Amanesoma Luk Aa Chwera Tɔn 8:6 - mzwDBL

⁶ Mea la ane ɡe lee bwetala ta. Aa lea la, a jwalɔ dɛ serewe, dɛkalkɛŋɔ sɔn toole bela.

Amanesoma Luk Aa Chwera Tɔn 8:6 Iomraidhean Croise

Jeremia 5:3

Belaa n lii ŋɔ, “N Naa Korowii, kasinteŋ ɡbo laa hɛɛ nyin aa? He tɛr ba deŋne, kɛ ba ta weweele bɛlbwa nae, he do ba sibeɡra, kɛ ba ta wobɛlbwa hwele le a ta. Ba ɡelɔ ba bambile do kpeɡri kɛŋɔ bwe ken, dɛ vɛh kɛ baa charɛ ba liiree.”

Ɛsekeɛl 11:19

Mɛɛ ɡeloo ba bambile che bobeŋkpoŋ, dɛ́ tɛɛ ba liifala. Mɛɛ laa ba bambikpeɡ waa do kɛŋɔ bwe laanee kpɔ, dɛ́ tɛɛ ba bambile waa pwɛra.

Ɛsekeɛl 36:26

Mɛɛ tɛ heyaa bambifale ne liifalaa, ásɛ he won dɛɛ teŋɛ n waa ta. Mɛɛ laa he bambile waa do kɛ bwe laanee kpɔ, dɛ́ tɛ heyaa bambile waa pwɛra.

Emɔs 6:12

Jaɡre won bwea dor chwae yaa? Nɛn ɛɛ kpɔ nae ka parɛ bela aa? Kɛ he ɡelɔ kasinteŋ do kɛ tɛɡchɔɡa, asɛ waa aa toɡra berɛ do kɛŋɔ wechɔɡa ken.

Amanesoma Luk Aa Chwera Tɔn 8:13

Anɔ la ɡe aa lee bwetala ta bela teera aa wola toole kohona a lune aa wola wone kaa bini a jwalɛ dɛ sewɛ la, a do kɛ nɛra ba yon no waa la, dɛ ba sie lɛo, kɛ aa wola won ban jooɡe dɛɛ ka ba nyu bini la. A cheɡɛ Korowii Waa ta waane puu ba aa, dɛ ba horɔ.

Amanesoma Luk Aa Chwera Tɔn 8:5

“Baa bɛlee ira dɛ kaa merɛ mea o koo ta. Waa dɛ merɛ mea la la, ane lee ŋwɛnɛ ta, asɛ nɛra tiɡri a ta, jumbii ɡe ba tɔɔ di.

Amanesoma Luk Aa Chwera Tɔn 8:7

Mea la ane lee sɔɔhne baah dɛ le, sɔɔhne la kpeɡ dɛ lawa a serewe.

Hibru 3:15

Korowii Tɔn bolɔ ŋɔ, “Dɛ he no Korowii waa fini naa, he bɛ deŋnekpeɡ ɛ kɛŋɔ he naawa fa aa ɛ deŋnekpeɡ dɛ vɛh o waa noe dɛ jo o nɛɛ la.”