Maeka 4:12 - mzwDBL

¹² Kɛ baa Korowii liire jemɛ, baa jemɛ kɛŋɔ o boa ba nyoa dɛ́ tɛr ba deŋne, kɛŋɔ ba yon boa mea nyoa dɛɛ ba a lɔe la.

Maeka 4:12 Iomraidhean Croise

Yela 147:19

O pili o Mmarare ne o waa bini chaɡle Jekɔb naanar baa ɛ o nɛra Israel tena la.

Yela 147:20

O ta anɔ ɛɛ tɛ harɛ bɛlbwa nɛra, baa o Mmarare jemɛ. Hé kpɛɛ Korowii!

Aesaya 10:7

Kɛ Asiiria koojen te fe aa an ɡɛ nyin, dɛ o liire laa. O waa bwaa kɛŋɔ o fee den chɔɡ harɛre ɡalɡa bwa kwara.

Aesaya 21:10

Aesaya ŋɔ, “N nɛra, ba ɛ heyaa kɛŋɔ baa lɔ mea ken, waa maa noa le Koranar Bwa Kooro, Israel tena aa dɛ tomɔ be laanee n bol la.”

Aesaya 29:7

Harɛre nɛra baa wara, dɛ pu Jerusalam dɛɛ yo, dɛ ka kuuɡi o dekpeɡa, dɛ baro dɛ tɔ o nɛra do la, ba bwa waa ɛɛ kaaloo kɛŋɔ, haa na waane dɛ deera jwaana ken.

Aesaya 55:8

Korowii ŋɔ, “Waa haa dɛ lii laa mɛɛ lii, he we-ɛɛla dɔŋa laa mɛɛ ɛ.

Jeremia 29:11

Dɛkalkɛ n jemɛ anɔ la maa vɔrɔwa dɛɛ cheɡ heya. Vɔrɔwa aa ɡel he wobɛlbwa do wer, haa wola chɔɡ, ásɛ he dɔ kerekere hwɛɡa.

Jeremia 51:20

Korowii ŋɔ, “Babelɔn, he do kɛŋɔ n hamba waa ɛ n dɔmkon mɛɛ la o ne laa. Henee n kpɔ yo harɛre nɛra, dɛ paɡre ba harɛre ne ba koranar.

Jeremia 51:33

Koranar Bwa Kooro, Israel tena aa dɛ tomɔ la ŋɔ, “Babelɔn harɛ nɛra do kɛŋɔ baa kuu mea dɛ kpɔ kaa a lɔ bɔr, asɛ nɛra ba tiɡra do harɛ, aa biɡri bá chɔɡ harɛ la.”

Joel 3:2

Mɛɛ boa harɛre nɛra nyoa dɛ́ ba bane Jehosafat Fɛlembɔjen bini. Belaa mɛɛ ba ń ba bol ba waa dɛ́ pa bole, waa bwa baa kpɔa ɛ n nɛra Israel tena la, dɛkalkɛ ba lɔ ba peɡre harɛre nɛra bini dɛ bɔne n harɛ.

Amanesoma Luk Aa Chwera Tɔn 3:17

O do kɛŋɔ paa waa cheɡɛ o pɛla ta, dɛ kpɔ o te dɛɛ ba mea pala. Wɛɛ palɛ a bwaa kɛrɛdɛ ken, ásɛ dɛ pa ka do dɔndɔŋ bini cheɡ. Kɛ a pɛɡa la te, wɛɛ kpɔ nii aa wola dime bwaa fuah.”