Maeka 4:8 - mzwDBL

⁸ Kɛ hen Saayɔn Bwejen haa lɔ Jerusalam, belaa Korowii do kɛ peteɡre dɛɛ nyiŋi o nɛra nɛ, hɛɛ berɔɔ ba ɛ bwɛjen nyu tenten, ɡɛ he fa aa doa wubwa la.

Maeka 4:8 Iomraidhean Croise

Mumpar 35:21

Jekɔb berɔ ir dɛ ka baŋre o tɛnte dea bobɛl baa dɛ yerɛ bela Ida Dejaŋ bɛl baŋ.

2 Samoɛl 5:7

Kɛ ane a bwa, o yoo dɛ lɛ Jerusalam baa ma danjwɛkpeɡ baro la, asɛ baa yerɔ ‘Kooro Devid Bwɛjen’.

Nehemia 3:25

Asɛ Usai bibaa Palal kwaa ma choŋi le danjwɛɛ la loŋkora bela dɛ kaa dejaŋ waa lɔ koodem la nyundua. O bɛne dembaah bela nɛra aa dɛ daah la. Asɛ Parɔs bibaa Pɛdaya ɡe kwaa ma choŋi.

Yela 24:7

Hé ya doonyojena la kohona, hé ya saŋ la doonyoo la, ásɛ Koojen waa dɔ jirima la ba jo.

Yela 48:3

Korowii lɔ o bwɛjen la ta, dɛɛ nyiŋi nɛra baa lɔ o ta nɛ.

Yela 61:3

dɛkalkɛ henee kpɔ nɔn dɛɛ tɔ n nɛ, dɛ do kɛ danjwɛkpeɡ n dɔma sie.

Yelsom 4:4

He baŋa jaŋne dɛ siɡri, dɛ do wer, kɛŋɔ Kooro Devid dejaŋ ken. He baŋa kwaa saɡre teŋɛ dɔŋa nɛɛ kɛŋɔ, kwaa baa kpɔa dɛɛ tɔ ɡbemɡbe laa ta anjeɡre kaɡboŋ.

Aesaya 1:26

Mɛɛ berɔ ɡel he dɔ nɛra baa bol he waa dɛɛ pa bole, ne nɛra baa dɛɛ ja heyaa kɛŋɔ he fa aa dɔɔ ba wubwa la. Ásɛ mɔɔ bá berɛ yerɛ heyaa Kasinteŋ Diile bwɛ, Nɛndɛɛɡa bwɛ.”

Aesaya 10:32

Fini tɔpere nɔ, baa bao dɛ́ ba che Nɔb. Baa nyiŋi Jerusalam Saayɔn Bwejen la taa, dɛ́ ume nɔɔra pa ba nɛɛ dɛɛ aah ba.

Aesaya 5:2

O buɡli harɛ la, dɛ laa bwea aa lɔ o ta bwa pa mɔɔ dɛ nyin dadɛɛɡa chɔɔ o ta, dɛ chiɡri jɛŋla baa so o ta dɛɛ kpa koo la. O komɛ bwe bɔɔ, bela baa ba tiɡri a nɔna ta a nee le. Name o soɡo dɛɛ hwɛɡɛ kɛŋɔ aa nɔnɛ nɔndɛɛɡaa, kɛ a berɛ nɔnɛ nɔnchɔɡa.

Daneɛl 2:44

A ɡɛ koranar la kora dii ta la, Korowii Waa Dɛ Di Kora Nyundua ɛɛ chiɡ kora waa wola chɔɡ, kɛɛ nomɛlbwa aa wola won pɔ o nɛ. Wɛɛ ba chɔɡ kora bele anaarɛ la bwaa a ba a jaɡa. Kɛ o te ɛɛ cheo dɛ́ do le saŋ bɛlbwa dɛɛ la.”

Daneɛl 7:18

A bwa habɔɔ la, Nemenɛ Korowii nɛra ba wa aa toɡra laanee wɛɛ ba kora la kpɔe tɛ, ó ɛ ba kon saŋ bɛlbwa dɛɛ la.’

