Maeka 2:7 - mzwDBL

⁷ Israel tena, a chɛ kɛ ya ŋɔ, “Korowii Doma baah di ya nɛɛ kɛɛ? Wɛɛ ɛ ɡɛ waa nɔɔ yaa?” Nomɛlbwa o wa aa toɡra la Korowii swee andɛɛɡa dɛɛ tɛo.

Maeka 2:7 Iomraidhean Croise

Yela 119:65

N Naa Korowii, he teŋɛ he nyobaɡa ta, dɛ ɛ men maa ɛ he bonɔɔ nɔ wedɛɛɡa.

Yela 119:68

He waa wer, he wobɛlbwa ɡe wer, chaɡ mɛ he waa la.

Yela 15:2

Naate waa dɛ teŋɛ Korowii waa ta dɛɛ ɛ waa aa toɡra, dɛɛ bol kasinteŋ o bambile bwa ne la,

Yela 18:26

Nɛn o tea aa toa la, onee he dɔ tepoŋ tɛ, kɛ he dɔ wejema ɡwaa nɛn waa dɔ baradeɛre.

Yela 84:11

Korowiirii dɛɛ tɔ yaa ɡbemɡbe, dɛ ɛ ya kooro waa dɔ jirima. O swee yaa andɛɛɡa, dɛ sune ya nɛ, dɛ tɛ yaa jirima. Nɛra ba wa aa toɡra la, waa ban kondɛɛɡe bɛlbwa vɔmɛ.

Sɛɡla 10:29

Korowii kpɔ nɔn dɛɛ tɔ nɛra ba wa aa toɡra nɛ, dɛɛ chɔɡ banɔ la baa dɛ ɛ wechɔɡa.

Sɛɡla 10:9

Nɛn o wa aa dɔ kasinteŋ la, o wobɛlbwa dɛ́ do wer, nɛn o wa aa wola sie chɔ te, ba dɛ nao.

Sɛɡla 14:2

Nɛn o wa aa toɡra laanee dɛɛ ɔmɛ Korowii, kɛ nɛn waa dɛ neɡre nɛraa wola Korowii kpɔe dɛɛ ɛ wobɛlbwa.

Sɛɡla 2:7

Onee dɛɛ cha nɛn o wa aa toɡra, dɛɛ tɔ nɛn o ŋwɛnɛre aa wera ɡbemɡbe.

Sɛɡla 28:18

He waa bini wer aa, he dɛ dɔ he nyu, kɛ dɛ he waa bini ta toɡraa, he dɛ chole warane.

Aesaya 50:2

N ba he be, n ta heyaa nae, n yerɛ heyaa he ta sɛɛh. Kpeɡri maa kpɔ lɛ heyaa laanee n ta dɔe kɛɛ? Mɛɛ won ŋɔ mpo hweeh, ó hweeh, dɛ́ berɛ won ɡel neerare hweeh, bela do kɛŋɔ pua hɛŋle ɡbo harɛ ta, ásɛ a pɛŋa bwa serewe dɛ́ pɔh.

Aesaya 58:1

Korowii ŋɔ, “Kpɔ takpeɡ bol wa, bɛ hel! Gel he taa le kohona kɛŋɔ bɛla! Ŋɔ n nɛra Israel tena be ba deŋnekpeɡ ne ba wechɔɡa baa ɛɛ mɛ la wa.

Jeremia 15:16

Korowii Waa Ɛ Kpeɡri Bwa Dɔɔ, haa bol waa n be la, n cheɡ deŋne dɛ́ noa. A ɛɛ mɛ silɛɛ n bambile lawa, dɛkalkɛ henee dɔɔ mɛ.

Jeremia 2:4

Jekɔb naanar, hé no Korowii wa, Israel deene bwa, hé no.

Hosia 14:9

Umee wejereme ɔ? Naate ɛɛ jemɛ waa nɔɔ. Umee dɛɛ pese waɔ? Naate ɛɛ no a munii. Korowii ŋwɛnɛre toɡrɔ, nɛra ba wa aa toɡra dɛ teŋɛ a ta, kɛ deŋnekpeɡ tena dɛ lɔ naa a ta.

Maeka 3:9

Hé no, Israel sitɔɔla, he hah waa aa toɡra, dɛɛ berɛ waa aa ɛ kasinteŋ sie.

Sekaria 4:6

Korowii nyundua torome la ŋɔ n be ŋɔ ń bol Korowii waa Sɛrobabɛl be ŋɔ, “He wobɛlbwa ɛɛ do werii, he kpeɡri ne laa yoi ne laa, kɛ n Doma kpeɡri taa. Men Koranar Bwa Kooroo bola.

Nɛra Kura 11:23

Korowii chaŋe Mosis ŋɔ, “N kpeɡri aa won tel ɡɛ kɛɛ? Hɛɛ nao name kɛŋɔ waa maa bola la ɛ kpela kɛɛ a ɛ nyosone.”

Matiu 3:8

Hɛ́ɛ ɛ waa aa dɛ chaɡle kɛŋɔ he charɛ he liire le he wechɔɡa ta.

Amanesoma Jɔn Aa Chwera Tɔn 8:39

Anee ba ŋɔ, “Ya mɛɛɛ Abraham.” Belaa Yeesu ŋɔ, “Dɛ Abraham bii tentenee heya aa, he fe dɛ ɛ o we-ɛɛla siwi.

Tɔn Pɔɔl Aa Chwerɛ Rom Tena 7:13

Aah dɛ kon waa wera nɔ, o taa a berɛ che mɛɛ ba seo dɔe yaa? O ta laa. Liichɔɡaa cheɡɛ kon waa wera ta dɛ ɡel n dɔ seo, dɛ baɡle o dor ásɛ n jemɔ kɛrɛdɛ. Mmara la taa a che asɛ ya jemɛ kɛŋɔ liichɔɡa doŋo, aa wola were kwaraa.

2 Kɔrent 6:12

Ya laa wola heyaa nyin, heyaa wola yaa nyin. Ya waa toole he bambile ta.

2 Timoti 3:5

Baa dɛɛ ɛ ba we-ɛɛlaa kɛ nɛra baa dɛ tomɛ Korowii ken, kɛ dɛɛ vɛh kpeɡri waa lɔ Korowii toma ta la te. Laa he te kpɔ ɡɛ nɛra nɔ nɛ.