Amanesoma Luk Aa Chwera Tɔn 7:8 - mzwDBL

⁸ O bolɔ ŋɔ, “N ɛ nɛn maa lɔ nomonome bane lɔɡa, dɛ dɔ soojare ba do n ɡe lɔɡa. Mɛɛ wonoo ŋɔ bɛl be ŋɔ, ‘Ba,’ ó ba, dɛ́ berɛ ŋɔ onfale be, ‘Kaa,’ ó ɡe kaa. Mɛɛ wonoo ŋɔ n bonɔɔ be ŋɔ, ‘Ɛ ken tɛ mɛ,’ ásɛ o ɛ.”

Amanesoma Luk Aa Chwera Tɔn 7:8 Iomraidhean Croise

Amanesoma Luk Aa Chwera Tɔn 7:7

dɛ ŋɔ o ɡbaɡba ɡe ta chɛɛ kɛŋɔ o ba Yeesu be. Kɛ Yéesu bol waa waa ba o dem dɛ́ ba bol la ásɛ o bonɔɔ la ɡbaŋre.

Amanesoma Luk Aa Chwera Tɔn 7:9

Yeesu aa no waa nɔ la, o nyoa kpoo, yarada waa yaradao la wa, asɛ o berɛ habɔɔ dɛ ŋɔ nɛnlaa baa teŋɛ o nɛɛ la be ŋɔ, “Kasinteŋ, n ta nɛn waa yarada mɛ ken nae bwa. N ta o yarada dɔŋ nae Israel tena kwaraa bini.”

We-ɛɛla 23:17

Belaa Pɔɔl yerɛ soojanomonome la bɛl dɛ ŋɔ o be ŋɔ, “La bonɔɔ nɔ ne he nomonjen la be. O dɔ waane dɛ bol o be.”

We-ɛɛla 23:23

Soojanomonjen la yerɛ o soojanomonome la banɛ, dɛ ŋɔ ba be ŋɔ, “Hé nyin soojare lafraanɛ, dɛ nyin soojare baa soɡe jaɡre ta dɛɛ yo la ɡe fifraanuanɛ, ne soojare baa dɛ yo lampea ne la lafraanɛ ásɛ ba la Sisaaria fini jwaana dɔŋ anuanaarɛ saŋ.

We-ɛɛla 23:26

Men Klɔdeɔs Lisiasii chwerɛ tɔn nɔ dɛɛ tɛ n nomoa Fɛlekse. He le aa?

We-ɛɛla 23:31

Gɛ nomoa la aa baɡle soojare la, ɡɛɛ ba ɛ. Ba kpɔ Pɔɔl le jwaana dɛ ka tel o ne bwɛɛ bɛl baa dɛ yerɔ Antipatris la.

We-ɛɛla 24:23

Waa teŋe waa la ta la, o ŋɔ nomoa waa dɛ nyiŋi Pɔɔl nɛɛ la be ŋɔ ó berɛ kaa Pɔɔl ne dea, dɛ ŋɔ wɛ́ɛ nyiŋu kɛrɛdɛ kɛŋɔ o bɛ on tɔ do dea, asɛ dɛ Pɔɔl daamanar ba o be naa, ó tɛɛ ba ŋwɛnɛ ba baa chao.

We-ɛɛla 25:26

Kɛ waa maa baɡla do tɔn bini kɛŋɔ ken ne kenii o ɛ waa n ŋɔ Rom Koojen ɡbaɡba nyiŋi o waa bini la, an kpeɡa tɛ mɛ nɔ. Amɔ a waa n ba o ne he bwa sie, ne Kooro Aɡrepa ɡbaɡba sie, ásɛ he nyiŋi o waa nɔ bini la. Bɛl lole he ken ɛɛ wonoo cha mɛ ń dɔ o waane dɛ́ chwerɛ ka tɛ Rom Koojen,

Kolosi 3:22

Bonɔɔna ne toli ɡe, hɛ́ɛ no nɛra haa dɛ tom ba harɛ nɔ ta la waa saŋ bɛlbwa. He bɛ ba siebɔr na mɔɔ dɛ́ɛ tom ba dɛ́ɛ nyin baa kpɛɛ heya. Hé ta tea dɛ́ɛ tom ba ɔma haa dɛ ɔmɛ he Dɔɔ Yeesu Kristo nomanta.