Maeka 2:4 - mzwDBL

⁴ Awola tɔpere la, ɡɛ wiile aa teŋa nɔɔ, baa ba kpɔe muɡli he baah ŋɔ, ‘Ya na waa kɛrɛdɛ. Korowii ɡelɔ ba lɛ ya harɛ, dɛ kpɔ yaa tɛ nɛnchɔɡa.’ ”

Maeka 2:4 Iomraidhean Croise

2 Samoɛl 1:17

Devid taa ɡɛ wiile aa teŋa nɔ tɛ Kooro Sɔɔl ne o bibaa Jonatan,

2 Webena 35:25

Korowii keame Jeremia taa Kooro Josia wiile. Dɛ kpoŋe ba le fini haahna ne baala dɛ́ taa wiile, dɛ kpɔ dɛɛ lii Kooro Josia. Ba chwera do Israel tena Wiile Taara Tɔn bini a ɛ ba nawee wa.

Job Tɔn 27:1

Job ta teŋɔ dɛɛ bol o waa la dɛ ŋɔ,

Aesaya 14:4

hɛɛ kpɔ yelee sɛɡle Babelɔn kooro dɛ ŋɔ, “Hé na ɡɛ nyubinikpeɡ te la aa bera sɔɔh! Hé na ɡɛ o bandia aa ba a jaɡa!

Aesaya 24:3

Harɛ nɔ ɛɛ chɔɡoo dɛ́ chɔ pɛɛ, o komɛlbwa tonɛ kwaraa. Korowiirii bola.

Aesaya 6:11

Anee n ŋɔ, “N Naa Korowii, dɛ ka tel saŋ besoo?” O chaŋe ŋɔ, “Dɛ ka tel kɛŋɔ bwɛjena la aa berɛ dimɡbia, nomɛlbwa aa wola a taa so, ásɛ deremi aa lɔ a ta la chɔ pɛɛ, kooni bwa berɛ pua.

Jeremia 14:18

N leɔ kaa kpɔɡ bini naa, n dɛ na nɛra baa kpoo ba laa ta, n berɔ ba bwɛjen la bini ɡe aa, n dɛ na nɛra lɔr aa kpo ba ba serewe. Korowii keamere ne sɔfore bwa lɔ harɛ la ta, baa jemɛ waa Korowii aa ŋɔa bá ɛ.”

Jeremia 4:13

Korowii ŋɔ, “Hé na, dɔm la dɛ ba kɛŋɔ baama ken, kwaa aa do kɛŋɔ torɔɡore ɡee ba kɛŋɔ kawulewule, o jaɡre ɡbaŋre ɡwaa kɔle.” Nɛra la ŋɔ, “Ya bwɛɛlɛ, ya bwa serewɔ!”

Jeremia 6:12

Baa kpɔ ba deremii tɛ nɛra bane, dɛ́ kpɔ ba kooni ne ba haahna ja, ɡɛ saŋ maa tɛr nɛra baa lɔ harɛ la ta deŋne. Men Korowiirii bola.

Jeremia 8:10

Anomanta, mɛɛ kpɔ ba haahnaa tɛ jafala, dɛ kpɔ ba kooni do nɛnfala nɔɔra ta baa nyiŋi a ta. Nomɛlbwa, le bechale nɛɛ kaa nomonome nɛ, bɛlbwa dɛ nyin kwaa sibeɡra ne. Hale n keamere ne n sɔfore bwa, ba sie dɛ lɛ nɛra faahra ta.

Jeremia 9:10

Belaa n ŋɔ, “Mɛɛ wiu dɛɛ dooɡe lɔŋɔre bwejena wa, dɛ taa wiile pua hɛŋle ɡbo harɛ, kondɛɛra dibɔra la wa. A bwa berɛ dimɡbia, nomɛlbwa aa a ta kpɔ, bɛlbwa aa nae ɡbɔɡa ɡe no. Jumbii bwa iro kaa, kpɔɡ bini ola ɡe bwa chwa kaa.”

Jeremia 9:16

Mɛɛ lɔ baa peɡre harɛre ba ɡbabir kɛɛ ba naawa aa wola an jemɛ ta. Dɛ ɡel laa tena ti ba ka tel kɛŋɔ baa kpoo ba bwa kwaraa.’ ”

Ɛsekeɛl 16:44

Korowii ŋɔ, “Nɛra ɛɛ kpɔ ɡɛ sɛɡlaa dɛɛ bol he waa ŋɔ, ‘Jerusalam, ɡɛ nya aa doa la, ɡɛɛ o bihaah ɡe do.’

