Maeka 3:5 - mzwDBL

⁵ Waa Korowii aa dɛ bol laanee nɔ. “Keame nyosonteŋna ɡelɔ n nɛra nyoɡre, ba dɔ komɛl dɛ́ le nɛra be dɛ di aa, ba soŋe deŋnesɔɔhna dɛɛ tɛɛ ba. Ba ta komɛlbwa dɔe le ba be tenaa, ba dɛ kpɔ ba te dɛ́ ka yoo ba laa.

Maeka 3:5 Iomraidhean Croise

Sɛɡla 28:21

Siebɔr nyiŋa dɛ́ pa bole aa were, kɛ bane dɛ che komɛl tama waa dɔ di la ta, dɛ yon ɛ wechɔɡa.

Aesaya 3:12

Toli ne bonɔɔna dɛ fiiɡi n nɛra. Haahnaa dɛɛ nyiŋi ba nɛ dɛɛ do ba. N nɛra, he sitɔɔla ɡelɔ he nyoɡre. Ba ɡelɔ he nyoɡre ŋwɛnɛ.

Jeremia 23:27

Ba dɛ lii ŋɔ chaahna baa dɛ na, dɛɛ bola dɔŋa be la ɛɛ won ɡel n nɛra soh n wa, ɡɛ ba naawa fa aa cheɡɛ voɡ Baal toma ta, dɛ soh n waa la.

Jeremia 23:32

Anomanta, n ne nɛra baa cheɡɛ chaahna ta, dɛ teŋe nyosone dɛɛ maŋkura ba te la dɔɔ. Ba bola dɛ ɡel n nɛra ɛɛ nyoɡre, dɛ n ɡe laa tom ba. Ba waa la aa nɛra nɔ cha tama bɛlbwa. Men Korowiirii bola.”

Jeremia 6:14

Ba na n nɛra ŋwɛra dɛ ŋɔ kuree. Dɛɛ bol ŋɔ, ‘Deŋnesɔɔhna lole,’ kɛ dɛ deŋnesɔɔhna bɛlbwa toole.

Jeremia 6:4

Baa bol dɔŋa bee ŋɔ, “Hé ɡel ya kpɔ ya te dɛ́ ka yo Jerusalam! Hé ir, webaŋaa yaa ba laŋa ka yo. Akwe, wee joɔ tonɛ, saŋ kaalɔ bɔr kwaraa dɛ ba bira.

Wiile 2:14

Wepila he keamere aa naa dɛɛ baɡle la ɛ nyosone, ba webaɡla la neɡre, ba ta ɡelɛ he jemɛ he wechɔɡa, ásɛ he charɛ he we-ɛɛla, ba bɛ hen lawɛ kaa harɛfala ta.

Ɛsekeɛl 13:9

Mɛɛ tɛr he keamere haa ŋɔa he dɛ na wepila ne waa aa dɛ ba bala kerekere a ɛ nyosone la deŋnee. Haa n nɛra Israel tena nɛɛ ja, kɛɛ bá chwerɛ he sɔna ja ba nɛ. He bɛlbwa nakpala aa Israel harɛ taa tire kpa. Ásɛ he jemɛ kɛŋɔ menee Nemenɛ Korowii.

Hosia 4:5

Chɔɔ ne jwaana bwaa hɛɛ lɔ na, he ne Korowii keamere bwa. Gɛɛ mɛɛ ba Israel waa ɛ he nya la chɔɡa.

Joel 3:9

“Hé bol harɛre nɛra be ŋɔ, bá kpɔ ba te dɛ́ ka yo laa! Bá yerɛ banyoola la bwa, dɛ́ boa laa tena la bwa nyoa bá ba yo!

Maeka 2:11

Nɛra nɔ dɛ nyin keame waa teŋe nyosone ŋɔ, ‘Mɛɛ ɡeloo sene bwa soo siwi bu he nyɔ dɛ́ dɛɛ.’

Maeka 3:11

Jerusalam sitɔɔla sɛoh baa yaɡ ba sen, sɔfore bol Korowii waa dɛɛ lɛ suuɡa, keamere ɡe baɡle waa baa naa chaahna ta dɛɛ lɛ suuɡa. Kɛ dɛ ŋɔ, “Korowii nɛɛ ya kpɔ ya te dawɛ, yaa wenaale bɛlbwaa na.”

Malakae 2:8

Kɛ he sɔfore le ŋwɛnɛdɛɛɡe la ta, he webaɡla ɡelɔ nɛra ɡalɡa lɔ naa dɛ nyoɡre, dɛ chɔɡ fɔo n ne Lewi dea tena aa fɔwa la.

Matiu 15:14

He bɛ ban dawɛ le! Ba ɛ nyoŋa baa dɛ tɔ nyoŋa sie. Nyoŋe lawɛ o dɔŋ nyoŋe daa aa, ba bwa dɛ le bɔɔ ta.”

Matiu 7:15

Hɛ́ɛ nyiŋi nyosonteŋna baa ŋɔa Korowii keameree ban la kɛrɛdɛ. He na ba aa, ba pwɛre kɛŋɔ peera ken. Kɛ ba bini te, ba sie beɡre kwaa kɛ ɡboli ken.

Tɔn Pɔɔl Aa Chwerɛ Rom Tena 16:18

A ɡɛ nɛra nɔ, ya Dɔɔ Yeesu Kristo laa baa tomɛ. Waa ba sie aa dɛ lɛ a ta la, anee baa ɛ. Nyotor ne nyosone nee baa neɡre nɛra baa wola wobɛlbwa jemɛ la.