Maeka 4:4 - mzwDBL

⁴ Bɛlbwa ɛɛ so deŋnesɔɔhna taa, asɛ daa kooni ne fiɡ daa kooni baro cheme, nomɛlbwa aa wola won ba aah ba kpa. Koranar Bwa Kooroo bola.

Maeka 4:4 Iomraidhean Croise

1 Koranar 4:25

O ta aa soɡe le la, dɛ nɛra baa soɡe Juda ne Israel harɛ bwa ta ɡɛ saŋ lɔ bosɔɔhna ta. Le Dan dea harɛ waa lɔ weekaŋle nyundua, dɛ́ ba kaa Beɛseeba o ɡe aa lɔ weekaŋle harɛbɔr. Dɛ dea bɛlbwa nɛra dɔ bosɔɔhna, dɛ dɔ fiɡ ne ɡrepo daa kooni.

1 Koranar 5:5

N ɛ n liire kɛŋɔ ń do dea tɛ Korowii, ɡɛ waa ŋɔ n mɛɛ Kooro Devid be ŋɔ, ‘He bie maa ba ɡel o so he buɡ ta dɛ́ di kora laanee dɛ́ do n Dea tɛ mɛ’ la.

Job Tɔn 11:19

Hɛɛ chɔɔ nomɛlbwa aa wola won aahre, nɛra ɡalɡa ba he be, hɛɛ cha ba.

Yela 72:3

Gel kondikwaa ba ya harɛ ta kohona, toɡra he nɛra wa aa toɡra la wa.

Sɛɡla 3:25

Haa wekpeɡa aa dɛ piɡri nɛn waa lii, kɛɛ wenaale aa dɛ ba wechɔɡ-ɛɛra nɛɛ laanee ɔmɛ.

Aesaya 1:20

Kɛ dɛ he vɛoh dɛ ta do he kpaŋa la ta te naa, laa nyoa hɛɛ ba kae. Men Korowiirii bola.”

Aesaya 17:2

Bwɛjena aa lɔ Siiria harɛ dɛ́ ba dimɡbia bera dɛ chɔ. Aa berɛ peera ne nae dibɔraa, nomɛlbwa aa lee do dɛ́ doŋa.

Aesaya 22:25

Awola tɔpere la, tɛnte baŋra daa maa kpaara do harɛ o pa kiŋkiŋ la ɛɛ pamɔɔ le dɛ́ chole, ásɛ laala aa saɡɛ o ta la bwa chɔɡ. Men Korowiirii bola.”

Aesaya 26:16

N Naa Korowii, he tɛr he nɛra deŋne baa na wahala, asɛ ba ba he be ba soŋe.

Aesaya 32:17

Deŋnesɔɔhnaa dɛɛ ba waa aa toɡra la ta lee, dɛ́ ɡel bɔr sɔɔh, ásɛ ɔmee aa lee do kpa bwa.

Aesaya 36:16

He bɛ Kooro Hɛsɛkea waa no. Asiiria koojen dɛ bol ŋɔ, hé le bwɛjen la bini ba o be, dɛ́ kpɔ he te ba do o lɔɡa. Wɛɛ ɡeloo he bini bɛlbwa dɔ o fiɡ ne o ɡrepo daa kooni nɔna di, dɛ́ nyɔ o kɔlɔŋ bini ne,

Aesaya 40:5

Ásɛ Korowii ba baɡle o jirima nɛwɛnyina bwa na. Korowiirii bola.”

Aesaya 54:14

Waa aa toɡra taa aa ba cheɡa he won che kɛrɛdɛ, he ne nyubinikpeɡ tena baah ɛɛ do jaŋnee, komɛlbwa toole he ɔmɛ.

Aesaya 58:14

ate, mɛɛ ɡeloo he dɔ silɛɛ toma haa dɛ tom mɛ la wa. Mɛɛ berɔ ɡel he dɔ duure harɛ ta bobɛlbwa, dɛ́ berɛ na som harɛ maa kpɔa tɛ he nabaa Jekɔb la ta. Men Korowiirii bola.”

Jeremia 23:4

Mɛɛ berɔɔ le sitɔɔla baa nyiŋi ba nɛ, ásɛ bɛlbwa aa ɔmɛ kɛɛ dɛ́ nyoɡre kpa. Men Korowiirii bola.”

Jeremia 30:10

Anomanta, n nɛra, he bɛ ɔmɛ, Israel tena, he bɛ ɡel he bambile chɔɡ. Mɛɛ lɛ heyaa le bojaŋ harɛre taa ba, he naanar baa laɡ ba kaa bojaŋ harɛfale ta la. Ásɛ he berɛ dɔ deŋnesɔɔhna ne bosɔɔhna, nomɛlbwa aa heyaa aah kpa.

Ɛsekeɛl 34:25

N ne baa fɔwɛ deŋnesɔɔhna fɔwee, dɛ́ le kpɔɡ bini olchɔɡa ne harɛ la ta, ásɛ n peera la do pua kpɔɡbaah ta, dɛ́ chɔ kɔne bini deŋnesɔɔhna ta.

Ɛsekeɛl 34:28

Harɛre ane nɛra baa wola Korowii tomɛ aa won ba yoo ba, dɛ́ pa ba laala kaa kpa. Gɛɛ kpɔɡ bini olchɔɡa ɡe aa wola won ba laɡ ba chwe. Nomɛlbwa aa won ba aah ba kpa, ásɛ ba so deŋnesɔɔhna ta.

Ɛsekeɛl 38:11

Hɛɛ ŋɔɔ hɛɛ ka yo Israel harɛ ta bwɛɛre baa dɛ lii kɛŋɔ ba soɡe deŋnesɔɔhna ta, baa wola danjwɛjena mae bara, a ba ɛ kɛ aa dɔ doonyoo ba kpɔ bune dɛɛ kaɡra laanee.

Ɛsekeɛl 39:26

Baa soh ba sihihwaa ne kasinteŋ bɛ dɔe dɛ tɛ mɛ ɡɛ saŋ baa soɡe deŋnesɔɔhna ta ba harɛ ta, nomɛlbwa aa wola ban aah la.

Lewi Dea Tena 26:6

Mɛɛ ɡeloo hé dɔ deŋnesɔɔhna harɛ la ta, ásɛ dɛ he chɔɔɡɔ kwaraa naa, nomɛlbwa aa won ba aah heya. Mɛɛ le kpɔɡ bini ola aa lɔ harɛ la ta bwa nee. Haa laa ɡbɔɡa ɡee no kpa.

Maeka 5:3

Anomanta, Korowii ɛɛ vɛh o nɛra Israel tenaa tɛ ba dɔma, ka tel kɛŋɔ haah la loltea aa lɔɔ aa lolɛ o bie. Israel tena baa lɔ bojaŋ harɛfale ta ɛɛ berɔ ba ja ba bala Israel tena nɛ.

Sefania 3:13

Israel tena baa ka harɛ la ta la aa wechɔɡaa ɛ, kɛɛ dɛ́ teŋe nyosone, kɛɛ dɛ́ neɡre ba dɔŋa. Baa dɔ komɛlbwa baa dɛ nyinii ba deŋna sɔɔh ba, baa wola nomɛlbwaa ɔmɛ.”

Sekaria 3:10

Awola tɔpere la, he bini bɛlbwa ɛɛ yerɛ o dɔŋee he so deŋnesɔɔhna ta, ásɛ he ɡrepo ne he fiɡ daa kooni bar heya.”