Maeka 3:8 - mzwDBL

⁸ Kɛ n te, Korowii ɡelɔ o Doma ba so n nɛ, asɛ n dɔ kasinteŋ ne kpeɡri dɛ́ bol Israel tena wechɔɡa wa.

Maeka 3:8 Iomraidhean Croise

Job Tɔn 32:18

Wobol su n nyoa, maa won ɡel a ka n tea bini.

Aesaya 58:1

Korowii ŋɔ, “Kpɔ takpeɡ bol wa, bɛ hel! Gel he taa le kohona kɛŋɔ bɛla! Ŋɔ n nɛra Israel tena be ba deŋnekpeɡ ne ba wechɔɡa baa ɛɛ mɛ la wa.

Aesaya 61:1

Nemenɛ Korowii Doma la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ larawe nɛra ba bambile aa chɔɡa bwara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba lɛɛ balɔ.

Aesaya 61:2

O tom mɛ ń ɡel nɛra bwa jemɛ kɛ tɔpere Korowii aa dɛ ba o nɛra lɛɛ dɛ́ tɛr ba dɔma deŋne telo, dɛ́ larawe nɛra bwa baa dɛ wi bwara.

Jeremia 1:18

Fini, n ɡelɔ he do kpeɡri kɛŋɔ bwɛjen baa ma danjwɛkpeɡ baro, ne buni pila ne ayaawa danjwɛɛ harɛ la ta, ásɛ he won yo Juda koranar ne ba nomonome, sɔfore ne nɛra baa lɔ harɛ la ta.

Jeremia 20:9

Kɛ dɛ n ŋɔ maa Korowii sɔnee yerɛ, kɛɛ dɛ́ bol waa o sɔn ta kpa aa, o waa la yon do n bambile bini, dɛɛ fuh n hoɡa bini kɛŋɔ nii ken. N yon takapɔ ŋɔ n lawɛ n te, kɛ dɛ n horɔ.

Jeremia 6:11

He bandia waa lɔ ba nɛɛ la dɛ we n bambile maa wola won kpoŋa kpa.” Belaa Korowii ŋɔ n be ŋɔ, “Kpɔ n bandia ba bechale nɛɛ fɔɡbaahna, ne bela bonɔɔnaa aa dɛ cheme, ne baala ne ba haahna bwa nɛ, hale banɔ la baa hwɛɛhra bwa.

Wiile 2:14

Wepila he keamere aa naa dɛɛ baɡle la ɛ nyosone, ba webaɡla la neɡre, ba ta ɡelɛ he jemɛ he wechɔɡa, ásɛ he charɛ he we-ɛɛla, ba bɛ hen lawɛ kaa harɛfala ta.

Ɛsekeɛl 16:2

“Nɛwɛnyini bie, ɡel Jerusalam tena jemɛ kii waa baa ɛa.

Ɛsekeɛl 20:4

Nɛwɛnyini bie, he dɛ nyin kɛ he pa ba bolchɔɡe kɛɛ? Ate, lii ba ba naawa kii waa baa ɛa la wa

Ɛsekeɛl 22:2

“Nɛwɛnyini bie, hɛɛ bol Jerusalam nɛŋkpoa nɛra aa suu nɔ waa yaa? Bol o nɛra we-ɛɛla maa kia la waa ba be.

Ɛsekeɛl 23:36

Korowii ŋɔ n be ŋɔ, “Nɛwɛnyini bie, hɛɛ bol Ohola ne Oholiba waa dɛ́ pa ba bolchɔɡe aa? Di ba kasinteŋ waa maa kia ba ɛ la wa.

Ɛsekeɛl 3:14

Korowii Doma la baa so n nɛɛ kpeɡri nɛ, dɛ kpɔ mɛ kaa, asɛ n sie beɡre n baah di n bambile bini.

Ɛsekeɛl 43:10

Korowii berɔ ŋɔ n be ŋɔ, “Nɛwɛnyini bie, baɡle ɡɛ n Dea la wa aa doa Israel tena be, ásɛ sihiih kpo ba ba wechɔɡa baa ɛa la wa. Gel ba nyiŋi o mar,

Matiu 7:29

dɛkalkɛ a ta do kɛ ɡɛ Tɔnjerema la yon dɛɛ baɡle la. O te dɛ bol waa kɛ nɛn waa dɔ waa bwa kpeɡri ken.

Amanesoma Mak Aa Chwera Tɔn 3:17

ne Sebedii bii Jems ne o nime Jɔn waa pa ba ɡe sɔn Bɔanɛjes la, o munii kɛ Sikpeɡ Tena,

1 Kɔrent 2:4

N webaɡla bini la, n ta wejema kpɔe bol waa baɡle heyaa ásɛ he sie lɛ. Kɛ Korowii Domadɛɛɡe laanee di n wobol la danseɛ dɛ ɡel a do kpeɡri.