Ɛsekeɛl 2:10

dɛ paɡru n sie. Dɛ ba chwerɛ wiile, wii ne wenaale waa do o sie ne o habɔɔ.

Joel 1:13

Sɔfore, hé kpɔ lweyale tɔ dɛɛ wi, heyaa dɛɛ ɛ toma saraha kon la ta. Hé la Korowii Dea ka so jwaana bwa dɛɛ wi, dɛkalkɛ mea kɛɛ sen sarahare aa Korowii Dea ba kpa.

Joel 1:8

Hɛ́ɛ wi kohona kɛŋɔ bitolo aa liɡe lweyal dɛɛ wi o bechajaa waa sewa la ken.

Emɔs 5:1

Emɔs ŋɔ, “Israel tena, hé no wiile maa taara dɛɛ tɛ heyaa nɔ.

Emɔs 5:17

Nɛra ɛɛ wi daa kooni ta bwaa. Gɛ waa nɔ bwa ɛɛ bao, dɛkalkɛ n dɛ ba ba tɛr he deŋne. Men Korowiirii bola.”

Maeka 1:15

Mɛɛ ɡeloo dɔm ba yo he nɛra haa lɔ Maresa, dɛ́ pɔ he nɛ. Ásɛ Israel nomonome chwa ka sɔh Adulam bwebɔɔ bini.

Maeka 1:8

Men Maeka ŋɔ, “Anɔ nomanta mɛɛ wiu dɛɛ dooɡe lɔŋɔre, á baɡle kɛ n dɛ di suna. Mɛɛ valɛ nakpapɛɛ ne mumɡbalee, dɛ́ si kɛŋɔ kalampoŋa, dɛɛ si kɛŋɔ kwiu ken.

Maeka 2:10

Hé ir dɛ kaa, bonɔ ta bɔr haa so onɛ ɛɛ, dɛkalkɛŋɔ he ɡelɔ harɛ la kah doŋa. O chɔɡɔ baa wola won kwaaro kpa.

Habakuk 2:6

Nɛra Babelɔn tena aa pɔ ba nɛɛ la ɛɛ mam baa dɛ́ ŋɔ, ‘Hé bwɛɛlɛ, kɛ haa cheɡ kwaa aa wola he kwaa ɛɛ, dɛ kpɔ nɛnfaah kwaa ɛ kondɔɔh nɔ. Saŋ besoo hɛɛ ba ɡɛ waa nɔ ɛɛ ka jaɡɔɔ?’

Sefania 1:2

Korowii ŋɔ, “N dɛ ba komɛlbwa chɔɡa le harɛ nɔ ta.

Nɛra Kura 23:18

Balam bol waa Korowii aa bola la dɛ ŋɔ, “N naa Kooro Balak, ir dɛ́ no n be. Sepɔ bibaa, no n waa nɔ.

Nɛra Kura 23:7

Balam bol waa Korowii aa bola la dɛ ŋɔ, “Kooro Balak kaa kpɔ mɛ le Siiria harɛ ta, Moab harɛ ta wee leebɔr bwejena bɔr. Dɛ ŋɔ n ba tomɛ Israel tena toma tɛo, ba chɔɡ Israel tena tɛ mɛ.

Nɛra Kura 24:15

Ate, Balam bol waa aa le Korowii be ŋɔ, “Waa aa le men Beɔ bibaa Balam be, n na waa chaahna ta kɛrɛdɛ ken.

Nɛra Kura 24:3

asɛ o bol waa Korowii aa bol o be la ŋɔ, “Waa men Beɔ bibaa Balam aa noa le Korowii be, Waa waa naa chaahna ta kɛrɛdɛ ken,

Amanesoma Mak Aa Chwera Tɔn 12:12

Yeesu aa bol a ɡɛ waa nɔ dɛ kpɔ sɛɡle la, dɛ Juu tena nomonome la dɛ́ nyin bɔr dɛ́ lawɔ, dɛkalkɛŋɔ dɛ ba jemɔ kɛŋɔ banee o sɛɡle. Kɛ dɛ ba dɛ ɔmɛ nɛnlaa baa lɔ bela la, dɛ ɡelo dɛ kaa.

Mmarare 28:29

Hɛɛ dɛɛ laɡre bɔree webaŋa kɛŋɔ nyoŋa ken haa wola bɔree na. Wobɛlbwa haa dɛ ɛ ɡe aa heyaa kɛrɛdɛɛ chiɡ bwa. Baa lɔɔ heyaa dɛ́ pa he laala kɛŋɔ laa ta kwa ken, nomɛlbwa aa wola lee do dɛ́ cha heya.