Maeka 3:7 - mzwDBL

⁷ Nɛra baa dɛ na waa chaahna ta, ne voɡra bwa dɛ ba sihiih dii. Ba bwa ɛɛ kpɔ nɔɔraa tɔ sie, dɛkalkɛ Korowii aa ban chaŋe.”

Maeka 3:7 Iomraidhean Croise

Yela 74:9

Korowii keamere toole kpa, ásɛ ya na he nyokpowe-ɛɛla. Nomɛlbwa ɡe aa jemɛ saŋ ya wenaale aa ba a jaɡa.

Kaala 9:11

Anɔ te la, dobodobo tena la ta wone ba che Mosis sie kpa, dɛkalkɛ dɛ ɔɡra la ɔɡre ba ne ba bwɛɛ la tena bwa.

Aesaya 44:25

Menee ɡela keame nyosonteŋna waa ɛ nyosone, dɛ ɡel voɡra waa ɛ ɡɛnewa, dɛ won beɡre harɛ nɔ ta wejerema wejema, a ɛ wesale.

Jeremia 18:18

Asɛ nɛra la bane ŋɔ, “Hé ba ya vɔrɔwe Jeremia vɔrɔwa, dɛkalkɛ sɔfore waa baa dɛ bol la ɛɛ do lee, wejerema ɡe webaɡla aa tonɛ, ɡɛɛ Korowii keamere ɡe waa la ɛɛ ba cheɡa. Anomanta, hé ɡel ya nyin waane dawɛ o nɛ, dɛ́ ɡel waa waa dɛ bol la noe.”

Ɛsekeɛl 24:17

Wi dɛɛ do he bini. Bɛ wi tɛ lale la, bɛ nakpapɛɛ valɛ, bɛ yal waa vɔwɛ he nyu ta laa kpɔ á baɡle kɛ he dɛ ɛ lwe. Bɛ kon kpɔ tɔ he nyoa, bɛ kondikwaa nɛra baa dɛ ɛ lwe aa dɛ di la ane di.”

Ɛsekeɛl 24:22

Hé ɛ ɡɛ maa ɛa nɔ. Haa kwaa kpɔ tɔ he nyoo, haa kondikwaa nɛra baa lɔ lwe ta aa dɛ di la ɡee di.

Lewi Dea Tena 13:45

Nɛn waa dɔ ɡɛ weebuula nɔ la chɛ kɛŋɔ wɛ́ɛ do laalajɛɡle, dɛ bɛ o nyumpona lee dɛ́ kpɔ kon tɔ o nyoa ásɛ dɛɛ dooɡe lɔŋɔre ŋɔ, ‘N kah doŋa! N kah doŋa!’

Emɔs 8:11

Tɔpera ane dɛ ba, ásɛ men Nemenɛ Korowii ɡel lɔr chole harɛ nɔ ta. Kondikwaa kɛɛ nyɔɡre laa, men Korowii waa la bɛ dɔe dɛ́ no la waa. Men Korowiirii bola.

Maeka 3:4

Saŋ bɛl ɛɛ bao nomonome nɔ wi yerɛ Korowii kɛ waa ban chaŋe, waa ba wesoŋaa no wechɔɡa baa ɛa la wa.

Maeka 7:16

Harɛre nɛra ɛɛ nao sihiih kpo ba, ba kpeɡri bwa ɛ pɛɛpɛɛ. Ba bwara ɛɛ yɔroo, bá kpɔ nɔɔra tɔ nyoo, dɛ́ tɔɔɡe ba deŋna.

Sekaria 13:4

Awola tɔpere la, sihiih ɛɛ kpo keame bɛlbwa waa ŋɔa o dɛ na chaahnaa. Waa keamere batakaaree do dɛ́ neɡre nɛra kpa.

1 Samoɛl 14:37

Anomanta, Kooro Sɔɔl bɔɔ Korowii ŋɔ, “Mɛɛ won la ka yo Filisti tena la kɛɛ? Yaa won pɔ ba nɛ aa?” Kɛ Korowii ta on chaŋɛ awola tɔpere.

1 Samoɛl 28:15

Samoɛl ŋɔ Kooro Sɔɔl be ŋɔ, “Ɛrɛɛ he ta ɡelɛ n chɔ jeih asɛ he yer mɛ le baŋ nɔɔ?” Anee Kooro Sɔɔl ŋɔ, “N bambile chɔɡɔ kohona. Filisti tena dɛ yoo mɛ, asɛ Korowii berɛ habɔɔ kpo mɛ. Waa Korowii keamere kɛɛ deera ta cheɡɛ dɛɛ chaŋ mɛ kpa. A waa mɛɛ yerɛ he baɡ mɛ ɡɛ maa ɛ.”

1 Samoɛl 28:6

O bɔɔrɔ le Korowii be dɛ na ɡɛ o fe aa ɛ, kɛ Korowii ta on chaŋɛ deera ta kɛɛ Urim ne Tumim waa ɛ komɛl baa cheɡɛ o ta dɛɛ jemɛ waa aa wera Korowii be, kɛɛ Korowii keamere be.

1 Samoɛl 9:9

Saŋ la dɛ Israel te dɛ nyin o bɔɔ waane le Korowii be naa, o yon ŋɔ, “Ba ya la ka na nɛn waa dɛ na chaahna. A ɡɛ nɛn nɔɔ baa yerɛ Korowii keame fini la.”