Amanesoma Luk Aa Chwera Tɔn 8:8 - mzwDBL

⁸ Ane ɡe lee harɛdɛɛɡe ta dɛ le, dɛ do wer kɛrɛdɛ, asɛ mendaa bɛlbwa ɛ bie lafa.” Yeesu aa bol waa nɔ tonɛ la, o kpɔ takpeɡ ŋɔ, “Nomɛlbwa waa dɛ nyin dɛ́ no la, ó no!”

Amanesoma Luk Aa Chwera Tɔn 8:8 Iomraidhean Croise

Mumpar 26:12

A bena la, Aesek parɔ dɛ dɔ kondikwaa kohona. Kwaa waa para la bele lafaa o dɔ dɛkalkɛ Korowii tɛo hɛɛra.

Sɛɡla 20:12

Deŋna nɛn aa kpɔa dɛɛ no waa nɔ, ne sibie waa dɛ na a ne nɔ, Korowiirii ta a bwa.

Sɛɡla 8:1

Hɛɛ no, wejema do kɛŋɔ haah dɛɛ yerɛ, o do kɛŋɔ nɛn waa dɔ liire, dɛɛ no waa mun, o taa che chiŋ.

Jeremia 13:15

Israel tena, Korowiirii bol waa la. Hé cheɡ deŋne dɛɛ no o be, he bɛ deŋnekpeɡ ɛ.

Jeremia 25:4

Keraŋwɛnɛ bwaa Korowii tomɛ o bonɔɔna baa ɛ o keamere he Juda ne Jerusalam tena be, kɛ he ta deŋne cheɡɛ, a ba ɛ kɛŋɔ hɛɛ noo.

Matiu 11:15

Nomɛlbwa waa no la, ó no.

Matiu 13:23

Asɛ mea la aa lee harɛdɛɛɡe ta la ɡe cheɡɔ tɛ nɛra baa no Korowii Waa la dɛ lawɛ a bini, a dɔ tɔnɔ tɛɛ ba kɛŋɔ mea la aa ɛa kɛrɛdɛ, ane ma lafare, ane ma fifraanunumɛla, ane ma fifraatotoro la.”

Amanesoma Mak Aa Chwera Tɔn 4:20

Nɛra baa dɛ no Korowii Waa la bane ɡe do kɛ mea la aa lee harɛdɛɛɡe ta dɛ le, asɛ dɛ ma fifraatotoro ne fifraanunumɛla ne lafare la, dɛkalkɛ ba no Korowii Waa la aa, ba dɛ kpoŋe a bini, dɛ́ ɡel a dɔ tɔnɔ.”

Amanesoma Mak Aa Chwera Tɔn 4:23

Anomanta, nomɛlbwa waa dɛ nyin dɛ́ no la, ó no.”

Amanesoma Mak Aa Chwera Tɔn 4:8

Asɛ anɔ la aa lee harɛdɛɛɡe ta la le, dɛ do wer dɛ ɛ. Ane ma fifraatotoro, ane ma fifraanunumɛla, asɛ ane ɡe ma lafare.”

Amanesoma Mak Aa Chwera Tɔn 7:16

Nomɛlbwa waa dɔ deŋna dɛ no la, ó no.”

Amanesoma Luk Aa Chwera Tɔn 14:35

A ta wejema dɔe bá ɛ kpa. Aa harɛ ɡba kwaa. Fuɡaa a den chɛ kɛŋɔ bá fuɡa ta. He naate haa no la, no.”

Amanesoma Luk Aa Chwera Tɔn 8:15

Anɔ la ɡe aa lee harɛdɛɛɡe ta dɛ le dɛ do wer dɛ ma kohona la ɡee nɛra baa no Korowii Waa la dɛ kpoŋe a bini kɛrɛdɛ, dɛ dɔ bambile dɛ teŋɛ a ta, dɛ́ ɡel a dɔ tɔnɔ la.”

Amanesoma Luk Aa Chwera Tɔn 8:7

Mea la ane lee sɔɔhne baah dɛ le, sɔɔhne la kpeɡ dɛ lawa a serewe.

Ɛfesos 2:10

Korowiirii ta ya bwa. Waa ta yaa la, wedɛɛɡa ɛɛ waa o ta yaa ásɛ ya che Yeesu Kristo kpeɡri ta dɛɛ ɛa. O tɔ sie cheɡ yaa kɛ ya baa ɛ wedɛɛɡa.

Kolosi 1:10

dɛ́ won do ɡɛ aa chɛ kɛ ya Dɔɔ torome do, he wobɛlbwa won su o siwi, he won dɛ́ɛ ɛ wedɛɛɡa bwa soo siwi, dɛ́ won jemɛ Korowii kohona,

Wepila 13:9

Nomɛlbwa waa dɔ deŋna la, ó no.

Wepila 2:11

Nomɛlbwa waa dɔ deŋna la, ó no waa Korowii Domadɛɛɡe la aa dɛ bol asɔre tena be la. Naate waa won yo le la, seo nɛɛte la aa won ɛo wobɛlbwa.”

Wepila 2:7

Nomɛlbwa waa dɔ deŋna la, ó no waa Korowii Domadɛɛɡe la aa dɛ bol asɔre tena be la. Naate waa won yo le la, mɛɛ ɡeloo ó di mkpa daa la waa lɔ Korowii Eden bodɛɛɡe la ta nɔna.”

Wepila 3:13

Nomɛlbwa waa dɔ deŋna la, ó no waa Korowii Domadɛɛɡe la aa dɛ bol asɔre tena be la.”

Wepila 3:6

Nomɛlbwa waa dɔ deŋna la, ó no waa Korowii Domadɛɛɡe la aa dɛ bol asɔre tena be la.”