Maeka 4:13 - mzwDBL

¹³ Korowii ŋɔ, “Jerusalam tena, hé ir ka yo he dɔma, mɛɛ ɡeloo he do kpeɡri kɛŋɔ nabal waa dɔ bune nyeɡlare, o nafikokore ɡe do kɛŋɔ ayaawa ken. Hɛɛ yo harɛre ɡalɡa nɛraa, dɛ́ pɔ ba nɛ, ásɛ dɛ kpɔ kondɔɔh baa yo nɛra dɛ lɛa la, ba tɛ men Korowii maa ɛ harɛ nɔ bwa dɔɔ la.”

Maeka 4:13 Iomraidhean Croise

Yela 24:1

Korowiirii dɔ harɛ nɔ ne komɛlbwa aa lɔ o ta, hale nɛwɛnyina bwa sekwara.

Yela 68:29

He Dea waa lɔ Jerusalam nomanta, koranar ɛɛ kpɔ koŋkɛɛlaa ba tɛɛ.

Yela 72:10

Taases harɛ koranar, ne nɛra baa soɡe mpo nyoa bojaŋa ɛɛ kpɔ ba harɛre kwaa ba tɛo. Seeba ne Seba koranar ɡee kpɔ koŋkɛɛlaa ba tɛo.

Aesaya 18:7

A ɡɛ saŋ la, nɛra baa kpeɡa kohona ba bwara do wer, ba do ɔma harɛ nɔ bwa ta, dɛɛ tiɡri ba dɔma nɛ, neerare peɡri ba harɛ bini la, baa kpɔ koŋkɛɛlaa ba tɛ Koranar Bwa Kooro Saayɔn Bwejen ta, bela baa dɛ tomɔ.

Aesaya 21:10

Aesaya ŋɔ, “N nɛra, ba ɛ heyaa kɛŋɔ baa lɔ mea ken, waa maa noa le Koranar Bwa Kooro, Israel tena aa dɛ tomɔ be laanee n bol la.”

Aesaya 23:18

Ba tɔnɔ baa dɔ ne ba suuɡa baa dɔa la, baa a taa tɔ. Baa kwaaraa cheɡ á ɛ Korowii kwa, ásɛ nɛra baa dɛ tomɔ la kpɔ yawɛ kondikwaa kohona dɛ́ di dɛ́ yawɛ ba bwara laaladɛɛɡa baa dɛ nyin bwa.

Aesaya 5:28

Ba hɛma nyɛɡre, ba harɛ ba tori dɛɛ ba tae. Jaɡre baa soɡe a ta la nafikokore kpeɡri kɛŋɔ kwɛrboɔ ken. Kwaa aa do kɛŋɔ torɔɡore nakpale dɛ kile kohona kɛŋɔ kawulewule ken.

Jeremia 51:20

Korowii ŋɔ, “Babelɔn, he do kɛŋɔ n hamba waa ɛ n dɔmkon mɛɛ la o ne laa. Henee n kpɔ yo harɛre nɛra, dɛ paɡre ba harɛre ne ba koranar.

Jeremia 51:33

Koranar Bwa Kooro, Israel tena aa dɛ tomɔ la ŋɔ, “Babelɔn harɛ nɛra do kɛŋɔ baa kuu mea dɛ kpɔ kaa a lɔ bɔr, asɛ nɛra ba tiɡra do harɛ, aa biɡri bá chɔɡ harɛ la.”

Daneɛl 2:44

A ɡɛ koranar la kora dii ta la, Korowii Waa Dɛ Di Kora Nyundua ɛɛ chiɡ kora waa wola chɔɡ, kɛɛ nomɛlbwa aa wola won pɔ o nɛ. Wɛɛ ba chɔɡ kora bele anaarɛ la bwaa a ba a jaɡa. Kɛ o te ɛɛ cheo dɛ́ do le saŋ bɛlbwa dɛɛ la.”

Hosia 10:11

Israel tena do kɛŋɔ nalor baa baɡlo mea lɔe, o sie ɛɛ lɛ a ta. Anomanta, mɛɛ kpɔ daa dawɛ o baŋa ta wɛɛ parɛ. Mɛɛ teŋɛ Israel tena nɛɛ ásɛ Juda tena ɛɛ parɛ. Israel tena bwa ɡe ɛɛ buɡli harɛ.

Maeka 5:7

Israel tena baa ɛ Jekɔb naanar baa ka la ɛɛ doo kɛŋɔ mɛn aa le Korowii be, dɛ koo harɛre nɛra bini, kɛŋɔ bwaala aa wir kpɔɡa ta, aa wola nɛn siwi ta nyiŋi mɔɔ la.

Habakuk 3:12

He kpɔ bandia valɛ kpɔ harɛ nɔ ta bwa, dɛ kpɔ bwaawee tɛr harɛ nɔ ta nɛra deŋne kɛŋɔ baa dɛ lɔ mea.

Sekaria 12:3

Awola tɔpere la, mɛɛ ɡeloo Jerusalam do kɛŋɔ bwe, waa yiiɡi. Harɛ nɔ nɛra bwa aa pɛ nyoa dɛ́ ba yoo ba la, bɛlbwa waa ŋɔ wɛɛ ɡɔɔ bwe laanee la, wɛɛ doo bolii.

Sekaria 12:6

Awola tɔpere la, mɛɛ ɡeloo Juda nomonome do kɛŋɔ koropɔɔto ninhɔla aa suu dɛ́ do dahola baah dɛɛ hɔ, kɛɛ kapɛle aa lɔ mea baah ta dɛɛ lawɛ nii. Baa chɔɡ harɛre aa bar ba la nɛra bwaa, kɛ Jerusalam tena te ɛɛ so ba buɡ taa deŋnesɔɔhna ne.

Sekaria 4:14

Ate o ŋɔ, “Kpala anɛ nɔɔ cheɡa tɛ baala banɛ, Korowii waa ɛ harɛ nɔ bwa Dɔɔ aa lee ba, dɛ fuɡe noo do ba nyuune ta baa tomɔ la.”

Sekaria 6:5

O chaŋ mɛ ŋɔ, “A ɛ peu bele anaarɛ aa le nyundua Korowii waa ɛ harɛ nɔ bwa Dɔɔ be.

1 Kɔrent 16:2

Kwasiara bɛlbwa, hé bini bɛlbwa ɛɛ kpɔ suuɡa, ɡɛ bɛlbwa waa wona dɛ le anɔ la Korowii aa chao o dɔ la ta, dɛ́ kpɔ cheɡ. Hɛ́ɛ ɛ ɡɛ, ásɛ n balaa, he bɛ suuɡa dɛɛ ta kpa.

Mmarare 33:25

Gel ba kpɔ bune kaɡre ba bwɛɛre doonyoo a do kpeɡri. Bɛ ɡel wechɔɡa bɛlbwa ba ba nɛ.’

Josua 6:19

Kwaa baa kpɔ suuɡapoŋa ne suuɡaswɛm ne ayaawa dɛ bune ɛa la te, a do ɡoroŋ kohona tɛ Korowii kɛŋɔ hé kpɔ ba tɛo o Dea bela baa dɛ cheɡ laala a yoɡ aa kpeɡa.”