Maeka 1:1 - mzwDBL

¹ Baa bɛl sɔne Maeka dɛ le Mɔresɛt. Korowii pili waane aa dɛ ba bwɛjena Samaria ne Jerusalam chiɡa baɡlo. Dɛ ɡɛ saŋee Juda koranar bane baa dɛ yer ba Jotam ne Ahas dɛ Hɛsɛkea di kora teŋɛ dɔŋa nɛɛ Juda harɛ ta.

Maeka 1:1 Iomraidhean Croise

2 Koranar 15:32

Remalia bibaa Kooro Pɛka aa di kora Israel harɛ ta la, bennɛɛte taa Kooro Ussia bibaa Jotam di kora Juda harɛ ta.

2 Koranar 15:5

Korowii kpɔ wee ta Kooro Ussia nɛɛ ka tel kɛŋɔ waa baa sewɛ. O ta koodem soɡee kpa, asɛ o bibaa Jotam so koodem bela, dɛ nyiŋi Juda harɛ la ta.

2 Koranar 16:1

Remalia bibaa Kooro Pɛka aa di kora Israel harɛ ta bene fi dɛ anuanɛ la, a taa Juda Kooro Jotam bibaa Kooro Ahas di kora Juda harɛ ta.

2 Koranar 18:1

Ɛla bibaa Kooro Hosia aa di kora Israel harɛ bene atoro la, a taa Kooro Ahas bibaa Hɛsɛkea di kora Juda harɛ ta,

2 Webena 28:1

Kooro Ahas di bene fifraanɛ mɔɔ dɛ di kora. O soɡe Jerusalam dɛ di kora bene fi dɛ anumɛl. Dɛ o ta doe kɛŋɔ o nabaa Kooro Devid, o ta waa aa too Korowii tea ɛɛ.

2 Webena 29:1

Kooro Hɛsɛkea aa di kora dɛ o dɔ bene fifraanɛ dɛ anue. O soɡe Jerusalam di kora bene fifraanɛ dɛ anuanaarɛ. O nya sɔne Abija, Sekaria bihaahnee.

Aesaya 1:1

Baa bɛlee fa lole baa yerɔ Emɔɔs, o bibaa sɔne Aesaya. Korowii pili waane bini kɛŋɔ deera ken baɡle Aesaya, aa ba Juda harɛ ta ne Jerusalam chiɡa. O naa ɡɛ saŋ koranar bane aa di kora teŋɛ dɔŋa nɛɛ Juda harɛ ta, banee Ussia ne Jotam ne Ahas, dɛ Hɛsɛkea.

Aesaya 1:2

Aesaya ŋɔ, Nɛra haa lɔ nyundua ne harɛ, hɛ́ɛ no waa Korowii aa bola! “N dɛɛ n bii dɛ nyiŋ ba ba kpeɡ, kɛ ba kpaŋe n nɛ.

Aesaya 7:1

A ɡɛ saŋ, laa chole Juda Kooro Ahas ne koranar banɛ bane baah ta. Koranar la bɛlee Siiria Kooro Resin, bɛl ɡee Israel Kooro Pɛka, o mɛɛ sɔne Remalia. Kooro Ahas ɡe mɛɛ sɔne Jotam, o nabaa ɡee Ussia. Kooro Resin ne Pɛka kpɔ ba laa tena ba Jerusalam dɛ ba yoo ba, kɛ ba ta wone pɔ ba nɛ.

Aesaya 7:9

Israel harɛ ta bwɛjen laa Samaria aa? Kooro Pɛka ɡee bwɛɛ la nyu te. Onee umeo? Dɛ he ta yarada dɔe dɛ che kiŋkiŋ naa, haa won che kɛrɛdɛ kpa.”

Jeremia 26:18

“Gɛ saŋ Juda Kooro Hɛsɛkea aa di kora la, Korowii keame Maeka waa le Mɔresɛt bol Koranar Bwa Kooro waa baɡle Juda tena bwa ŋɔ, ‘Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.’

Hosia 1:1

Korowii pili o waa bini baɡle Beeri bibaa Hosia. A ɡɛ saŋee koranar bane kɛŋɔ Ussia, ne Jotam, ne Ahas dɛ Hɛsɛkea di kora Juda harɛ ta teŋɛ dɔŋa nɛ. Dɛ Jehoas bibaa Kooro Jɛroboam di kora Israel harɛ ta.

Hosia 4:15

A lole kɛŋɔ he Israel tena le n habɔɔ, he bɛ ɡel Juda tena ɛ ɡɛ dɛ́ di a bolchɔɡe. He bɛ Gelɡal la, he bɛ Bɛt Avɛn ɡe la. He bɛ men dɛɛ ŋwɛɛ ŋɔ men Korowii ta aa lole!

Hosia 8:14

Israel tena ma kooderemi, dɛ soh men Korowii maa ta ba wa. Juda tena ma dekpeɡa bwɛjena ta taeh. Kɛ mɛɛ kpɔ niinii ba ta ba bwɛjena ta, ásɛ a fuh ba dekpeɡa bwa.”

Emɔs 1:1

Baa bɛl sɔne Emɔs, dɛ o ɛ peteɡre dɛ so Tekoa. Korowii pili waane aa dɛ ba Israel harɛ ta bala baɡlo chaahna ta, bene anɛ mɔɔ harɛ jiɡra bɛl chiɡ Israel harɛ ta. Gɛ saŋ dɛ Kooro Ussia di kora Juda harɛ ta, asɛ Jehoas bibaa Kooro Jɛroboam ɡe di kora Israel harɛ ta.

Emɔs 6:1

Saayɔn tena haa dɛ lii kɛŋɔ wobɛlbwa aa heyaa ha, ne Samaria Bwejen dor tena haa dɛ lii kɛ he soɡe deŋnesɔɔhna ta la, hé bwɛɛlɛ! Nomonjena haa dɛ tɔ Israel harɛ waa sie, Israel tena ɛɛ ba he be hɛɛ cha ba la bwa, hé bwɛɛlɛ!

Maeka 1:5

Israel tena baa ɛ Jekɔb naanar wechɔɡa baa ɛ Korowii waa a bwa ba ɡɛ. Bamewaa ɡela Israel tena ɛ deŋnekpeɡ ɔ? Samaria koobwɛɛ nɛra laa aa? Bamewaa dɛ́ di bolchɔɡe voɡa baa dɛ tomɛ Juda harɛ ta waɔ? Jerusalam tenaa.

Maeka 3:9

Hé no, Israel sitɔɔla, he hah waa aa toɡra, dɛɛ berɛ waa aa ɛ kasinteŋ sie.

Habakuk 1:1

Waa Korowii aa pila baɡle o keame Habakuk chaahna ta laanee nɔ.

2 Pita 1:21

Akai! Baa chwera la, ba ɡbaɡba liire ne laa ba chwera. Korowii Domadɛɛɡee ir Korowii nɛra nɛ, asɛ baa bol waa aa dɛ ba bala kerekere Korowii aa kpɔa do ba nyoa.