Maeka 4:3 - mzwDBL

³ Wɛɛ bol harɛre nɛra waa dɛ́ pa bole, dɛ́ kwaa harɛre nɛra baa kpeɡa baah. Baa beɡre ba kerii a ɛ para, dɛ́ beɡre ba lampeare ɡe ɡoori. Harɛre nɛra aa dɔŋaa yo, a ba ɛ kɛŋɔ baa hweli laa waa kpa.

Maeka 4:3 Iomraidhean Croise

Yela 46:10

Korowii ŋɔ, “Hé ɡel yoi, dɛ́ jemɛ kɛ menee Korowii, menee kana harɛre nɛra bwa bini, n dɔŋ toole harɛ nɔ bwa ta.”

Yela 46:9

O won laa nyoa sɔɔhna harɛ nɔ ta bobɛlbwa, dɛɛ kuuɡi tori ne lampeare, dɛɛ fuh kwa baa kpɔa dɛɛ tɔ ɡbemɡbe, dɛɛ yo laa.

Yela 72:3

Gel kondikwaa ba ya harɛ ta kohona, toɡra he nɛra wa aa toɡra la wa.

Yela 72:7

N Naa Korowii, ɡel waa aa wera dɛ toɡre la do harɛ nɔ ta, o kora dii ta saŋ bɛlbwa, ásɛ nɛra baa soɡe harɛ nɔ ta dɔ deŋnesɔɔhna ka tel kɛŋɔ, korobie aa ɡel chaahna.

Yela 82:8

N Naa Korowii, ir nyu ne, dɛ́ bol harɛ nɔ nɛra waa dɛ́ pa bole. Henee dɔ harɛ nɔ nɛra bwa.

Yela 96:13

saŋ Korowii aa ba di kora harɛ nɔ ta la. Wɛɛ ba bol harɛ nɔ ta nɛra waa dɛ́ pa bole aŋwɛnɛ ta ne kasinteŋ ne.

Yela 98:9

dɛkalkɛ o dɛ ba harɛ nɔ ta ba di kora. Wɛɛ ba bol harɛ nɔ ta nɛra waa dɛ́ pa bole aŋwɛnɛ ta, ne kasinteŋ ne.

Aesaya 2:4

Wɛɛ bol harɛre nɛra waa dɛ́ pa bole, dɛ́ kwaa ba baah. Baa beɡre ba kerii a ɛ para, dɛ́ beɡre ba lampeare ɡe ɡoori. Harɛre nɛra aa dɔŋaa yo, a ba ɛ kɛŋɔ baa hweli laa waa kpa.

Aesaya 25:3

Anomanta, harɛre nɛra baa kpeɡa ɛɛ kpɛɛree, ásɛ bwɛjena a nɛra nyu bini aa kpeɡa duuri.

Aesaya 51:5

Mɛɛ bao warane, dɛ́ ba lɛɛ ba, ba lɛɛ tɔpere aa jaŋɛ kwara. N ɡbabirii dɛ nyiŋi harɛre nɛra nɛɛ dɛ́ ɡel ba jemɛ n kasinteŋ la. Bojaŋa harɛre nɛra bwa ɛɛ dɔ hwɛɡaa, dɛɛ nyiŋi lɛɛ maa dɛ ba ba lɛɛ la ŋwɛnɛ.

Aesaya 60:12

Harɛre nɛra baa ŋɔa baa heyaa tomɛ la, ba harɛre ɛɛ paɡroo dɛ́ chɔɡ kwara.

Aesaya 65:25

Gboli ne pebiiri ɛɛ pɛ bobeŋkpoŋii dɛɛ di, nyujentena chwe kpɔɡa kɛŋɔ nae ken, harɛkon ɡe, teeraa wɛɛ ba dii. A bɛlbwa aa kwaa chɔɡ, aa nɛra ɡee kpo n bwejen waa do ɡoroŋ Saayɔn ta kpa.” Korowiirii bola.

Aesaya 9:7

O kora ɛɛ do kanee dɛɛ ja saŋ bɛlbwa, ásɛ deŋnesɔɔhna aa wola jaɡa dɔe do le saŋ bɛlbwa dɛɛ la. Wɛɛ chiɡ Kooro Devid naa taa, dɛ́ di kora. O kora ɛɛ che kasinteŋ ne waa aa toɡra taa dɛ́ do kpeɡri, dɛ́ le saŋ nɔ ka tel waa bwa jaɡa saŋ. Koranar Bwa Kooro ɛɛ do siee dɛ́ ɛ anɔ bwa.

