Amanesoma Luk Aa Chwera Tɔn 9:5 - mzwDBL

⁵ Dɛ bwɛɛ la tena ta heyaa lɛɛ silɛɛ ne naa, hé pee he napaala teera ta bela dɛ́ le bela, ásɛ a baɡle kɛŋɔ he kpɔ Korowii Waa ba ba be ba vɛah.”

Amanesoma Luk Aa Chwera Tɔn 9:5 Iomraidhean Croise

Nehemia 5:13

N ɡe laa yal waa vɔwɛ n chara la kpɔ dɛ jwiiru, dɛ ŋɔ, “Kenii Korowii ɛɛ ba nomɛlbwa waa wola o nyobaɡa ta teŋɛ jwiira ta le o dem, ne komɛlbwa waa dɔa ta, ásɛ o nya so.” Asɛ nomɛlbwa waa lɔ bela ŋɔ, “Aamen!” dɛ kpɛɛ Korowii. Asɛ nomonome la ɛ ɡɛ baa baɡɛ nyoa la.

Matiu 10:18

Baa koh n waa yerɛ heyaa cheme Abane nomonome ne koranar siee, dɛ́ ŋɔ hé ba bol Amanesoma la baɡle ba ne nɛra baa wola Juu tena ɛɛ la.

Amanesoma Mak Aa Chwera Tɔn 6:11

Dɛ ba ta heyaa lɛɛ silɛɛ ne bwɛɛ la ta naa, hé pee he napaala teera ta bela, ásɛ a baɡle kɛŋɔ he kpɔ Korowii Waa ba ba be ba vɛah.”

Amanesoma Mak Aa Chwera Tɔn 9:37

“Nomɛlbwa waa koh n waa dɛ nyiŋi bie nɔ dɔŋ nɛɛ la, dɛ menee o nyiŋi la. Nomɛlbwa ɡe waa nyiŋi n nɛɛ la, dɛ n ɡbo laa o nyiŋi. Dɛ naate waa tom mɛ la nɛɛ o nyiŋi la.”

Amanesoma Luk Aa Chwera Tɔn 10:16

Yeesu ŋɔ ba be ŋɔ, “Nomɛlbwa waa ka no he be la, n bee o no, asɛ nomɛlbwa waa ka vɛh he waa la, n waa o vɛh. Nomɛlbwa waa vɛh n waa la, naate waa tom mɛ la waa o vɛh.”

Amanesoma Luk Aa Chwera Tɔn 5:14

Asɛ Yeesu kaoh ŋɔ, “Bɛ nomɛlbwa be ŋɔ, kɛ la Sɔfo be ó ka pɛne, ásɛ he kpɔ kwaa ka tɛo ó kpo, ɡɛ Mosis aa baɡla la, ásɛ nɛra bwa na dɛ́ jemɛ kɛ he weela la toole he nɛɛ kpa.”

Amanesoma Luk Aa Chwera Tɔn 9:4

Bwɛɛ bɛlbwa haa la o ta la, dem haa ka jo o ta la, hé so bela ka tel kɛŋɔ haa le bwɛɛ la ta.

Amanesoma Luk Aa Chwera Tɔn 9:48

dɛ ŋɔ ba be ŋɔ, “Nomɛlbwa waa koh n waa dɛ nyiŋi bie nɔ nɛɛ la, dɛ menee o nyiŋi la. Nomɛlbwa ɡe waa nyiŋi n nɛɛ la, dɛ naate waa tom mɛ laanee o nyiŋi la. Naate waa ɛ o te bechala he bini la, onee nomoa.”

We-ɛɛla 13:51

Pɔɔl ne Banabas pee ba napaala teera ta bela, dɛ baɡle kɛŋɔ ba kpɔ Korowii Waa ba ba be, asɛ ba vɛah, dɛ kaa Ikooniam.

We-ɛɛla 18:6

Dɛ nɛra la dɛ nyin Pɔɔl toma chɔɡa, dɛɛ ɛo nɛnhɛla. Anomanta, o jwii o laala doŋa ta dɛ baɡle kɛ o baɡ ba Korowii waa asɛ ba vɛah, dɛ ŋɔ ba be ŋɔ, “Dɛ he nyoɡraa, nɛn laa ɛ heya, he ɡbaɡbaa ɛ he nyu. Le fini dɛɛ kaa, nɛra baa wola Juu tena ɛɛ mɛɛ ba Korowii waa baɡla. Maa he bee ba kpa.”