saŋ telo. O baa lolɛ tonaa, o dɛ soh o bonyɛɡa la, ásɛ o sie berɛ lɛ kɛŋɔ waa lolɛ bie ba harɛ nɔ ta.

Wepila 12:2

Haah la tea beɔ, loltea lɔɔ wɛɛ ba lola dɛɛ dooɡe lɔŋɔre.