Obadia 1:21

Jerusalam baala baa yoa dɛ le la ɛɛ ka yo Edom tenaa, dɛ́ kpɔ harɛ la dɛɛ nyiŋi o ta. Asɛ Korowii ɡbabir ɛ ba kooro.”

Maeka 2:12

Israel tena, mɛɛ boa he bwa nyoa, kasinteŋ, mɛɛ boa he nɛra haa kaa la bwa nyoaa. Mɛɛ boa he nyoa kɛŋɔ peera yon pɛ do leɡ ta, kɛɛ kondɛɛra yon warɛ do dibɔr la. Gɛ tentenee mɛɛ ba ɡela nɛra su harɛ la ta kohona.”

Sekaria 9:10

Korowii ŋɔ, “Mɛɛ le laa torɔɡore nee Israel harɛ ta, dɛ́ le laa jaɡre ne Jerusalam, ásɛ dɛ kuuɡi laa tori bwa. He kooro ɛɛ bol deŋnesɔɔhna waa harɛre nɛra bee. Wɛɛ di koraa le mpo bɛl taa ba kaa bɛl ta, dɛ́ le Yufretis Moo ta kaa harɛ jaɡa.”

Sekaria 9:12

Hé berɛ ba kaa, he nɛra baa lawɛ heyaa kaa bojaŋ harɛ ta, taraken he dɔ hwɛɡa, hé berɛ ba kaa he harɛ bosɔɔhna aa lɔ o ta. Taraken n dɛ ŋɔ he be, mɛɛ tɛ heyaa anɔ la haa paŋa la bele anɛɛ.

Sekaria 9:9

Saayɔn tena, hé hɛɡre kohona, Jerusalam tena, hé moo ɡa. Hé nyiŋi na! He kooro dɛ ba he be, o waa toɡrɔ dɛ won nɛra lɛɛ, o pwɛre, o soɡe keeɡo bie ta, keeɡo bale taa o so.

Nɛra Kura 24:19

Kooro la ɛɛ le Israel tena binii dɛ́ ba kpoo nɛra baa ka bwɛjen la ta bwa.”

Matiu 21:33

A habɔɔ la, Yeesu berɔ ŋɔ, “Hé no sɛɡla nɔ ɡe. Baa bɛlee fa lole dɛɛ parɛ kwaane baa kpɔa dɛɛ daa sen. O ke a ɡɛ koo la, dɛ kwaa bɔr baa dɛɛ harame a nee dɛɛ do, dɛ chiɡri jɛŋla bela bá so o ta dɛɛ daah koo la, a koma telaa, ba dɔ ba bɔr. A habɔɔ la, o kpɔ koo la tɛɛ ba bá nyiŋi o ta tɛo, dɛ kaa harɛ bɛl ta.

Amanesoma Mak Aa Chwera Tɔn 12:1

Yeesu kpɔ sɛɡla bol waa baɡle nɛra la dɛ ŋɔ, “Baa bɛlee fa lole dɛɛ parɛ daa baa kpɔ a nɔna dɛɛ ɛ sen. O ke a ɡɛ koo la, dɛ kwaa bɔr baa dɛɛ harame a nee dɛɛ do, dɛ chiɡri jɛŋla bela, bá so o ta dɛɛ daah koo la, dɛ kpɔ nɛra báa ɛ koo la toma, a koma telaa, bá dɔ ba bɔr. A habɔɔ la, o kpɔ koo la tɛɛ ba bá nyiŋi o ta tɛo, dɛ kaa harɛ bɛl ta.

Ɛfesos 1:21

o dɔ kpeɡri kɛrɛdɛ ɡa, dɛ ɡwaa kpeɡri konchɔɡa aa bea yaa wola an na bwa soo siwi aa dɔa, dɛ dɔ sɔn ɡwaa komɛlbwa kɛɛ nomɛlbwa waa lole taraken ne nɛra baa dɛ ba bala tɔpere aa dɛ ba bala la ta.

Wepila 22:5

Bɔr aa belaa dɛɛ jo, baa kandea ne weeree hiah, dɛkalkɛ N Naa Korowii ɛɛ dɛɛ chaah ba nɛɛ, ásɛ baa di koraa saŋ te bɛlbwa.