Daneɛl 2:44

A ɡɛ koranar la kora dii ta la, Korowii Waa Dɛ Di Kora Nyundua ɛɛ chiɡ kora waa wola chɔɡ, kɛɛ nomɛlbwa aa wola won pɔ o nɛ. Wɛɛ ba chɔɡ kora bele anaarɛ la bwaa a ba a jaɡa. Kɛ o te ɛɛ cheo dɛ́ do le saŋ bɛlbwa dɛɛ la.”

Hosia 2:18

Awola tɔpere la, n ne kpɔɡ bini ola ne jumbii, ne kwaa aa dɛ tuuɡi tea ta dɛ anɔ la aa dɛ huuh ɛɛ fɔwɛ fɔwee, ásɛ a bɛ n nɛra wobɛlbwa ɛ. Mɛɛ le laa ne dɔmkwaa kɛŋɔ, to ne hɛma dɛ tokobie bwa nee harɛ la taa, ásɛ bɛlbwa dɔ deŋnesɔɔhna harɛ la ta.

Hosia 2:20

Mɛɛ teŋɛ n nyobaɡa taa, dɛ́ kpɔe ɛ n haah, ásɛ he jemɛ kɛrɛdɛ kɛ menee Korowii.

Joel 3:2

Mɛɛ boa harɛre nɛra nyoa dɛ́ ba bane Jehosafat Fɛlembɔjen bini. Belaa mɛɛ ba ń ba bol ba waa dɛ́ pa bole, waa bwa baa kpɔa ɛ n nɛra Israel tena la, dɛkalkɛ ba lɔ ba peɡre harɛre nɛra bini dɛ bɔne n harɛ.

Maeka 5:15

Mɛɛ kpɔ n bandia kohonaa ba ta harɛre nɛra baa wola n waa ta teŋɛ la nɛɛ dɛ́ chɔɡ ba.”

Sekaria 14:3

Korowii ɛɛ leo, dɛ́ ka yo a ɡɛ harɛre la nɛra ɡɛ waa dɛ yo saŋ la.

Sekaria 8:20

Koranar Bwa Kooro berɔ bol ja ŋɔ, “Nɛra ɡalɡa ne nɛra baa soɡe bwɛjena ta ɛɛ bao tɔpebɛl,

Sekaria 9:10

Korowii ŋɔ, “Mɛɛ le laa torɔɡore nee Israel harɛ ta, dɛ́ le laa jaɡre ne Jerusalam, ásɛ dɛ kuuɡi laa tori bwa. He kooro ɛɛ bol deŋnesɔɔhna waa harɛre nɛra bee. Wɛɛ di koraa le mpo bɛl taa ba kaa bɛl ta, dɛ́ le Yufretis Moo ta kaa harɛ jaɡa.”

We-ɛɛla 17:31

dɛkalkɛŋɔ o do tɔpere waa dɛ ba nɛwɛnyini bwa waa bola kasinteŋ ne la. O le nɛn wɛɛ ba waa la bola. O ir naate seo ta ásɛ nɛra jemɛ kɛŋɔ kpelaa o waa la.”

Wepila 19:11

Asɛ n na kɛŋɔ nyundua aa pila, jaaɡɔpoŋ bɛl le. Nɛn waa soɡe o ta la, ba dɛ yerɔ Kasinteŋ Te, o waa do Goroŋ. O dɛ bol nɛra waa kasinteŋ ne, dɛɛ yo laa aŋwɛnɛ ta.

1 Samoɛl 2:10

Nɛra baa ɛ hen Korowii dɔm bwa ɛɛ serewoo, hɛɛ kɔro kɛŋɔ bwaala le nyundua, dɛ́ ba chɔɡ ba. Hen Korowiirii dɛ́ ba bol harɛ nɔ nɛra bwa waa dɛ́ pa bole. Hɛɛ tɛ he kooro haa leo cheɡ kpeɡrii ó pɔ o dɔma nɛ.”