Maeka 2:2 - mzwDBL

² Ba dɛ nyin nɛra kooni kɛɛ deene aa, ba dɛ lɛa kpeɡri ne. Ba won nɛra deremi, kɛɛ ba kapɛrɛ kwaa ɡe lɛɛ neɡra ŋwɛnɛ ta.

Maeka 2:2 Iomraidhean Croise

1 Koranar 21:1

Awola bɛl, baa bɛl baa dɛ yerɔ Nabɔt dɛ le bwɛɛ bɛl sɔne Jesreel. Dɛ o dɔ daa koo o bɛne Samaria Kooro Ahab dem jwɛɛh Jesreel bela.

2 Koranar 9:26

‘N na Nabɔt ne o bii kpoe nɔ wa, n ŋwɛɛrɔ kɛ mɛɛ bɔɔ a kemee ɡɛ harɛ nɔ tenten ta. Gɔɔro, dɛ́ kpɔɔ ka ta koo nɔ ta ɡɛ Korowii aa bola la.’ ”

Job Tɔn 31:38

Dɛ n harɛ la dɛ wi n tɛl kɛŋɔ nɛn, o pweeri ɛɛ wi siniire,

Kaala 20:17

He bɛ ɡel he sie beɡre he dɔŋa deremi. He bɛ ɡel he dɔŋa haahna pɛla dɔ heya. He bɛ ɡel he sie beɡre he dɔŋa bonɔɔna kɛɛ toli, ba nae ne keeɡore, dɛ komɛlbwa aa ɛ ba kwa.”

Aesaya 3:14

Korowii dɛ ba o nɛra nomonome ne ba sitɔɔla waa bola dɛ́ pa bole. O ŋɔ, “Heyaa he n daa koo. Heyaa pa nyaara kwaa le ba be kɛŋɔ laa ta kwa, dɛ kpɔ su he be deene.

Aesaya 5:8

Hé bwɛɛlɛ, he banɔ la haa yawɛ deremi dɛɛ ja deremi ta, dɛ berɛ yawɛ kooni dɛɛ ja kooni ta, dɛ ka tel kɛŋɔ bɔr aa wola lee do tɛ he bala, asɛ he ɡbo lɛ harɛ dɔɔh dɛ so.

Jeremia 22:17

Kɛ he sie beɡre anɔ la he ɡbo aa dɔ ta, dɛɛ kpoo nɛra baa wola wechɔɡa bɛlbwa ɛɛ, dɛɛ fiɡ ba, dɛ ɛɡ ba dɛɛ lɛ ba kwa. Men Korowiirii bola.”

Ɛsekeɛl 18:12

dɛɛ faah nyaara, dɛɛ ŋwɛ. O kemɛ nɛn suuɡa dɛ lɛ kon cheɡ naate ta kem la ba bɔe yaa. Waa naate kon kpɔe dɛɛ tɛo. O dɛ tomɛ voɡa maa kia la.

Ɛsekeɛl 22:12

Ba dɛ yawɛ ba bini bane sen baa kpoo nɛra. Bane ɡe dɛ́ kemɛ ba bala Israel tena suuɡa, dɛ́ chɔŋɛ a nee dɛ́ che a ta ɛ dɔɔhna. Ba soh n waa la kwara. Men Nemenɛ Korowiirii bola.

Ɛsekeɛl 22:13

Mɛɛ lɔ kpaŋa bandia nee dɛ kooɡa ta ba nɛ, ŋwɛɛ ne nɛŋkpoa la wa.

Ɛsekeɛl 33:26

Hé ɛ nɛŋkpoa nɛra, dɛɛ tomɛ voɡa maa kia, dɛɛ nyin dɔŋa haahna. A chɛ kɛ harɛ nɔ ɛ he kon aa?’

Ɛsekeɛl 45:9

Nemenɛ Korowii ŋɔ, “Israel koranar, he wechɔɡa la ɡwaalɔ to. Hé ɡel naɡrenyin, ne fiiɡa haa dɛ fiiɡi nɛra la, dɛɛ ɛ anɔ la aa wera dɛ toɡre. He bɛ n nɛra doŋi le ba harɛ ta dɛ́ kpɔ ɛ he kon. Men Korowiirii bola.

Ɛsekeɛl 46:18

Kooro la ta chɛ kɛ ó lɛ nɛra la kapɛrɛ kon bɛlbwa le ba be. A chɛ kɛ ó tɛ o bii la ba ɡe harɛ ó ɛ ba ɡe kapɛrɛ kon, ɡɛ aa ɛ ásɛ n nɛra nɔ bini bɛlbwa komɛlbwa bɛ o nɔn ta le.”

Ɛsekeɛl 8:17

Korowii berɔ ŋɔ n be ŋɔ, “Nɛwɛnyini bie, he na anɔ kenɛ? Juda tena dɛ ɛ waa maa kia la, a ɡbo ta ba ne maɡrɛ, ba berɔ kpɔ naɡrenyin we-ɛɛla perɛ bwɛɛre la bwa, dɛɛ muɡli n baah, dɛɛ chɛɡ mɛ kohona.

Emɔs 2:7

Ba tiɡri nyaara dɛɛ do harɛ kɛŋɔ teera ken, dɛ vɛh nɛra baa dɛ fiɡ ba waa bola dɛ tɛɛ ba aŋwɛnɛ ta. Mɛɛ ne o bie bwa pɛ hahbeŋkpoŋ, dɛ kpɔ doŋa kah men Korowii sɔn waa do ɡoroŋ la.

Emɔs 4:1

Hé no, haahna haa lɔ Samaria dɛ do bwara kɛ nae aa lɔ Basan harɛ ta, he dɛ fiiɡi nyaara ne nɛŋɡwɛɡra, dɛɛ ŋɔ he jaranar be ŋɔ, “Hé kpɔ sen baa tɛ yaa.”

Emɔs 8:4

Hé no, he nɛra haa dɛ fiiɡi nyaara dɛɛ chɔɡ nɛŋɡwɛɡra harɛ la ta,

Maeka 3:9

Hé no, Israel sitɔɔla, he hah waa aa toɡra, dɛɛ berɛ waa aa ɛ kasinteŋ sie.

Maeka 6:12

He nɛra haa dɔ suuɡa dɛɛ ɛɡre nyaara, nyosonteŋna ɡe ɡboo he bwa.

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Matiu 23:13

Hé bwɛɛlɛ, Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa!

1 Timoti 6:10

Suuɡa nyin kohona taa wechɔɡa bwa soo siwi ɛɛ le. Bane teŋɛ suuɡa nɛɛ kohona dɛ nyoɡre Korowii ŋwɛnɛ, dɛ ɡel suna dii berɛ ka ba name.