Maeka 1:9 - mzwDBL

⁹ Baa do Samaria tena bolaa baa wola won chah, Juda tena ɡe dɛ ba a dɔŋa nae. A tel bwɛjen Jerusalam doonyojen tenten bela n nɛra aa soɡa.”

Maeka 1:9 Iomraidhean Croise

Aesaya 3:26

Bwɛjen Saayɔn doonyoo ɛɛ chɔ pɛɛ, ásɛ bwɛjen la do kɛŋɔ haah tea bini aa chɔɡa, o so harɛ dɛɛ wi la.

Aesaya 36:1

Juda Kooro Hɛsɛkea aa di kora bene fi dɛ anaarɛ ta la, Asiiria koojen Senakerib baa yo Juda harɛ bwɛjena baa ma danjwɛkpeɡa bara, dɛ lɛa dɔɔh.

Aesaya 36:2

Asɛ Asiiria koojen tomɛ o laa nomoa ne laa tena baa wara, ba le Lakes dɛ ba Kooro Hɛsɛkea be Jerusalam. Laa nomoa la aa laŋa la, o kaa che bɔɔ baa kwiu feelɔɔ ken le nyundua tam la ta, nee palɛ dɛɛ kpɔ o bini la harɛbɔr. O lɔ ŋwɛnɛjen waa kaa bela baa dɛ ɛ yale toma.

Jeremia 15:18

Ɛrɛɛ n bonyɛɡa aa wola tonɛ, asɛ ba do mɛ bol kohona, maa wola chaah dɔ nɔɔ? He do kɛŋɔ nenabɔɔ kɛɛ bule hwel saŋ, nee aa wola toole a ta tɛ mɛ kɛɛ?”

Jeremia 46:11

Ijipt haa do kɛŋɔ bitolo waa wola baa jemɛ, he nɛra iro la Gelead harɛ ka nyin tɛɛɡa kwaraa naa, aa won chaah ba. Komɛlbwa aa won ɡel bá dɔ bokpeɡa.

Maeka 1:12

Marɔt tena, he lɔ bonyɛɡa ta, dɛɛ kpa kɛŋɔ he dɔ bosɔɔhna, dɛkalkɛŋɔ Korowii kpɔ chɔɡa ba ta he nɛ, hale a tel bwɛjen Jerusalam doonyojen tonɛ.

Maeka 6:13

Anomanta, n pa mun dɛ́ chɔɡ heya, he wechɔɡa haa ɛa la wa.

Neehum 3:19

Komɛlbwa aa won ɡel he ŋwɛra tonɛ, bola baa do heyaa la ɛɛ kpoo heyaa. Nomɛlbwa waa no he waa sie ɛɛ lɛo dɛ́ lɔ kpaŋa ta he nɛɛ a wa. Umee wola he nyubinikpeɡ haa ɛa aa wola nyoa dɔe la nyoŋwaara nae ba nɔ?