Maeka 1:13 - mzwDBL

¹³ Lakes tena ɡe, hé vɔrɔwe kwaa aa do kɛŋɔ torɔɡore pɛl jaɡre. He chaa Israel tena wechɔɡa baa ɛa, a che a ta Jerusalam tena ɡe ɛ wechɔɡa.

Maeka 1:13 Iomraidhean Croise

Mumpar 19:17

Belaa Korowii toroma la bini bɛl ŋɔ ba be ŋɔ, “He chwa dɛ́ lɛ he nyu. Bɛlbwa bɛ ke nyiŋi. He bɛ deŋɡarere doa harɛ waa chɔa kaa la ta che, he chwa kaa deŋɡarere dor, dɛ́ dɔ he nyu.”

1 Koranar 14:16

Kooro Jɛroboam wechɔɡa waa ɛa dɛ ɡel Israel tena ɡe ɛa nomanta, Korowii ɛɛ vɛɛh baa.”

1 Koranar 16:31

O ta ɡelɛ a jaɡɛ bela dɛ ɡe ɛ Nɛbat bibaa Kooro Jɛroboam wechɔɡa la dɔŋa. O berɔ mo Sidon Kooro Etbaal bihaah Jɛsɛbɛl dɛ pa mun dɛɛ tomɛ voɡ Baal.

1 Koranar 4:28

Bɛlbwa kpɔ jaaɡe ne kpɔɡa baa tɛ jaɡre baa kpɔ torɔɡore vɔwa ne mea aa kaa la bwa.

2 Koranar 14:19

Dɛ ba dɛ vɔrɔwe Kooro Amasea kpoe vɔrɔwa Jerusalam, anomanta, o chwao kaa bwɛjen Lakes ta, asɛ ba tomɛ nɛra ba teŋɛ dɛ ka kpoo bela.

2 Koranar 18:17

Asiiria koojen tomɛ o nomonjena batoro, laa sitɔɔla nomoa ne o ɡbaɡba nachiɡe ne o laa nomoa ŋɔ, bá le Lakes, dɛ́ kpɔ laa tena baa wara ja, dɛ́ la Kooro Hɛsɛkea be Jerusalam. Baa laŋa la, ba kaa che ŋwɛnɛ waa bɛne bobɛl nee aa pala dɛɛ kpɔ, dɛ le nyundua tam bɛl ta dɛɛ jo bwɛjen la ta, bela nɛra bane baa dɛ ɛ yale aa lole.

2 Koranar 8:18

O teŋɛ waa Israel koranar aa ɛa la ta. Dɛ o mo Kooro Ahab bihaah, anomanta, o ɛ wechɔɡa Kooro Ahab ne o dem tena aa ɛa la dɔŋa, dɛ jo Korowii nɛ.

2 Webena 11:9

ne Adoraim ne Lakes dɛ Aseka

2 Webena 32:9

A habɔɔ la, Asiiria koojen Senakerib ne o laa tena baa chɔ bar bwɛjen Lakes, anomanta, o tomɛ o nomonome Jerusalam ba kpɔ kala ka tɛ Juda Kooro Hɛsɛkea ne o nɛra baa lɔ bela ŋɔ,

Job Tɔn 39:10

Hɛɛ won lawɛ o par ŋwɛn kpoŋe ó ɛ toma aa? Wɛɛ won parɛ he harɛ tɛɛ naa?

Kaala 32:21

O bɔɔ Arɔn ŋɔ, “Ɛrɛɛ nɛra nɔ ɛɛ asɛ he ɡel ba ɛ a ɡɛ wechɔɡ damanta nɔɔ?”

Aesaya 10:31

Madmena tena dɛ chwaaɡe, ásɛ Gebim tena ɡee ir ba buɡ ta dɛ́ kaa nyin ba nyu.

Aesaya 36:2

Asɛ Asiiria koojen tomɛ o laa nomoa ne laa tena baa wara, ba le Lakes dɛ ba Kooro Hɛsɛkea be Jerusalam. Laa nomoa la aa laŋa la, o kaa che bɔɔ baa kwiu feelɔɔ ken le nyundua tam la ta, nee palɛ dɛɛ kpɔ o bini la harɛbɔr. O lɔ ŋwɛnɛjen waa kaa bela baa dɛ ɛ yale toma.

Aesaya 37:8

Asiiria laa nomoa la noɔ kɛŋɔ, Asiiria koojen ne o laa tena le Lakes, dɛ kaa yo bwɛjen Lebna tena baa bɛn ba, asɛ o ir la koojen la be bela.

Jeremia 3:8

Israel jwamane la nomanta, n vɛoh dɛ tao ŋwɛnɛ o kaa. Kɛ Juda ta ɔmɛ, dɛ ɡe kaa bɔ jwamane.

Jeremia 34:7

ɡɛ saŋ Babelɔn kooro laa tena aa dɛ yo bwɛjen Jerusalam la. Dɛ laa tena la dɛ yo bwɛjena Lakes ne Aseka ɡe, dɛ a ɡboo ka bwɛjena baa ma danjwɛkpeɡa bara Juda harɛ ta.

Jeremia 4:29

Nɛra baa soɡe jaɡre ta, ne banɔ la baa kpoŋe tori ɡbɔɡa ɡelɔ nɛra bwa chwa kaa. Bane chwao ka sɔh kɔne bini, bane chwa ka teeh bwea. Bwɛɛre la bwa chɔ pɛɛ, nɛra toole a bini.

Ɛsekeɛl 23:11

O nime Oholiba na ɡɛ waa nɔ bwa, kɛ dɛ ɡarɛ bɔ jwamane ɡwaa o nahaah la kwara.

Maeka 1:5

Israel tena baa ɛ Jekɔb naanar wechɔɡa baa ɛ Korowii waa a bwa ba ɡɛ. Bamewaa ɡela Israel tena ɛ deŋnekpeɡ ɔ? Samaria koobwɛɛ nɛra laa aa? Bamewaa dɛ́ di bolchɔɡe voɡa baa dɛ tomɛ Juda harɛ ta waɔ? Jerusalam tenaa.

Josua 10:3

Ate, Kooro Adoni Sɛdɛk kpɔ kala tɛ Hɛbrɔn Kooro Hoham ne Jaamut Kooro Piram, ne Lakes Kooro Jafia dɛ Ɛɡlɔn Kooro Debir ŋɔ,

Josua 15:39

ne Lakes ne Boskat dɛ Ɛɡlɔn,

Wepila 2:14

Kɛ n dɔ he waane tama. Bane lɔ he bini dɛɛ teŋɛ Balam webaɡla ta. Onee fa ɡela Balak neɡre Israel tena ba ɛ wechɔɡa, dɛ di ola baa kpoa tɛ voɡa, dɛ kaa bɔ jwamane la.

Wepila 2:20

Kɛ n dɔ he waane dɛ́ bol. Hanchɔɡe Jɛsɛbɛl la waa dɛ yerɛ o te Korowii keame la, he ɡelɔ o do he be dɛɛ baɡle heya, dɛɛ neɡre n bonɔɔna ne n toli baa bɔ jwamane, dɛɛ di ola baa kpoora dɛɛ tɛ voɡa.