Amanesoma Luk Aa Chwera Tɔn 7:44 - mzwDBL

⁴⁴ Yeesu aa ŋɔ ɡɛ la, o berɛ sie ta haah la be, dɛ ŋɔ Seemɔn be ŋɔ, “Kɛ he na haah nɔ kenɛ? Maa ba he dem bonɔ la, he ta men nee tɛɛ ń sarame n nakpale. Kɛ haah nɔ te wio ta n nakpale ta, dɛ kpɔ o nyumpona feera kɛrɛdɛ ken.

Amanesoma Luk Aa Chwera Tɔn 7:44 Iomraidhean Croise

Mumpar 18:4

Hé ɡel n ba tɛ heyaa nee tama he sarame he nakpale, ásɛ dɛ ka onɛ daa nɔ mun bela.

Mumpar 19:2

“N dɔɔranar n dɛ soŋe heya, hé pere kpɔ men maa ɛ he bonɔɔ be bonɔ, dɛ́ ba sarame nakpale ásɛ dɛ chɔ kere hé kaa.” Anee ba ŋɔ, “Ɔɔhɔh, yaa chɔ buse baahnee.”

Mumpar 43:24

Ate, o laɡ ba jo dem dɛ tɛɛ ba nee ba sarame ba nakpale, dɛ tɛ ba keeɡore ɡe kwaa a di.

2 Samoɛl 11:8

Ate, kooro ŋɔ Uria be ŋɔ, “La dem dɛ́ ka onɛ tama.” Anomanta, Uria le bela kaa asɛ kooro ɡel ba kpɔ koŋkɛɛla ka tɛo.

Amanesoma Luk Aa Chwera Tɔn 7:38

dɛ ba ɡuŋi Yeesu jwɛh dɛ wi ta o napaala ta, dɛ kpɔ o nyumpona fee o sinii la waa wia ta Yeesu napaala ta la, dɛ mo o napaala, dɛ fuɡe nosɔɔhsoma la fɔɡla.

Amanesoma Luk Aa Chwera Tɔn 7:43

Anee Seemɔn chaŋo ŋɔ, “N dɛ lii kɛ naate o kem aa kana la, onee dɛ́ nyin baa la waa kohona.” Asɛ Yeesu ŋɔ, “Kpelaa he ŋɔ.”

Amanesoma Jɔn Aa Chwera Tɔn 13:5

asɛ dɛ fuɡe nee do kon bini, dɛ pa mun kpɔ dɛɛ sarame o habɔteŋra la nakpale, asɛ dɛ kpɔ bwarabwaa waa kpɔa mile chara la dɛɛ feera.

1 Timoti 5:10

nɛra bwa jemɛ o wedɛɛɡa waa ɛa wa, kɛŋɔ waa wona dɛɛ o bii ŋwɛnɛdɛɛɡe ta ba ɛ bechadɛɛɡa, dɛ won dɛɛ kpoŋe hɔɔhra kɛrɛdɛ, dɛ pwɛr o te ɛ toma tɛ asɔre tena, dɛ won cha nɛra wa aa puu ba, asɛ dɛ won kpɔ o te bwa tɛ wedɛɛɡa ɛɛ ɡbo la waa mɛɛ bol he be ŋɔ hɛ́ɛ nyiŋi ba nɛɛ la.

Jems 2:6

Kɛ he te lawɛ nyaara sie teɡɛ harɛ. Dɔɔhna laa dɛɛ fiiɡi heya, dɛ lawɛ heyaa kaa che kɔɔto la aa?

Sitɔɔla 19:21

Anomanta, o kaa ba ne o dem, dɛ tɛ keeɡore la kwaa a di. O tɛ nɛra la nee ba sarame ba nakpale, dɛ tɛɛ ba kondikwaa ba di dɛ tɛɛ ba sen ɡe ba nyɔ.

1 Samoɛl 25:41

Ate, o ɡuŋi dɛ kpɔ sie pi harɛ dɛ ŋɔ, “O toloo men, mɛɛ tomɔɔ dɛɛ sarame o bonɔɔna nakpale.”