Amanesoma Luk Aa Chwera Tɔn 9:3 - mzwDBL

³ Waa dɛ tom ba la, o ŋɔ ba be ŋɔ, “He bɛ komɛlbwa kpɔ kpoŋe he ŋwɛnɛ nɔ kaala ta. He bɛ daŋɡbale kpɔ, he bɛ pure kpɔ, he bɛ kondikwaa kpɔ, dɛ bɛ suuɡa kɛɛ batakaare bele anɛnɛ kpɔ.

Amanesoma Luk Aa Chwera Tɔn 9:3 Iomraidhean Croise

Yela 37:3

Hé kpɔ he te dawɛ Korowii nɛ, dɛɛ ɛ wedɛɛɡa, ásɛ dɛ so harɛ la ta deŋnesɔɔhna ne.

Amanesoma Mak Aa Chwera Tɔn 6:7

Yeesu yerɛ o habɔteŋra fi dɛ banɛ la ba cheme o sie, dɛ pɛ ba banɛnɛ dɛ tɛɛ ba kpeɡri kwaa aa dɛ ir nɛra nɛɛ la nɛ, dɛ tom ba ŋɔ bá ka ɛ o toma.

Amanesoma Luk Aa Chwera Tɔn 12:22

Yeesu ŋɔ o habɔteŋra la be ŋɔ, “Anomanta, n dɛ ŋɔ he be ŋɔ, he bɛ ɡel he sie beɡre he soɡa bini kwaa haa di ne yale haa tɔ wa.

Amanesoma Luk Aa Chwera Tɔn 12:28

Kpɔɡa haa naa a do wer fini, ásɛ kere ɡbo dɛ a serewɔ ba fuah nɔ, dɛ Korowii ɡelɔ a do wer ken naa, ɛrɛɛ waa wola won tɔ heyaa yal ɡwaala ɔ? He yarada aa kanɛ kwara!

Amanesoma Luk Aa Chwera Tɔn 22:35

Asɛ Yeesu bɔɔ o habɔteŋra la ŋɔ, “N fa aa tomɛ heyaa ŋɔ hé ka bol Amanesoma la, dɛ ŋɔ he bɛ suuɡa kpɔ, he bɛ pure ne naŋɡawa kpɔ la, komɛl nya heya aa?” Asɛ ba ŋɔ, “Komɛlbwa sese ta yaa nyae.”

Amanesoma Luk Aa Chwera Tɔn 3:11

Asɛ o chaŋ ba ŋɔ, “Nomɛlbwa waa dɔ batakaani bele anɛ la, ó kpɔ bɛl tɛ nɛn waa wola bɛl dɔe kwaraa, ásɛ nomɛlbwa o ɡe aa dɔ kondikwaa dɛ́ di la ɡe ɛ ɡɛ tenten.”

Amanesoma Luk Aa Chwera Tɔn 5:29

Lewi ɡelɔ ba ɛ kondikonjena o dem dɛ hɔɔh Yeesu, asɛ o ne Yeesu ne toɔ lɛɛra pirim ne nɛra bane ka so dɛɛ di kwaa la.

Amanesoma Luk Aa Chwera Tɔn 9:4

Bwɛɛ bɛlbwa haa la o ta la, dem haa ka jo o ta la, hé so bela ka tel kɛŋɔ haa le bwɛɛ la ta.

2 Timoti 2:4

Sooja bɛlbwa dɛ nyin kɛ o toma su o nomoa siwi. Anomanta, waa o te kpɔe dɛɛ koo nɛmpɛɛne waa ta.