Amanesoma Luk Aa Chwera Tɔn 9:1 - mzwDBL

¹ Yeesu yerɛ o habɔteŋra fi dɛ banɛ la ba cheme o sie, dɛ tɛɛ ba kpeɡri ne ŋwɛnɛ ŋɔ bá doŋi kwaa nɛra nɛ, dɛ́ chah weela ɡe,

Amanesoma Luk Aa Chwera Tɔn 9:1 Iomraidhean Croise

Matiu 16:19

Mɛɛ kpɔ Korowii Kora la safoonee do he nɔn ta, ásɛ waa haa wola sɛɛh harɛ nɔ ta la, nyundua ɡe Korowii aa sɛh, kɛ anɔ haa sɛah harɛ nɔ ta la, nyundua ɡe Korowii ɛɛ sɛah.”

Matiu 4:24

O waa perɛ Siiria harɛ bobɛlbwa, anomanta, bela tena kpɔ ba weela tena baa dɛ we weela bwa soo siwi dɛ ba o be. Banɔ la kwaa aa dɛ ir ba nɛ, ne banɔ la baa dɛ we ɡbuŋɡbuŋri, ne banɔ la ba nɔɔra ne ba nakpale aa serewa bwaa ba kpɔ ba Yeesu be o chaah ba.

Matiu 8:9

dɛkalkɛ he dɔ wobɛlbwa kpeɡri. N ɛ nɛn maa lɔ nomonome bane lɔɡa, dɛ dɔ soojare do n ɡe lɔɡa. Mɛɛ wonoo ŋɔ bɛl be ŋɔ, ‘Kaa,’ ó kaa, dɛ́ berɛ ŋɔ onfale be ŋɔ, ‘Ba,’ ó ɡe ba. Mɛɛ wonoo ŋɔ n bonɔɔ be ŋɔ, ‘Ɛ ken tɛ mɛ,’ ásɛ o ɛ.”

Amanesoma Luk Aa Chwera Tɔn 10:1

Anɔ habɔɔ la Yeesu yerɛ o habɔteŋra fifraanuanɛ dɛ banɛ bane, dɛ pɛ ba banɛnɛ, dɛ tom ba ŋɔ bá tɔ sie bwɛɛre ne bela waa dɛ ba a ta laŋa la ta.

Amanesoma Luk Aa Chwera Tɔn 10:19

Hɛ́ɛ no! N tɛ heyaa kpeɡri kɛŋɔ hé tiɡri harɛkwaare ne nɔrɔme nɛ, dɛ́ pɔ ya dɔm Bɔnsam ne o toroma bwa nɛ, wobɛlbwa aa wola won ɛ heya.

Amanesoma Jɔn Aa Chwera Tɔn 14:12

Kasinteŋ, n dɛ ŋɔ he be ŋɔ, nomɛlbwa waa yarada mɛ la, wɛɛ ɛ n we-ɛɛla dɔŋa bwa soo siwii. Wɛɛ won dɛɛ ɛ anɔ la aa ɡwaa n kwaa nɔ kwaraa, dɛkalkɛ mɛɛ berɔɔ kaa n Mɛɛ be.

We-ɛɛla 1:8

Kɛ dɛ Korowii Domadɛɛɡe la baa so he nɛ aa, wɛɛ tɛ heyaa kpeɡrii ásɛ he di danseɛ tɛ mɛ Jerusalam fɔɡbaah, ne Juda harɛ kabora bwa ta, ne Samaria harɛ ta, ne harɛ jaɡa bwa.”

We-ɛɛla 3:16

O sɔnee ya yerɛ asɛ baa nɔ ɡbaŋre la. Yarada yaa dɛ yarada Yeesu la, a taa a che waa nɔ haa naa nɔ won ɛ la. O waa la yaa dɛ yarada la, a ɡbosoroo chah baa nɔ he bwa aa jemɔ nɔ la. He bwa ɡee naa kɛŋɔ o ɡbaŋrɔ.

We-ɛɛla 4:30

Tɛɛ ba kpeɡri bá won dɛɛ chah weela, dɛ́ ɡel ba che he ɡbaɡba bonɔndɛɛɡe Yeesu nɛɛ dɛ́ ɛ wekpeɡa ne nyokpowa.”

We-ɛɛla 9:34

Pita ŋɔ o be ŋɔ, “Aeneas, Yeesu Kristo chaeh. Ir che dɛ́ ɡuɡri he kalaŋ buɡ nɔ ta.” Buɡ la ta, dɛ Aeneas iro che.