Maeka 1:7 - mzwDBL

⁷ Samaria tena voɡa bwa ɛɛ paɡroo burbur ken, ásɛ nii fuh saraha kwaa bwa aa lɔ bela. Mɛɛ chɔɡ ba voɡa bwaa. Baa lɛ kwaa haahna aa bɔ jwamane dɛ dɔ, dɛ boa a nyoa nomanta, ba dɔma ɛɛ paa ka tɛ jwamane tena bane ɡe bobɛl.”

Maeka 1:7 Iomraidhean Croise

2 Webena 31:1

Baa di tɔpejen la tonɛ la, Israel tena baa lɔ bela la jo Juda harɛ bwɛɛre ta, dɛ paɡre bwea baa paaɡa dɛɛ duura, dɛ teŋni voɡ Asera dajaŋa ta. Ba chɔɡ bɔra baa dɛ tomɛ voɡare deŋɡarere ta, ne kwaa baa dɛ ɛ sarahare a ta, Juda harɛ ne Bɛnjamen ne Efrem, dɛ Manasɛ harɛre deene ta bwa. Baa chɔɡ a bwa tonɛ la, asɛ ba bwa berɛ kaa ba bwɛɛre.

Aesaya 2:18

ásɛ voɡa ɡe bwa nyoɡre kwaraa.

Aesaya 23:17

Bene fifraanuanɛ habɔɔ la, Korowii ɛɛ ɡeloo Taaya tena berɛ kpɔ ba toma ja. Gɛ hanjwamane yon dɛɛ nyin suuɡa baala be la, ɡɛɛ baa ba harɛ nɔ ta harɛre ta laŋa ka di bona.

Aesaya 27:9

Dɛ Korowii ɛɛ kpɔ Israel tena wechɔɡaa kɛ ba aa, atane baa kuuɡi kwaa baa kpoo kwaa a ta ɛ saraha dɛɛ tɛ ba voɡare la buruburu kɛŋɔ fula ken, dɛ́ teŋni ba voɡhaah Asera dajaŋa, ne bwea baa paaɡa dɛ fuh daawiile dɛɛ tɛo a ta la bwa ta.

Ɛsekeɛl 6:6

Israel tena bwɛjena ne bela baa soɡa bwa dɛ́ ba chɔɡa. Kwaa baa dɛ ɛ saraha a ta, ne ba voɡare bwa ɛɛ paɡro burbur ken ja bɔra baa dɛ fuh daawiile ta, ásɛ kwaa baa ɛa bwa aa lee do kpa.

Hosia 2:12

Mɛɛ chɔɡ o ɡrepo ne fiɡ daa waa ŋɔa o sɛnanar la kpɔɔ bɔɔ kem la. Mɛɛ ɡeloo o daa kooni baah moɡɛ kohona, ásɛ kpɔɡ bini ola ba di a nɔna.

Hosia 2:14

Anomanta, mɛɛ lawɔɔ, dɛ́ kpɔɔ kaa pua hɛŋle ɡbo harɛ ta, dɛ́ ka kpɔ sɛmwobol ɡbɛɡbɛo.

Hosia 2:5

Ba nya le n habɔɔ, dɛ ka di sɛm lolɛ sihihbii. O ŋɔ, ‘Mɛɛ teŋɛ banfala nɛɛ dɛ́ kpɔ n te tɛɛ ba, ásɛ ba tɛ mɛ kondikwaa ne ne, ne pee pona yale ne yapondɛɛɡa, ne ɔleve noo dɛ sen.’

Hosia 8:5

Suuɡaswɛm Samaria tena aa kpɔa ɛ nabale la ɡelɔ n baah di ba nɛ, bá kpɔ viɡri. Saŋ besoo baa ba voɡa toma ɡela ɔ?

Hosia 8:6

Israel harɛ taa voɡ la le, Israel tee loɡɔ, men Korowii laa. Samaria nabale la, baa kuuɡu buruburu ken.

Joel 3:3

Ba ta bie n nɛra nɛ, dɛ́ jemɛ nɛra baa dɔ bá ɛ ba yoma, ba yoɡ ba bibaala ne bihaahna, dɛ kpɔ ba suuɡa bɔ hanjwamanere ne sen kem.

Lewi Dea Tena 26:30

Mɛɛ chɔɡ bela haa dɛ tomɛ voɡa a do deŋɡarere dor laanee, ne he daawiile a sɔɔh aa soma fuih bɔra, ásɛ dɛ boa he lala nyoa dawɛ he voɡa aa wola mkpa bɛlbwa dɔe la ta, dɛ́ berɛ habɔɔ kpo heya.

Mmarare 23:18

Bɛ jwamansuuɡa ne Korowii Dea ba dɛ́ ba bɔ nyobaɡa bɛlbwa. Dɛkalkɛŋɔ Korowii haa dɛ tomɔ nɔ kii.

Mmarare 9:21

Asɛ dɛ kpɔ nabale haa ɛo o ɛ wechɔɡa tɛ heyaa la do nii ta, asɛ dɛ paɡro dɛ namɔ o ɛ mohooh ken, dɛ pa ta nee bɛl waa pala le bwejen la ta.

Wepila 18:3

dɛkalkɛŋɔ o ɡelɔ harɛ ta nɛra bwa wedoŋa ne ba pɛlchɔɡa dɛɛ ba kɛŋɔ sen, asɛ ba waa fuh Korowii baah. Harɛ nɔ ta koranar ne o bɔ jwamane. O kondɔɔh kwaa nyina kohona nomanta, harɛ nɔ ta bonadiire cheɡɛ o nɛɛ dɛ dɛɡ.”

Wepila 18:9

Harɛ nɔ ta koranar ba ne waa dɛ bɔ jwamane dɛɛ di ba bwara la, baa ba na o chuu kɛ o dɛ fuh la, baa wiu dɛ́ɛ dooɡe lɔŋɔre.

1 Samoɛl 5:4

Tɔ aa pera ja la, ba iro dɛ na kɛŋɔ voɡ la berɔ chole o sie pi harɛ Korowii Ne Nɛwɛnyina Fɔo Daka la sie, asɛ o nyu ne nɔɔra kuuɡi o chɔ doonyoa, a ka o kpul chɔ.