Maeka 3:11 - mzwDBL

¹¹ Jerusalam sitɔɔla sɛoh baa yaɡ ba sen, sɔfore bol Korowii waa dɛɛ lɛ suuɡa, keamere ɡe baɡle waa baa naa chaahna ta dɛɛ lɛ suuɡa. Kɛ dɛ ŋɔ, “Korowii nɛɛ ya kpɔ ya te dawɛ, yaa wenaale bɛlbwaa na.”

Maeka 3:11 Iomraidhean Croise

Sɛɡla 17:23

Nɛnchɔɡee ba sɔh dɛɛ yawɛ sen, asɛ wɛɛ berɛ waa sie.

Aesaya 1:23

He nomonome kpaŋe n nɛ, dɛ berɛ ka kpɔ ŋwɛɛra ɛ ba chamene tena. Ba dɛ nyin kɛ nɛra ɛɛ yaɡ ba sen, dɛ berɛ dɛɛ teŋɛ koŋkɛɛla ɡbo ta. Baa bilalbii waa bolɛ dɛɛ tɛɛ ba kɛrɛdɛ, ɡɛɛ baa wola sie do luhaahna waa ta.

Aesaya 48:2

He dɛ́ maŋkura he te ŋɔ he le bwɛjen Jerusalam, dɛ ŋɔ he kpɔ he te dawɛ men Koranar Bwa Kooro, Israel tena aa dɛ tom mɛ la nɛ.

Aesaya 5:23

Hé bwɛɛlɛ, he banɔ la wechɔɡ-ɛɛra aa dɛ yawɛ heyaa sen hɛɛ ta ba, dɛ́ yon pa bolsom te bolchɔɡe la.

Aesaya 56:11

Ba do kɛŋɔ nyootena aa dɛ di kwaa kohona aa wola vaɡɛ bwa. Ba do kɛ peteɡra baa wola waa mun no. Bɛlbwa dɛ ɛ anɔ la aa dɛ su o siwi, ne waa aa le tɔnɔ tɛo.

Jeremia 23:17

Ba teŋɔ dɛɛ bol nɛra baa vɛh n waa ta teŋa be ŋɔ, ‘Korowii ŋɔ, hɛɛ dɔ deŋnesɔɔhnaa.’ Dɛɛ bol deŋnekpeɡ tena ɡe be ŋɔ, ‘Wenaale bɛlbwa aa he nɛɛ ba.’

Jeremia 26:7

Sɔfore, ne Korowii keamere dɛ nɛra la bwa no waa men Jeremia aa bola Korowii Dea bela la.

Jeremia 5:12

Korowii nɛra teŋe nyosone ŋɔ, “Waa yaa wobɛlbwa ɛɛ ba. Yaa wekpeɡa bɛlbwa nae ba. Laa bɛlbwa aa ya nɛɛ ba, a ba ɛ kɛŋɔ lɔr kpo yaa yá serewe.

Jeremia 6:13

Bechale ne nomonome bwa cheɡɛ sibeɡra ŋwɛnɛ ta dɛɛ nyin kwa, hale n keamere ne sɔfore dɛ teŋe nyosone.

Jeremia 7:4

He bɛ nɛra baa dɛ teŋe nyosone nɛɛ teŋɛ kɛŋɔ baa dɛ bol ŋɔ he dɔ deŋnesɔɔhna la. Ba yon ŋɔ, Korowii Dea laanee la! Korowii Dea laanee la! Korowii Dea laanee la!

Jeremia 8:10

Anomanta, mɛɛ kpɔ ba haahnaa tɛ jafala, dɛ kpɔ ba kooni do nɛnfala nɔɔra ta baa nyiŋi a ta. Nomɛlbwa, le bechale nɛɛ kaa nomonome nɛ, bɛlbwa dɛ nyin kwaa sibeɡra ne. Hale n keamere ne n sɔfore bwa, ba sie dɛ lɛ nɛra faahra ta.

Ɛsekeɛl 22:12

Ba dɛ yawɛ ba bini bane sen baa kpoo nɛra. Bane ɡe dɛ́ kemɛ ba bala Israel tena suuɡa, dɛ́ chɔŋɛ a nee dɛ́ che a ta ɛ dɔɔhna. Ba soh n waa la kwara. Men Nemenɛ Korowiirii bola.

Ɛsekeɛl 22:27

Israel nomonome do kɛŋɔ ɡboli dɛɛ peeɡe ola aa kpoora la. Nɛŋkpoa taa ba che dɛɛ nyin kondɔɔh.

Ɛsekeɛl 34:2

“Nɛwɛnyini bie, bol waa aa dɛ ba Israel nomonome baa do kɛŋɔ peteɡra nɛɛ bala, dɛ́ ŋɔ men Nemenɛ Korowii ŋɔ, ‘Hé bwɛɛlɛ! He ɛ peteɡra haa wola he peera nɛɛ nyiŋi, he ɡbo waa hiah heya. Hé laa chɛ kɛŋɔ hɛ́ɛ nyiŋi a nɛ aa?

Hosia 4:18

Ba nyɔ sen tonaa, ba ka dɛ bɔ ba jwamane la ja. Ba sie dɛ lɛ sihihwaa ta ɡwaa anɔ la aa tɛɛ ba jirima.

Hosia 4:8

N nɛra wechɔɡa taa he sɔfore che dɛɛ dɔ he te, anomanta, he dɛ nyin ba na dɛɛ ɛ wechɔɡa kohona.

Emɔs 5:14

Hé nyin wedɛɛɡa, dɛ́ ɡel wechɔɡa ɛɛ, ásɛ dɛ dɔ he nyu. Anee dɛ́ ɡel Korowii Waa Ɛ Kpeɡri Bwa Dɔɔ ja he nɛ, ɡɛ haa bol o waa la.

