Amanesoma Luk Aa Chwera Tɔn 7:2 - mzwDBL

² Dɛ Rom sooja nomoa bɛl lɔ bela dɛ dɔ bonɔɔ bɛl dɛɛ nyin o waa kɛrɛdɛ. Dɛ bonɔɔ la bwara dɛ weo, a ka jɛɛ ken o sewɛ.

Amanesoma Luk Aa Chwera Tɔn 7:2 Iomraidhean Croise

Mumpar 24:27

dɛ ŋɔ, “Korowii n dɔɔ Abraham aa dɛ tomɛ, jam kɛŋɔ haa dɔ kasinteŋ dɛ teŋɛ dɛɛ nyin n dɔɔ nɔ. Asɛ dɛ kpɔ n naa andɛɛɡa ba n dɔɔ lolanar buse nɔ.”

Mumpar 35:8

Dɛbora waa dɛɛ Rebɛka o bechale saŋ sewɔ, asɛ ba huɡo dajen bɛl mun Bɛtel. Anomanta, o pa bela sɔn Alɔn Bakut.

Job Tɔn 31:5

Dɛ n teŋɛ wepuu ta, kɛɛ dɛ teŋɛ nyosone waa ta naa,

Sɛɡla 29:21

He ɡbɛɡbɛ he bonɔɔ le o bechale saŋ aa, a habɔɔ o dɛ ba bambichɔɡ ne.

Matiu 27:54

Sooja nomoa ne o soojare baa dɛ daah Yeesu la aa na ɡɛ harɛ aa jiɡra ne waa aa chiɡa la, ba ɔmɔ, asɛ ba ŋɔ, “Korowii Biee baa nɔ kpela!”

Amanesoma Luk Aa Chwera Tɔn 23:47

Sooja nomoa waa lɔ bela dɛ na waa aa chiɡa la, o ŋɔ, “Kpelaa, wechɔɡa toole baa nɔ nɛ,” dɛ kpɛɛ Korowii.

Amanesoma Luk Aa Chwera Tɔn 7:1

Yeesu aa bol a ɡɛ waa nɔ bwa baɡle nɛra la tonɛ la, o le bela dɛ kaa Kapeeneɔm.

Amanesoma Luk Aa Chwera Tɔn 7:3

Sooja nomoa la aa no Yeesu waa la, o tomɛ Juu tena nomonome bane ŋɔ bá ka soŋo ó ba chah o bonɔɔ la tɛo.

Amanesoma Luk Aa Chwera Tɔn 8:42

Dɛ ɡɛ baa nɔ bibeŋkpoŋ waa dɔɔ, o ɛ bihaah dɛ di bene fi dɛ anɛ bwara dɛ weo wɛɛ ba sewa. Yeesu aa dɛ kaa la, dɛ nɛnlaa bane teŋɛ o nɛ, dɛ fiilo do baah ta dɛɛ taɡɔ.

We-ɛɛla 10:1

Dɛ baa bɛl lɔ Sisaaria baa yerɔ Kɔnɛɛleɔs. Itali harɛ soojare bane nomoaa on.

We-ɛɛla 10:7

Nyundua torome la aa bol waa tonɛ la, o kaalɔ, asɛ Kɔnɛɛleɔs yerɛ o bonɔɔna banɛ ne sooja bɛl waa dɛ tomɛ Korowii kohona dɛɛ teŋɛ o Kɔnɛɛleɔs nɛɛ saŋ bɛlbwa la,

We-ɛɛla 22:26

Pɔɔl aa ŋɔ ɡɛ la, sooja la kaa ŋɔ ba nomonjen la be ŋɔ, “Dɛɛ do baa nɔ dɛɛɡɔ, dɛ bɛ on wechɔɡa bɛlbwa ɛ. Rom tee on.”

We-ɛɛla 23:17

Belaa Pɔɔl yerɛ soojanomonome la bɛl dɛ ŋɔ o be ŋɔ, “La bonɔɔ nɔ ne he nomonjen la be. O dɔ waane dɛ bol o be.”

We-ɛɛla 27:1

Ba vɔrɔwɔ ŋɔ yá kpɔ nee ta kaa Itali harɛ bela Rom Koojen aa soɡa la. Anomanta, ba kpɔ Pɔɔl ne nɛra bane baa do ba ɡe dea ja o nɛɛ la tɛ Rom Koojen soojanomoa bɛl baa dɛ yerɔ Juleɔs la.

We-ɛɛla 27:3

Tɔ aa pera laanee ya jo Sidon. Juleɔs kpoŋe Pɔɔl kɛrɛdɛ, dɛ tɛo ŋwɛnɛ ó ka na o daamanar, ásɛ ba tɛo kwaa aa chɛ kɛ o dɔ o ŋwɛnɛ la ta.

We-ɛɛla 27:43

Dɛ ba nomoa la aa Pɔɔl kpoe nyin dɛ koh o waa ŋɔ bá ɡel ba. O ɡelɔ nɛra baa jemɛ nee la tɔ sie le nee dɛ wa kaa baŋ,

Kolosi 3:22

Bonɔɔna ne toli ɡe, hɛ́ɛ no nɛra haa dɛ tom ba harɛ nɔ ta la waa saŋ bɛlbwa. He bɛ ba siebɔr na mɔɔ dɛ́ɛ tom ba dɛ́ɛ nyin baa kpɛɛ heya. Hé ta tea dɛ́ɛ tom ba ɔma haa dɛ ɔmɛ he Dɔɔ Yeesu Kristo nomanta.