Emɔs 9:10

Wechɔɡ-ɛɛra baa lɔ n nɛra bini bwa, baa kpoo ba laa taa. Banee dɛɛ bol ŋɔ, ‘Korowii aa ɡel wechɔɡa bɛlbwa ba ya nɛ.’ ”

Maeka 3:5

Waa Korowii aa dɛ bol laanee nɔ. “Keame nyosonteŋna ɡelɔ n nɛra nyoɡre, ba dɔ komɛl dɛ́ le nɛra be dɛ di aa, ba soŋe deŋnesɔɔhna dɛɛ tɛɛ ba. Ba ta komɛlbwa dɔe le ba be tenaa, ba dɛ kpɔ ba te dɛ́ ka yoo ba laa.

Maeka 7:3

Ba bwa hweli wechɔɡa dɛ jema kɛrɛdɛ. Nɛra baa bol waa dɛɛ pa bole, ne ba nomonome bwa dɛ nyin kɛ baa yaɡ ba sen. Ba ne nɛnjena kpɔ wejema ŋwɛnɛ lɛ kwaa dɛɛ le ba be.

Sefania 3:3

Bwɛjen la nomonome do kɛŋɔ nyujentena aa dɛ dooɡe lɔŋɔre ken, o koranar ɡe do kɛŋɔ ɡboli aa lawɛ ol jɔmɔra, aa wola won haŋre dɛ́ ɡel hoɡ ɡba ka tɔɔ per o ta.

Sefania 3:4

O keamere waa ta kasinteŋ dɔe, ba dɔ mbarafo. O sɔfore kpɔ doŋa dɛɛ kah kwaa aa do ɡoroŋ, dɛɛ ɡole Korowii Mmara ɡɛ baa dɛ nyin.

Malakae 1:10

O berɔ ŋɔ, “N dɛ nyin kɛ he sɔfore la bini bɛl fee tɔɔɡe men Korowii Dea ɡbeni, bela haa joa dɛ kaa ɛ saraha la, ásɛ he bɛ won jo ka choŋi nii saraha kon la ta ɛ sarahasale. N sie aa he nɛɛ lɛ, maa he nɔn ta saraha kon bɛlbwa ɡee lɛ.

Malakae 2:9

Anomanta, n ɡelɔ haa jirimaa dɔ, ásɛ sihiih kpo heyaa Israel tena siwi ta, dɛkalkɛ he ta n waa ta teŋɛ. Nɛra siebɔraa he nyiŋi dɛɛ bol wa.”

Nɛra Kura 16:15

Belaa Mosis baah di ba nɛɛ kohona dɛ ŋɔ Korowii be ŋɔ, “N Naa Korowii, n poori, bɛ ba saraha kwaa baa kpɔ ba tɛɛ lɛ! N ta komɛlbwa waa ɛ konjeɡa kɛŋɔ keeɡo kwaraa ba be lɛɛ, a ba ɛ kɛŋɔ n ɛ ba bini bɛl wechɔɡa.”

Nɛra Kura 22:7

Ate, Moab nomonome ne Midian nomonome la kpɔ suuɡa baa kpɔ ka tomɛ toma la kaa. Baa la Balam be la, ba bol waa Kooro Balak aa ŋɔa la.

Matiu 3:9

He bɛ dɛɛ lii kɛŋɔ haa ɛ Abraham naanar la ɡbo ɛɛ wonoo ɡel he chwa Korowii bandia la. Kasinteŋ, Korowii ɛɛ wonoo ɡel bwea nɔ beɡre Abraham naanar.

1 Timoti 3:3

A ta chɛ kɛŋɔ ó ɛ sennyɔdɛɛ, ó bɛ naɡrenyini ɛ. Kɛ ó ɛ nɛn waa pwɛra, waa wola o bwara ne waa nyin. A ta chɛ kɛ o siwi beɡre suuɡa.

Taetos 1:11

A chɛ kɛ he kah ba ba tɔ nyoa. Ba dɛ chɔɡ dembir nɛra liire ba yon vɛh kasinteŋ waa la ta teŋa. Ba koh suuɡa waa dɛɛ chaɡle waa aa wola chɛɛ.

1 Pita 5:2

hɛ́ɛ nyiŋi Korowii nɛra baa ɛ o peera waa kpɔ ba tɛ heyaa ŋɔ hɛ́ɛ nyiŋi ba nɛɛ la kɛrɛdɛ. He bɛ ɡel ba do heyaa mɔɔ hɛɛ nyiŋ ba kɛrɛdɛ, hé ɡel a ɛ he ɡbaɡba tetoowa. He bɛ suuɡa sibeɡra waa koh dɛɛ ɛ ɡɛ toma nɔ, hé nyiŋi nyina haa dɛ nyin kɛ toma la kaa kɛrɛdɛ la dɛɛ ɛa.

Tɔn Jud Aa Chwera 1:11

Bá bwɛɛlɛ! Ba teŋɛ Keen ŋwɛnɛchɔɡe la ta. Ba koh suuɡanyin waa dɛ kpɔ ba te jo wechɔɡa Balam fa aa ɛa la ta. Ba dɛ vuuɡi Korowii kɛŋɔ Kora fa aa dɛ ɛ la. Korowii ɛɛ chɔɡ baa kɛŋɔ waa chɔɡ Kora la ken.

1 Samoɛl 8:3

Kɛ dɛ ba te ta doe kɛŋɔ ba mɛɛ. Dɛ ba sie beɡre suuɡa, anomanta, ba ɡelɔ nɛra ɛɛ yaɡ ba sen, baa waa aŋwɛnɛ ta bol.